Chapter Seven

Olivia

Gabi pa lamang ay nagsimula na sa paghahanda ang ilang tauhan ni Daddy Richard para sa darating niyang kaarawan. Dalawang araw pa naman iyon mula ngayon ngunit nagtataka talaga ako kung bakit ngayon pa lang ay nagsisimula na sila sa pagpaplano. May mga iilang tao siyang pinadala dito sa bahay para planohin ang lahat. Kaya’t labis na lamang ang pagiging abala nila.

May planner na may hawak na papel at ballpen ang nag-iikot sa parte ng kanilang bahay upang tignan kung ano nga bang magandang theme ang maaari nilang gawin para sa nasabing selebrasyon. Habang nasa second floor ako ay pinapanood ko lamang sila sa paghahanda hanggang sa narinig kong sinitsitan ako ni Daddy Richard mula sa baba.

Kaagad ko naman itong tinapunan ng tingin at pagkatapos ay bumaba na rin para puntahan siya. Pagkababa ko ay lumapit na ako kaagad sa kaniya upang magtanong kung bakit. Hinawakan niya ako sa balikat bago siya sumagot.

“Alam mo,