“I’ll try,” tanging sagot ko na lamang. Binitiwan naman na ni Aquinah ang mga kamay ko at tumayo mula sa pagkakaupo sa kama. Naglakad siya papunta sa pwesto nina Cham at Liane tsaka sinabing magpapakulot din siya ng buhok.
“Siya nga pala! Birthday ng friend ko na taga-kabilang school bukas. Kilala yata ‘yon ni Quin,” pag-iiba ni Liane ng topiko.
Sa wakas! Tumayo siya mula sa pagkakaupo sa swivel chair at lumapit sa gawi ko. Si Aquinah naman ang umukupa sa upuan sa harap ng vanity mirror.
“Si Rizel ba?” tumango si Liane. “Ah, oo. Pinapapunta nga niya ako. Sa bar daw nina Corbi gaganapin. Everything is free, aside from boys.”
“Pupunta ako, kayo?” Nilingon ako ni Cham.
Kanina ko pa gustong palitan ang topic pero ngayong iba na ang pinag-uusapan namin, sumisingit naman si Thunder sa isipan ko. We did met that night on Corbi’s bar and had a drink together. Ayon kay Corbi, siya ang sumagot ng tawag ni Vhan habang naroon ako. Pero paanong na kay Thunder ang stilettos ko? Kaninong bahay ‘yong nakagisingan ko?
“I already said yes to her,” ani naman ni Quin tsaka pinahiran ng matte lipstick ang kaniyang labi. Patuloy lang sa paglalagay ng curlers sa buhok niya si Cham.
“Gusto ko ring sumama. Ikaw, Jey?” Nagkunwari akong nag-iisip kahit pa ayaw ng utak ko.
“Sumama ka na rin, Jey. Isama mo si Vhan,” suggestion ni Liane.
Wala akong ideya sa kung bakit sila nag-aayos. Umupo ako mula sa pagkakadapa sa kama at napaisip sa sinabi ni Liane. I suddenly remember what happened at the cafeteria yesterday. Masyado siyang clingy kay Vhan kay iba ang dating sa akin ng pagbanggit niya sa pangalan nito.
“Should I?”
“Huwag na nating isama si Vhan. Hindi mag-eenjoy si Jehan kapag nagkataon.” Tila ba nase-sense ni Cham na hindi ako komportable. Napako sa akin ang atensiyon ng lahat na noong tiningnan ko isa-isa ay kusa ring umiwas.
“Bakit niyo ba kasi bino-boyfriend ang mga kaibigan ko? Naman, oh!” himig sarkastikong saad ni Aquinah. “Kapag niyaya niyo si Vhan, ayain niyo na rin si Thunder.”
“Oo nga pala, si kuya!”
“Call!”
“No! Hindi na lang ako sasama,” hindi ko pagsang-ayon sa plano nila.
“Ang kill-joy mo, Jey. Sobra! Baka nakalilimutan mong ginamit mo ang pangalan ko nang magpakilala ka kay Thunder. It’s your time para ipakilala sa kaniya ang totoong may-ari ng pangalang ginamit mo.”
“I’ll convince Thunder for you, Quin!” presenta ni Liane.
Maliban sa akin, naging abala sina Liane at Cham para ayusan si Aquinah. Nagplano na rin sila ng mga hairstyle na gagawin nila bukas maging ang mga susuutin nilang damit. It’s a semi-formal night party kaya napagdesisyunan nila na dress ang susuotin. Wala naman akong magawa kung ‘di sumang-ayon sa mga plano nila kahit hindi ako sigurado kung makakapunta ako.
“Mauna na akong umuwi,” paalam ko sa kanila. “Magpapaalam pa ako kay Nanay Dolor. Kung papayagan ako, eh ‘di go!”
Gabing-gabi na subalit mulat pa rin ang aking mga mata. Ilang oras na ang naigugol ko para makinig ng lullaby at tumitig sa kisame. Bumangon ako’t kinuha ang gamot ko sa drawer. Bitbit ang gamot ay bumaba ako sa kusina para kumuha ng tubig.
