"Nag-usap na tayo tungkol dito, Patrick! Magfa-file tayo ng bankruptcy para tuluyan nang maputol ang ugnayan mo sa mga Edejer! Bakit nagbabago na naman ang isip mo?"Kanina lang ay malamig pa ang ulo ng Mama niya habang umiinom ng mainit na kape. Pahapyaw pa lang niyang nasabi sa Papa niya ang plano niyang ipagpatuloy ang Romano Shipping Line pero kaagad na sumabat ang ina."It's not that easy to close a big company, Mama. Mawawalan tayo ng kredibilidad sa mga business partners natin pati na sa mga suppliers na nagtiwala sa 'tin.""No, Patrick, don't worry about that." Sumagot na ang Papa niya. "Alam na ng mga negosyanteng matagal na sa industriya ang ganyang kalakaran. At bubuksan pa rin naman natin ang shipping line sa ibang pangalan nga lamang. Magpapapasok tayo ng bagong investors at ang aalisin lang natin ay ang mga Edejer.""And do you think they wouldn't find out?""I don't care of they find out or not," madiin pang dagdag ng Papa niya. "O kung ayaw mo talagang isara ang kompan
Nanggigigil sa inis si Janine matapos siyang iwanan ni Patrick. Hinawakan niya ang dibdib na napaso kanina. Pero mas iniinda niya ang huli nitong sinabi na umaatras na ito sa kasunduan nila dahil lang nalaman nito may kasama siyang ibang lalaki.Naiinis siya dahil pinaglalaruan ni Patrick ang damdamin niya. Makikipagkasundo sa kanya tapos babawiin din kung kailan nito magustuhan.Muli siyang bumalik sa trabaho. Naka-tshirt lang siya ngayon dahil natapunan ng mainit na kape ang blouse niya. Ni hindi siya nagdalawang-isip na magtanggal ng pang-itaas na damit dahil napaso siyang talaga. Wala na siyang pakialam kung mukha siyang nakahubad sa harap ni Patrick kanina.Ang kailangan niyang pag-isipan ngayon ay kung paano mapapaamo si Patrick. Hindi puwedeng basta na lang itong umatras sa pinag-usapan nila.Nasa kalahati pa lang siya ng araw nang tumawag si Jane. Nagkaroon ng emergency si Jadie na kailangang isalang kaagad sa operasyon ayon sa mga doktor. Sa ngayon ay may ginagawa na lang na
Natulala ang Mama niya nang ipakilala niya si Pierre Jace Edejer. Nagpabalik-balik ang tingin nito sa kanya, kay Dennis na isinama niya rin, at kay Jace na karga naman ni Dennis. Ipinakilala niya ang anak bilang Jace. Hindi niya na ipinaalam na may Pierre pa sa pangalan nito. Gayunpaman ay tila nababasa niya na ang ibinabadya ng pagkakakunot ng noo ng ina."Puwede ba tayong mag-usap, Janine?"Sumenyas naman si Dennis na lalabas muna sa hardin kasama si Jace. Nagtungo sila ng Mama niya sa silid nito."Ilan taon na kamo si Jace?""D-dalawa ho...""Paanong nagkaroon ng anak si Patrick sa 'yo? Paano kayo nagkaroon ng relasyon gayung asawa siya ng kakambal mo!""Ma---""Huwag mong sabihin sa 'kin na anak siya ng kung sinong lalaki, Janine! Kahit sino hindi maipagkakaila na dugo ng isang Romano ang nananalaytay sa katawan niya!"Nagkamali siya nang sabihin niyang kaya niyang ilihim sa ina ang tungkol sa nakaraan. Para tuloy gusto niyang umatras na lang at bitbitin si Jace pabalik sa Canada.
