Shadows 44: Calling For Him

Diane’s P.O.V.

“Thanks for the time you spent with me, Diane. I’ll treasure it for the rest of my life,” nakangiting sabi ni Leand.

Hinatid niya ako rito sa amin at ngayon nga’y nasa labas na kami ng gate ng bahay namin. Malapit na ring mag-alas diyes ng gabi. Naubos lang yata ang oras namin sa pagkukuwento niya, kung kaya’t ang balak pa sana naming pamamasyal sa may seaside area ay naudlot na.

“Thanks for the dinner too, Leand. Ang dami mo pa talagang pina-take out. Matutuwa nito sila Mama,” nakangiti ko ring saad sa kanya kasabay nang magiliw kong pag-angat sa dalawang malaking supot na nasa magkabilang kamay ko.

“Maliit na bagay. Kahit gabi-gabi ko pang gawin ‘yan, basta ikaw!” Hindi na natanggal ang ngiti sa mga labi niya. “Anyway, I forgot to tell you this. Hmm… nakikisabay ka lang kay Karen if you ar