Nakapagpaalam na ako kay Nanay Dolor na aalis bukas ng gabi. Tinawanan pa nga niya ako at sinabing hindi ko na raw kailangang ipaalam sa kaniya ang mga ginagawa ko. Nang makainom ako ng gamot ay bumalik din ako kaagad sa kwarto ko. Habang nakatitig sa kisame at hinihintay na dalawin ako ng antok ay naalala ko si Thunder at kung paano siya magreklamo kanina kung bakit hindi ko sinasagot ang mga tawag niya.
Napangiti na lamang ako.
“Ten P.M.? Jey, magsisimula pa lamang ang totoong party sa oras na ‘yan. Uuwi ka na kaagad?” sarkastikong natawa si Cham matapos sabihin iyon.
Today’s the Orientation Day for Freshmen and transferee’s. Narito kami ngayon sa covered gym at nakaupo sa bleachers sa ikatlong palapag. Nakadukwang si Cham na nakaupo sa bleachers at nakapagitan sa amin si Liane na abala sa hawak niyang cellphone.
“Utos ni Vhan.” Bumuntong-hinga si Cham at saka umupo nang maayos. “Pero sino bang may sabing susundin ko ang utos niya?” Napa-thumbs-up sa akin si Cham. Bad influence.
“Girls, reserve raw natin ng mauupuan si Quin tsaka ‘yung kasama niya,” anunsyo ni Liane. Iginala niya ng tingin ang paligid, waring may hinahanap.
“Sino naman ang kasama niya? Classmate niya?” si Cham ang nagtanong. Napahilig ako ng ulo matapos sipatin ang cellphone ko. Ilang araw ng nagsimula ang klase pero wala pa kaming matinong conversation ni Aquinah. Mukhang nagiging close na sila ni Liane.
“They’re here!” Tumayo si Liane mula sa pagkakaupo at saka kumaway. Sinundan ko ng tingin ang direksyon kung saan siya nakatingin. Nakita ko si Aquinah na kumakaway din pabalik sa kaniya. Kasama niya si Thunder.
He’s wearing a white shirt topped with denim jacket; denim din ang jeans niya at brown Timberland shoes. Hindi na gaanong visible ang pasa at sugat niya. Bumaba ang mga tingin ko sa magkahawak nilang mga kamay. Nakaalalay din si Thunder kay Aquinah sa pag-akyat nila sa bleachers. Natauhan ako nang umusog si Liane para magbigay ng espasyo sa pagitan nila ni Cham.
“Tatagal daw ng apat na oras ‘tong seminar. Bibili lang ako ng tubig. Sinong gustong sumama?” tanong ni Quin na nakatayo sa harapan namin katabi ni Thunder. Magkahawak pa rin ang kanilang mga kamay.
“S-samahan na kita. Dadaan lang ako sa restroom sandali,” ani Liane at tumayo. Nilingon ni Aquinah si Thunder. Ngumiti ang huli sa kaniya at saka lang binitiwan ang kamay ng isa’t isa. Nakahinga ako nang maluwag.
Nakasunod ako ng tingin kina Aquinah at Liane na pababa sa bleachers. Nang mawala sila sa paningin ko ay saka lamang ako umiwas ng tingin para bumaling sa stage. Umalingawngaw ang malakas na musikang nagmumula sa mga nagkalat na speakers. Tinapatan din ito ng hiyawan ng mga schoolmates namin nang lumabas mula sa backstage ang dance troupe ng university.
Napalunok ako. Hindi ko magawang ibuka ang aking bibig para sana sumabay sa pag-cheer. May kung anong awkward na pakiramdam ang bumabalot sa amin ni Thunder. Si Cham naman ay tila may ibang mundo at halos maputol na ang kaniyang ugat leeg kasisigaw. Ilang minuto rin ang lumipas bago nakabalik sina Liane at Aquinah. Umupo si Liane sa tabi ko at pumagitna naman si Quin sa kanila ni Cham.
“So, anong plano mamaya? Sasama ka ba, Jey?” tanong ni Quin na talagang dumukwang para humarap sa akin.
