chapter 23

"Anong nangyari sa 'yo, Janine? Ano ang pumasok sa isip mo at ibinala mo na naman ang sarili mo sa mga Romano?!" galit na galit si Rhea Lyn sa kanya nang ipagtapat niya ang totoo. Wala kasi siyang masabihan ng problema niya at ng nararamdaman niya.

"Wala na 'kong choice. Kanino lalapit sina Mama at Jane kung bigla na lang i-dissolve ang kompanya ar wala kaming magiging habol kahit kusing?"

"Paano mo naging problema 'yun?! Matanda na sila, Janine. Hindi dapat niloko ni Jane ang asawa niya in the first place," katwiran pa ng kaibigan.

"Yun nga ang isa pang punto, Rhea. Si Jane ang dahilan ng miserableng buhay ni Patrick ngayon---"

"Ah, yun pala 'yun..." Kaagad na sala ni Rhea sa sinabi niya.

"Anong 'yun pala 'yun?"

"Hindi naman talaga ang Mama mo at si Jane ang inaalala mo. Si Patrick naman pala."

"Of course not!"

"Naku, Janine, huwag ka nang mag-deny sa 'kin. Hanggang ngayon ba umaasa ka pa ring tatapunan ka ng atensyon ni Patrick? Ah, oo nga pala. Ikaw na nga pala ang