Chapter 30

Kasama niya si Ellena nang pumunta siya ng Mall para bumili ng ilang blouse at pants. Kunti lang kasi ang nadala niya at gaya nga ng sabi ni Lloyd ay si Ellena ang pinasama nito sa kaniya. Maaga kasing umalis ang nobyo niya at hindi niya alam kung saan nagpunta, wala rin naman itong sinabi.

Maaga silang umalis kasama si Manong Dan na palaging nakangiti sa kaniya. Ewan kung anong eksena ang pumapasok sa isip nito at bakit palaging nakangisi. Kahit siya naman ay natatawa tuwing nakikita ang manong, naalala niya kung paano nagsabwatan ang dalawa upang pagkaisahan siya.

Tinutulungan siya ni Ellena sa pagpili ng blouse, sa sobrang dami ng magagandang damit ay nahihirapan siyang mag-decide. Ewan ba niya, tamad talaga siya mag-impake, kung nagdala na lang sana siya ng damit ay hindi siya mahihirapan ngayon at hindi sana nadadamay si Ellena. Nasanay kasi siya na ang Mommy niya ang nag-iimpake kapag may lakad siya.

Mas okay pa sa kaniya ang mag shopping ng damit sa Mall