Nakikipagsabayan siya sa boses ng guest speaker na nasa ibabaw ng stage. Maging sina Liane at Cham ay lumingon sa gawi ko. Nararamdaman ko ring nakapako sa akin ang mga mata ni Thunder. Tumango na lamang ako bilang sagot. Paniguradong magsasayang lang ako ng laway kung isasaboses ko pa at hindi lang din nila maririnig.
“Ikaw, Thun?” Sa pagkakataong ito, nalipat naman kay Thunder ang atensyon ng tatlo. Nagdadalawang-isip akong lingunin siya pero noong huli ay sinulyapan ko rin naman.
“Susubukan ko kung makakahabol,” sagot naman nito.
Umupo ako nang maayos nang marinig ang pagtawag sa next speaker. Napansin kong uminat ng mga braso si Thunder na siya ring ginawa ko. Ipinatong ko ang kanan kong kamay sa maliit na espasyo sa pagitan ng mga binti namin. Nanlaki na lamang ang mga mata ko at agad na inalis ang kamay ko nang pumatong doon ang kamay niya.
Ako lang ba o ang creepy niya talaga minsan?
“Hay! Finally, it’s over! Cafeteria tayo?” tanong ni Liane nang tuluyan ng matapos ang orientation seminar. Tumayo na kami sa kani-kaniya naming kinauupuan, ganoon din si Thunder. Paunti na nang paunti ang mga tao sa gym kaya bumaba na rin kami para lumabas.
“Thunder!” tawag ni Quin. Nabangga niya pa ako habang nagmamadali siyang habulin ito. Kaagad siyang kumapit sa braso ni Thunder nang makalapit siya rito.
“Do you wanna get some ice cream?” tanong niya rito. Though matangkad si Quin, nanliit siya sa tabi ni Thunder na mas matangkad sa kaniya. Lumingon sa gawi namin si Thunder rason para magtama ang aming mga mata. Ngumiti ako sa kaniya. Napansin ko naman ang makailang-ulit na pagkisap ng kaniyang mga mata.
“Susunod na lang ako sa cafeteria. Dadaan lang ako sa ladies room sandali,” paalam ko sa kanila.
“Ipag-rereserve kita ng mauupuan, Jey!” pasigaw namang saad ni Liane bago hinila si Cham palayo.
Tinalikuran ko sina Aquinah at Thunder na hindi na nakakilos sa kinatatayuan nila. Nagpatuloy ako papaunta sa department building namin na siyang pinakamalapit sa gym. Nasa dulo ng pasilyo ang ladies room kaya ilang minuto rin ang gugugulin ko upang marating iyon. Nang makarating sa restroom ay agad kong ginawa ang sadya ko at nag-ayos na rin ng sarili.
Bago pumunta rito sa school ay dumaan ako sa apartment ni Cham para iwan doon ang mga bihisan ko mamayang gabi. Kaming apat ay doon magbibihis at maaaring doon na matulog pagkatapos ng party. Ito ang unang beses na aattend ako ng party ng taong hindi ko kilala.
“Ano ‘to? Another episode of your let’s make him jealous challenge? Aquinah, hindi ka na nakakatuwa. Alam mo ba ‘yon?”
Napahinto ako sa paghakbang nang marinig ang pangalan ni Aquinah. Her name’s kinda unique, though. Kung meron man siyang kapangalan sa mundo, siguro nasa ten to twenty percent lang.
“So, kapag ikaw ‘yung gumawa okay lang? Ang unfair naman! Bakit hindi na lang tayo maghiwalay?”
“Watch your words, Aquinah.” I overheard the woman chuckled, sarcastically. “Kung gusto mo akong paselosin, h’wag ka namang kumapit sa kapatid ko sa kaibigan ko. Masyadong obvious na gusto mo lang ng atensyon!”
Sa kadahilanang wala ng klase at halos karamihan ay umuwi na, tahimik ang mga corridors at lobby. Umeecho sa paligid ang bawat palitan nila ng mga salita at kahit maging ako na daraan lang sana ay napatigil. Muli sana akong magpapatuloy sa paghakbang nang may humila sa kamay ko at isinandal ako sa wall. Nakatakip sa bibig ko ang kaniyang kamay.
