Kabanata 2: Offer

Amara's POV

Warning ‼️ Mature Content ‼️

Dalawang linggo na ang nakalipas simula ng break up namin ni Marcus. Dalawang linggo na din simula n'ong sumama ako sa bahay nila Jairus at ang daddy niya. Hanggang ngayon hindi ko pa din alam ang pangalan ng daddy ni Jairus. Pero inalok niya ako kung pwede daw ako maging tutor ni Jairus.

Mabilis akong tumanggi dahil ayaw ko ng presensiya ng lalaking iyon. Masyado siyang pa misteryoso at ang sa tingin ko palang sa kanya, hindi siya ordinaryong tao lang. Alam ko na ang taas ng antas ng pamumuhay niya kumpara sa estado ng pamumuhay namin ni daddy ngayon.

Lumaki akong may ginintuan sa bibig. Sunod sa luho na lahat ng gusto ko ay makukuha ko. May sarili kaming kumpanya noon na itinaguyod ni daddy at mommy.Pamana sa kanila ng mga magulang nila.Pero nagbago ang lahat ng namatay si mommy sa isang plane crush.

High school palang ako na nangyari iyon, naunawaan ko naman ang nangyari dahil wala naman gustong mangyari iyon.Pero ang hindi ko maintindihan, ang ginawa ni daddy.Dahil na depressed siya sa pagkamatay ni mommy. Araw-araw siyang lasing at unti-unting napabayaan ang sarili, pati ang kumpanya na tinaguyod nila ni mommy.

Napabayaan na din ako no daddy.Nakalimutan na niyang may nag-iisa siyang anak na kailangan ng kanyang atensiyon. Nagising nalang kami kinabukasan. Bankrupt na ang kumpanya namin, pati ang mansiyon namin ay nahatak ng banko dahil lulong na si daddy sa casino.

Hanggang sa dumating ang araw na gusto na niyang tapusin ang kanyang sarili.Mabuti nalang may nakakita sa kanya na tatalon na sana sa mataas na tulay.

Natauhan si daddy, pero hindi na bumalik ang karangyaan namin sa buhay. Nakatira nalang kami ngayon sa isang murahing apartment. Ganito talaga ang realidad sa mundo. Noong mayaman ka pa at tiningala ng lahat halos hindi umaalis ang kamag-anak namin at kahit mga kaibigan ni daddy sa tabi niya.

Noong kami ay nalugmok. Wala ni isang gustong tumulong kay daddy para maibalik ang kumpanya. Walang gustong magpatira sa amin ng tahanan kahit pansamantala man lang.Dahil sabi nila, ayaw nilang madamay sa bad image ni daddy sa lipunan.Lalo na pagdating sa business world.

Natigil ang pagmumuni ko ng may biglang tumawag sa akin. Kinabahan ako na ang doktor ni daddy ang tumawag.

" Hello, miss Amara Sandoval. Kailangan na natin operahan ang daddy mo as soon as possible.Bago maging komplikado ang sakit niya." Wika sa kabilang linya.

Hinigpitan ko ang pagkahawak ng cellphone.Para na kasing mahuhulog ito sa kamay ko. Dahil sa kaba at panginginig ng buong katawan ko.

" Magkano po ang kailangan para sa operasyon ni, daddy?"

" Three million..." mabilis na sagot sa kabilang linya.

Mas lalo akong napapikit sa aking mata dahil sa halaga ng kailangan sa pagpa-opera ni daddy. Noong dati ang halaga na iyan ay balewala lang sa akin dahil mas higit pa ang pera namin dati sa sinabi ng doktor. Pero ngayon, nanginig ang katawan ko sa isipin kung saan ko hagilapin ang ganyang kalaking halagang pera.

" Gagawa ako ng paraan, doktora. Schedule n'yo na po ang operasyon ni, daddy."

Matagal na akong walang kausap sa phone. Pero nakatulala parin akong nakaupo sa couch ng apartment namin. Napahagulgol ako hindi dahil sa heart broken ako kundi sa kawalan ng pag-asa. Si daddy nalang ang meron ako.Kaya ayaw ko pati siya ay mawawala sa akin.Gagawa ako ng paraan para matustusan ang bills ni daddy.

