Chatper 23

Sinusuklay niya ang buhok ni Lloyd gamit ang mga daliri niya habang ang ulo nito ay ginawang unan ang kaniyang hita. Hapong-hapo ang binata na para bang pasan nito ang buong mundo. Kahit ang mga mata nito ay namamaga na dulot ng pag-iyak nito kanina at kahit ang matangos nitong ilong ay namumula na. Walang ibang binanggit ang boyfriend niya maliban sa sinapit ng kapatid nito.

Parang kahapon lang nang magkasama sila habang tinutulungan niya itong maglaba. Parang kahapon lang nang pagalitan niya ito dahil sa ginawa nitong kabaliwan sa panty niya. Sino ba namang matino ang gagawing parang cover cellophane ang panty at ginawang cover sa lesson plan! Dios mio, si Lloyd lang naman.

At lesson plan pa talaga ang napagtripan nito. Kapag nakita ito ng iba nilang kasama, panigurado, malalang tukso na naman ang aabutin nila.

Kung ano-ano na lang ang dinaldal niya upang pagalitan ang binata. Hinablot niya rin at tinabas ang panty niya nang may nakita siyang gunting sa mesa n