“Fine. I’m an attention seeker. Ayoko na, Craig. Maghiwalay na lang tayo.” Nanlaki ang aking mga mata hindi lamang dahil sa makitid na espasyong pumapagitan sa aming dalawa, kung di pati na rin sa pangalang binanggit ng babae.
Craig? As in Craiger Llorico? ‘Yung kuya ni Vhan at si Aquinah? Sila?
“Aquinah!” tawag niya sa pangalan nito at ang sumunod na pangyayari ay halos ikahinto ng tibok ng puso ko.
Inilapit ng lalaking may hawak sa braso ko ang mukha niya sa akin. Nakalapat ang kaniyang mga labi sa likod ng palad ng kamay niyang ipinatakip niya sa bibig ko. Hindi ako makakilos dala ng pagkagulat. Nang makalayo na sina Aquinah at Craig ay tsaka lang lumayo ang lalaki sa akin at tinanggal ang pagkakahawak ng kamay niya sa braso ko. Umatras siya para lumayo sa akin.
Ang lalaking nasa harapan ko ay walang iba kung ‘di si Thunder.
“Hoy, Jehan, ayaw mo ba ng ice cream? Kakainin ko na lang!” Bumalik sa reyalidad ang aking wisyo nang magsalita si Aquinah. Namumula ang mga mata niya na noong tanungin siya nina Liane at Cham sa rason ay natusok daw niya ng eyebrow pencil.
“Ha? Ah—oh, s-sige.” Inusog ko palapit kay Quin ang ice cream na nabawasan ko na rin ng kaunti.
“Something’s weird,” pagpuna ni Liane. Umangat ako ng tingin para harapin siya subalit napako naman kay Thunder na katabi niya ang aking atensyon. Napilit daw siya ni Aquinah na sumama sa aming kumain ng ice cream dito sa cafeteria.
Matapos kong marinig ang mga iyon kanina ay nilimitahan ko na ang sarili ko sa mga binibitiwan kong salita. Mahirap na at baka hindi pa handa si Quin na pag-usapan ang tungkol sa kanila ni Craig. Hihintayin ko na lang na ipaalam niya sa amin ang status nila ni Craig. Sinasabi ko na nga ba’t hindi ko siya dapat pinaghihinalaan na may something sa kanila ni Vhan dahil si Craig ang boyfriend niya. Ex-boyfriend na ba?
“Pansin ko rin. Pumunta lang kayo ng ladies room, natameme na kayong pareho,” segunda naman ni Cham.
“Ah, I think, I’ll go ahead,” basag ni Thunder sa biglang sumeryosong atmosphere. Tumayo siya sa pagkakaupo niya at inusod pabalik sa ilalim ng mesa ang upuan.
“Awh! Pumunta ka mamaya, Thun. Hihintayin ka namin.” Kumakaway na saad ni Cham. Kumaway din si Liane at ako naman ay ngumiti lang. Nakasunod ako ng tingin kay Thunder na naglalakad paalis habang tila ba may tinitipa sa cellphone niya. Nang maisilid niya iyon pabalik sa kaniyang bulsa ay v-um-ibrate ang cellphone ko sa aking bulsa.
“Huwag mong isipin masyado ‘yung kiss. Indirect lang naman ‘yun,” basa ko sa mensahe kapapasok lamang.