Dalawang araw bago umalis si Dennis pabalik sa Canada ay nadala na ni Janjnw ang mga gamit ng anak niya sa bahay ng Mama niya. Mahigpit ang bilin niya sa mga katulong na kapag may dadating doon na kahit sino ay hindi ilalabas si Jace. Mukha namang susunod ang mga ito dahil alam na siya na ang magpapasahod sa mga katulong. At tiyak din niyang susunod ang Mama niya dahil ang pagtatrabaho lang niya sa Romano Shipping ang dahilan kung bakit nakakatanggap pa ito at si Jane ng sustento galing sa bulsa ni Patrick.Sa opisina ay inaabala niya ang sarili sa trabaho. Palagi niyang chini-check si Patrick nang palihim sa opisina nito dahil baka bigla itong bumulaga sa bahay ng Mama niya. Malapit na naman ang pagbibigay nito ng allowance para kay Patricia. Mahigpit man ang bilin niya sa mga katulong, baka biglang makalimot ang mga ito.Kapag nasa bahay siya ay dalawang bata ang inaalagaan niya. Kapag tinitigan niya ang dalawa ay para siyang nakatitig sa isang little Patrick at little Janine. Nakuh
Nakatitig pa rin si Patrick sa likod ng pinto kahit nakaalis na si Janine. Hindi niya alam kung bakit gusto niya yatang hilahin ang oras para kinabukasan ay sa kanya na ang atensyon ng dalaga. Nagrerebolusyon ang dibdib niya sa tuwing maiisip na nakatira ito sa condo ng isang lalaki. Hindi siya naniniwalang walang relasyon ang dalawa kung ganoong halos ayaw maghiwalay ng mga ito. Ang sabi ng biyenan niya ay kahapon pa lang dinala ni Janine ang lahat ng gamit mula sa condo ng lalaking 'yun.He decided to buy another condo for Janine. Ibinenta niya na ang condo na gamit nila ni Jane noon. Ang yate naman na pag-aari niya ay napilitan na rin niyang ibinenta para makadagdag kung sakaling kailangan ng kompanya ng dagdag na pondo para sa gagawing re-launching. Suhestyon ni Janine ang bigyan ng bihis ang Romano Shipping Line para makilala ulit ng mga kliyente. Tama naman ito, nagpabaya siya sa pag-aalaga ng mga kliyente nila kaya nasulot ng ibang kompanya. Naubos kasi ang oras niya sa pagmumu
"Ate Janine, nariyan ho si Sir Patrick!""Ano?! Dalhin mo si Jace sa kwarto mo!" utos niya kay Duday na mabilis namang kinarga ang anak niya. Alas sais pa lang ng umaga at magbibihis pa lang dapat siya nang bigla silang nagkagulatan. Tinotoo ni Patrick na pupunta ito para isabay siya sa pagpasok. Niligpit niya ang lahat ng damit ni Jace sa kwarto na puwedeng makita ni Patrick. Wala naman itong karapatan na pumasok sa silid niya pero dahil arogante ito at masyadong mataas ang tingin sa sarili, hindi malabong basta basta na lang ito susulpot. Pupungas pungas tuloy anag anak niya na hinahanap siya. Samantalang si Patricia ang sarap pa rin ng tulog. Narinig niya ang pagsara ng kotse na ibig sabihin ay papasok na si Patrick sa bahay ng Mama niya. Maya maya ay ang boses naman ng Mama niya narinig niya.Napailing na lang siya sa pagiging magiliw ng ina kay Patrick. Ibinida pa nito ang niluto niyang omelette. Nagtungo siya sa cabinet para maghanap ng isusuot. Puro mini skirt na la
"Ma'am Janine, ipinapatawag ho kayo ni Sir Patrick sa opisina niya." Kaagad siyang tumango kay Lindsay. Alas dos na ng hapon at akahanda na ang listahan niya ng mga kliyenteng gusto niyang puntahan. Pagpasok niya sa opisina ni Patrick ay naroon ulit si Darius Romano. Hindi na siya makaatras. At alam niyang dadating din naman ang panahon na haharap siya sa matandang Romano para idepensa kung bakit hindi kailangang magsara ng shipping company."G-good afternoon, Mr. Romano..." pormal niyang bati sa matanda. Noon ay magiliw ang kaibigang ito ng Papa niya sa kanilang dalawa ni Jane. Ngayon ay halos ayaw siyang tingnan. "I am here to listen to your arguments," wika ng matanda na bumaling kay Patrick. "I only have..." Tumingin muna ito sa orasan. "Fifteen minutes.""Tulad ho ng sinabi ko, suhestyon ni Janine na maglagay ng bagong advertisement na magpapakilala ulit sa publiko kung sino si Romano Shipping Line, Papa," panimula ni Patrick. Nanginginig nang bahagya ang tuhod niya pero dahil
Kanina pa nakahiga si Janine sa kama niya pero tinatamad pa siyang bumangon. Alas siyete pa lang naman at alas diyes ang appointment niya sa TNS. Magkakaroon pa siya ng oras kay Jace na pakainin at paliguan ito na hindi nya nagagawa nitong mga nakaraang araw. Kagabi siya nagpuyat sa trabaho dahil gusto pa niyang mag-research sa marami pang kompanyang napabayaan na yatang serbisyuhan ng Romano Shipping Company. Alas dos na siya natulog dahil pati ang financial report ay kailangan niyang pag-aralan ulit.Puno ng pag-asa ang puso niya na maiaahon pa nila ni Patrick ang kompanya. Na-overwhelm pa nga siya sa dami ng ideyang pumapasok sa isip niya. Darius Romano doesn't trust her but Patrick does. Hindi niya alam kung bakit mahalaga iyon sa kanya. Malaking bagay na bawat suhestyon niya ay sinusuportahan ni Patrick. At gusto niyang patunayan ngayon kay Darius na hindi masasayang ang pagbibigay nila ng posisyon sa kanya bilang FInance Manager. Posisyon na hindi naman siya dapat huma