Chapter 14

MABILIS nga lamang lumipas ang araw. Ngayong araw na ang graduation day namin. Pinayagan ng mga doctor si mama na makalabas at makadalo sa espesyal na pangyayaring ito sa buhay ko ngunit kailangang nakasakay lamang siya sa kanyang wheelchair. Silang dalawa lang ni Papa ang kasama ko dahil ayaw rin magpaiwan ng iba ko pang kapatid kung sasama raw si Alex, wala nalang siyang nagawa at mas pinili nalang na manatili sa bahay.

Mga kaklase ko ang katabi ko habang sila mama at papa naman ay nasa bandang likuran kasama rin ng ibang magulang.

Hinihintay pa naming matapos magspeech ang summa cum laude ng aming university bago tuluyang tawagin ang mga estudyante isa-isa.

"Aliyah? Matagal pa kaya 'to? Nabobored na ako eh." wika ni Mae sa tabi ko kaya naman napalingon ako sa kaibigan.

"Siguro hindi naman na. Kanina pa 'yan nagsasalita 'di ba?" sagot ko sabay ngiti sa kanya.

"Oo nga eh, hindi ko nga alam kung pinapakinggan pa ba ng ibang estudyante." dagdag pa nito sabay lingon sa iba pa namin