“’Yung bilin ko. Umuwi before 10 P.M. Gusto mo, sunduin na lang kita?” ani Vhan via phone call. “Eh, kung sumama ka na lang kaya?” “Ten P.M. Final na. Kapag hindi ka pa umuwi sa oras na iyon, susunduin kita.” I rolled my eyes as if he’s right in front of me. He sounded possessive, too. Hindi naman sa ayoko siyang sundin pero minsan na nga lang ako makapupunta sa mga night party, may time limit pa? Habang abala sina Liane, Cham at Aquinah sa pag-aayos ay prente naman akong nakaupo sa kama. “I can handle myself, okay?” “No, you can’t, Jey! Remember that night when you got drunk? Saan ka nga natulog?” He might talking about that night of my birthday. I let out a deep breathe. “Babe!” Kapag hindi pa gumana itong pagpapa-cute ko, ewan na lang. Narinig ko naman
Weekend was over but I’m not in the mood to attend my classes today. Matapos akong ihatid ni Vhan sa bahay noong tanghali ng Sabado ay hindi na ulit siya nagparamdam. Buong weekend akong walang balita sa kaniya. Hindi niya sinasagot ang mga messages ko, pati na mga tawag. Gustuhin ko mang lumiban ngayong araw ay hindi pupwede. May mga instructors pa kaming hindi name-meet last week. Matapos mag-ayos ng sarili ay bumaba ako sa salas. Maaga pa naman pero sa cafeteria na lang siguro sa school ako kakain ng breakfast. Naabutan ko si Nanay Dolor sa salas na may kausap sa cellphone. “Aalis na ho ako,” paalam ko nang hindi humihinto sa paglalakad. “Hija, susunduin ka raw ni Vhan dito sa bahay. Hintayin mo na lamang at on the way na raw siya.” Tila ba ako nabuhayan ng loob nang marinig ang sinabi niya. Napakagat ako sa ib
Nilakihan ko ang awang ng pinto at tumuloy na nga papasok. Binati ako ng malamig na temperaturang nagmumula sa aircon—‘sing lamig ng mga tingin sa akin ni Corbi. Anong problema ng isang ito? Kahit pa hindi siya direktang nakatingin sa akin, ramdam ko ang nanlalamig niyang mga tingin. Ang awkward lang. Mauupo na sana ako sa kulay brown na sofa sa gilid malapit sa wall nang mapansin kong may nakabaluktot ang pagkakahiga roon at tila ba natutulog. Si Craig! Katulad ng nabanggit ko na, magkaibigan ang pamilya namin ni Corbi. Ninong sa kasal ng mga magulang niya si Lolo Martin. Mula pagkabata ay madalas nang nagku-krus ang landas naming dalawa—sa bahay man o sa kung saang family events. But we’re not close. Madalas nga akong naiilang sa tuwing nakikita ko siya. Isa rin siya sa iilang mga taong nakasalamuha ko na mahirap basahin ang ugali. Minsan bigla-bigla na lamang mangangalabit at ngingitian ka nang walang sapat na rason. Madalas naman da
“B-bitiwan mo ako,” pagkontra ko sa pagitan ng pagsinghot. “Stay still! You’re heavy!” saway naman niya na siyang nagpatameme sa akin. May mga napapalingon sa gawi namin kaya upang takasan ang kahihiyan ay nanamihik na lamang ako at itinago ang aking mukha sa dibdib niya. Sa puntong ito ay sinubukan kong tumahan na at hayaan na lamang siyang itakas ako palayo. May kung ano sa presence niya na siyang nagtanggal ng takot na nararamdam ko. Ibinaba ako ni Thunder sa parking area ng university; sa harap ng itim na kotseng gamit niya noong ikatlong araw ng pasukan. Pinagbuksan niya ako ng pinto sa passenger seat at mahinang itinulak papasok. Kung tutuusin, dapat nagpapanic na ako sa mga oras na ito—remembering that night sa bar—pero sa mga sandaling ito ay wala man lamang akong maramdaman na takot. I found myself sitting on the passenger seat with him on the driver’s seat. “Iyan. Dito ka umiyak. Dito ka magwala. Dito mo ibuhos lahat ng kadramahan mo
