Chapter 101 — Claimed, Publicly and Proudly

ANESSA

Apat na oras pa lang ang lumipas mula nang umalis si Bart pero pakiramdam ko buong araw ko na siyang hindi nakita.

Naayos ko na lahat ng gamit namin. Nalinis na ang buong condo, pati itong kwarto na dati ay ako lang ang gumagamit. Pero ngayon… sa amin na ni Bart.

Ang isang kwarto naman ay ginagamit ng mga bodyguard.

Bitbit ang folder na naiwan niya sa sala, muli akong pumasok sa kwarto at pabagsak na umupo. Nilapag ko iyon sa bedside table at kinuha ang phone ko.

Kanina ko pa pinipigil ang sarili ko na tawagan siya. Alam kong busy siya ngayon. Sunod-sunod daw ang meeting niya at ayaw maistorbo ko siya.

Muli kong inilapag ang phone at humiga. Nagpaikot-ikot ako sa kama at tinakpan ang mukha ng unan.

Sinubukan kong umidlip pero ayaw talaga akong dalawin ng antok. Si Bart lang ang pumapasok sa isip ko ang mukha niyang nakangiti, ang boses niyang lagi akong nilalambing.

Kung dati, para akong nababaliw sa katahimikan dito sa condo sa lamig ng pagtrato ni Bart sa akin, ngayon, para