" Amara!" napapitlag ako sa inuupuan ko ng marinig ko ang boses ni Marcus. Mabilis ko ng tinungo ang pintuan.

" Marcus! What are you doing here?" galit na bulalas ko sa kanya.

"Hon, I'm sorry, inakit lang ako ng babaeng iyon.Ikaw ang mahal ko, isipin mo wala ng tutulong sa'yo sa gastusin ng daddy mo."

Pak! Malakas na sampal sa kanang mukha ni Marcus ang binigay ko sa kanya.

" Ang kapal ng mukha mo, Marcus! Nakakadiri ka, may gana ka pang tawagin mo ako sa tawagang iyan.Samantalang iyan din ang tawagan ng babae mo."

Ngumisi siya sa akin sabay hawak sa leeg ko. " Sino ba ang pinagmamalaki mo,Amara. Bukod sa mahirap na kayo, nakaratay pa ang daddy mo sa hospital."

Buong lakas ko siyang tinulak para mabitawan niya ako.Napaubo pa ako sa ginawa niyang pananakal sa akin.

"Ano bang kailangan mo? Hindi pa ba sapat ang pagtataksil mo sa akin,huh! Umalis ka na!..." tinulak ko siya papalayo sa pintuan.Pero mabilis niyang nahawakan ang kamay ko.

Malakas niya akong sinandal sa pader. " You can't skip me, Amara. You're only mine and your life belongs to me only."

Hahàlikan na sana ako ni Marcus. Pero agad akong nagulat ng may bíglang dumating. Sabay pa kaming napalingon ni Marcus sa dumating.

Isang lalaking malakas ang dating, arogante at nandidilim ang paningin na nakatingin sa amin ni Marcus. Napaawang ang aking bibig ng makilala ko siya nang tinanggal na niya ang kanyang suot na itim na salamin.

" Get your hand out of her asshole!" kalmado niyang sabi, sa matigas na boses.

Hinarap naman siya ni Marcus. Na mayabang ang dating.

" Who fucking are you to interfere with my girlfriend."

Ngumisi ang lalaki na walang iba kundi ang daddy ni Jairus.Anong ginawa niya dito, paano niya nalaman na dito ako nakatira.

" You're ex girlfriend!" pagtatama nito kay Marcus."You cheated on her, didn’t you? So, get out of my sight.”

Tinulak naman ito ni Marcus, " Fuck you! You have no right to tell me what to do."

" Tama na! Marcus, please... leave me alone. We already done!" agad na singit ko sa usapan nila.

Ngumiti naman sa akin ang daddy ni Jairus na hanggang ngayon hindi ko pa din alam ang pangalan nito.

" We're not done yet, Amara."Huling sabi ni Marcus bago tuluyan umalis.

Naiwan kami ngayon ng lalaking ito sa harapan ko. Biglang tumahimik ang paligid na tila nagparamdaman sa isa't isa kung sino ang maunang magsalita.

" Anong kailangan mo,Mister..."

" Adrian Villanueva..."

Tumatango-tango ako, bagay sa kanya ang pangalan niya. Very class ang dating, swabe sa lahat very commanding.Kung makapagsalita ito akala niya, binili na niya ang buong pagkatao ng kausap niya.

" My offer is still available. Jairus looking for you everyday. Hindi ko alam kung anong gayuma meron ka,kung bakit nagustuhan ka ng anak ko."

Napaawang nalang ang aking bibig sa sinabi niya. Napaka walang modo talaga ng lalaking ito. Gusto ko ng bagong buhay pagkatapos ng hiwalayan namin ni Marcus. Gusto ko ng mag focus sa sarili ko at kay daddy na walang ibang taong involved. At higit sa lahat gusto ko ng tahimik na buhay. Pero bakit bigla nalang dumating ang lalaking ito. Na ginugulo ang nanahimik kong sistema.