Nanumbalik sa wisyo ang aking pag-iisip nang marinig ang tanong niya. Nakangiti akong yumuko para tingnan si Toki na kanina pa nagpupumilit na bumaba. Iginala ko ng tingin ang paligid at nang mapagtatantong nasa garden area na kami ay ibinaba ko na si Toki. “I got it from Th—” natigilan ako nang ma-realize kong mae-expose kong magkasama kami ni Thunder buong maghapon. “From a friend. Yeah, from a friend.” “Anyways, tara doon! May naiambag din naman kahit papaano ‘yong pag-uwi mo nang late.” Humakbang siya papunta sa likuran ko. Piniringan niya ako gamit ang panyo at saka inalalayan sa paglalakad. Napanganga na lamang ako nang makita ang nagliliwanag na light bulbs na nakasabit sa hindi kataasang arc nang tanggalin ni Vhan ang panyong nakatakip sa aking mga mata. Sa tagal kong umuwi, malamang ay nagkaroon siya ng oras para gawin ito. The arc served as the door papunta sa wooden table at bench. Mababa lang ang table at bench. Halos ilang inch lang ang t
Kanina pa ako tila baka na umaatungal sa loob ng kotse ni Thunder. Tumigil na rin siya sa pag-aalo sa akin, siguro ay na-sense niyang hindi ako titigil hangga’t hindi ko nailalabas ang lahat ng sama ng loob na meron ako. Nanatili siyang nakaupo sa driver’s seat habang nasa labas—sa malayo—ang mga tingin. Paminsan-minsan niyang ipinupukpok ang index finger ng kamay niyang nakahawak sa steering wheel. “Parang may something talaga sa kanila, ‘di ba?” Nilingon ako ni Thunder pero wala siyang binitawang salita. Pinunasan ko ang mga natuyo kong luha sa pisngi at sinalubong ang mga tingin niya. Kumunot ang noo niya’t siya ring naunang umiwas ng tingin. Marahil iniisip niya na over acting ako at masyadong mapaghinala. Mukha naman kasing walang matinong babae na papatol sa kaniya. Malamang hindi niya alam ‘yong pakiramdam na may ibang nagpapasaya sa taong mahal niya. Moreover, he’s a guy so he wouldn’t really know what female intuition is and how accurat
“Jehan!” Tumayo ako mula sa bleachers nang makita si Cham na kumakaway sa aking direksyon. She’s with Liane na palinga-linga—may hinahanap yata. Pumapailanlang ang upbeat music sa buong gym, tipong hindi naman nakabibingi pero nakatutulong upang huwag kang antokin. Inayos ko ang laylayan ng aking damit sa bandang likuran bago ako bumaba para lapitan sila. Today’s the university foundation day. Dalawang linggo na ang nakalilipas nang maghiwalay kami ni Vhan. “Anong club ang sasalihan natin?” tanong ni Liane nang makalapit ako sa kanila. Malawak ang ngiti ni Cham at kumapit sa braso ko. “May nakita na akong club. Kayo ba? Saan niyo gusto sumali?” pagbabalik ko ng tanong sa kanila. Nagkatinginan sina Cham at Liane. “Art club sana.” Si Liane ang sumagot. Natatawang bumaling sa akin si Cham. Pinanliitan ko siya ng mga mata. “Mahilig ka sa arts?” tanong ni Cham. “Not really pero balita ko kasi sa a
“So, what do you like?” “I like Cigarettes After Sex.” Kumunot ang noo ko nang mapansing nagpipigil siya ng tawa. Ano namang nakatatawa sa sinabi ko? Hindi pa kami gaanong nakalalayo ni Thunder sa motocross camp kung saan namin iniwan si Liane. Sa katunayan ay natatanaw ko pa rin ang malawak na lupaing iyon sa likuran. Moderate lang naman kasi ang usad ng kotse—sakto lang sa tulad naming hindi naman nagmamadali. Bago pa man kami makarating kanina ay may napagkasunduan na kaming lugar na pupuntahan but sadly, ayaw papilit ni Liane. Three is a crowd, sabi pa nga niya. “B-bakit?” pati ako nahawa na rin ng pagpipigil niya ng tawa. “You like cigarettes after sex?” “Hm! Why? Haven’t heard about that band?” Doon na nga siya tuluyang natawa. Itinakip niya ang bahagyang nakakuyom na kanang kamay sa kaniyang mga labi. Sinusubukan yatang sawayin ang sariling huwag tumawa nang malakas. Nanatili siyang naka-focus ng tingin sa unahan pero pa