Chapter 40

YASEWAH'S POV

Pinipigilan ko lang ang sarili kong sugurin ang magkakapatid na iyon. Sa ibinalita sa amin ni Yareli ay hindi ko lubos na matanggap iyon. Buntis siya at isa sa Steffano brothers ang ama ang ipinagbubuntis niya.

Sinigurado na talaga nila na maaangkin nila si Yareli. Napakagago nila para buntisin ang kapatid ko sa edad niyang labinwalong taong gulang. Marami pang pangarap si Yareli sa buhay niya tapos ganito lang ang gagawin ng mga lalake na iyon?

Hindi pa sila nakuntento sa pagdukot sa kapatid ko at binuntis pa nila!

Parang nitong mga nakaraan lang, maliit pa si Yareli at ako lang ang tanging lalake sa buhay niya bukod kay Itay pero ngayon, hindi lang isa kundi lima pa ang bigla nalang dumating sa buhay niya at aangkinin siya sa puntong kaagad siyang bubuntisin ng mga ito.

"Anak, kailangan siguro nilang malaman ito. Kahit ano pang gawin natin ay isa pa rin sa kanila ang ama ng ipinagbubuntis ni Yareli." maluha-luhang sabi ni Inay na pinapakalma ni Itay na nasa tabi niya.