Chapter 3

London, United Kingdom

MATAPOS masigurong nasa maleta na ang lahat ng mga gamit na kakailangan niya sa trabaho, isinara na ni Laura ang maleta at inilagay sa gilid ng pinto. May trabaho ulit siya sa Pilipinas at bukas na ng tanghali ang flight niya.

            Tinungo ni Laura ang walk-in closet para mag-impake naman ng mga damit. Kung dati ay hindi niya gaanong pinagkakaabalahan ang pagpili ng mga damit na dadalhin, ngayon ay siniguro muna niya na babagay sa kanya ang mga iyon bago inilagay sa maleta. Hindi lang kasi trabaho ang dahilan ng pagpunta niya sa Pilipinas. Magkikita din sila ng lalaking kasalukuyang nagpapasaya sa kanya – si Lance.

            Mula nang magkita sila ni Lance sa Cebu two months ago ay hindi na sila nawalan ng komunikasyon. Tatlong beses na silang muling nagkita sa New York. At sa susunod na linggo naman ay sa Pilipinas.  

           Gusto niya na palagi siyang maging maganda paningin ni Lance. Ayaw din niya na maging alangan siya sa binata at mapintasan ng mga tao kapag nakita silang magkasama. Celebrity pa naman si Lance. Baka rin kasi maisipan ni Lance na ipakilala siya sa pamilya nito at mga kaibigan.

          Napailing si Laura sa huling naisip. Hindi siya dapat nag-iisip ng ganoon. Kinikilala pa lamang nila ng binata ang isa’t –isa at wala pa silang pormal na relasyon. 

          Nang sa wakas ay matapos si Laura sa pag-iimpake, lumabas siya ng kuwarto at nagtungo sa kuwarto ni Tamara. Gusto niyang makipagkuwentuhan sa kaibigan dahil matagal-tagal din siyang mawawala. Plano na rin niyang sabihin ang tungkol kay Lance. Sinadya niyang hindi sabihin kay Tamara ang pakikipagmabutihan niya sa binata dahil alam niyang magagalit ito. Gayunpaman, tiwala siya na mauunawaan at susuportahan din siya ni Tamara.

          Nag-warning knock si Laura bago pumasok nakabukas na kuwarto ni Tamara. She was living with Tamara for years. Nagkakilala sila nang bisitahin niya ang Uncle Marcio niya sa Vienna, Austria na isang music teacher. Kilala ang Vienna sa pagkakaroon ng mga street performers. Dahil marunong siyang tumugtog ng piano at  violin, napagtripan niyang tumugtog para maglibang. Nang minsang muli siyang tumugtog, isa si Tamara sa mga nanood at unang pumapakpak sa kanya matapos niyang sunod-sunod tugtugin ang masterpiece ni Franz Liszt. Tinanong niya ito kung gusto nitong tumutugtog kasama siya nang makita ang dala nitong violin. Pinaunlakan naman siya ni Tamara.

           She was surprised Tamara was good. Mas magaling pa sa kanya. Dahil parehong Filipino, kaagad na nagkasundo sila, nagkapalagayan ng loob at naging magkaibigan. Sa tulong ni Uncle Marcio ay nakapasok sila ni Tamara sa pinagtuturuan nitong music convervatory at napasama sa mga recitals. Nakapag–perform sila sa tanyag na Vienna State Opera. Pero si Tamara lang nagpatuloy mag-aral ng classical music dahil na-realized niya na hindi ang pagtugtog ang gusto niyang gawin sa buong buhay niya. Alam din niya na hindi siya kasing talented ni Tamara sa pagtugtog. Sumama ang loob sa kanya ng kaibigan pero hindi nagtagal naunawaan din siya nito. Nag-enroll siya sa Photography at magkasama silang tumira sa isang apartment. 

           Years passed, kasabay ng sunod–sunod na pagkapanalo ni Laura sa mga photography contest, unti–unti namang nakilala si Tamara bilang pianista.Napabilang ang sarili nitong masterpiece sa isang album kasama ng ilang tanyag na classical musician sa Vienna. Lumahok din ito sa iba’t–ibang patimpalak sa Europe at nagwagi. Hindi naglaon ay nagkaroon si Tamara ng sarili nitong album na naging daan para unti–unti itong sumikat hindi lamang sa Europe kundi sa buong mundo. Nang mag-settle down si Tamara sa London ay sumama rin rito. Nagtrabaho muna siya ng ilang taon sa iba’t -ibang Advertising at Publishing Company sa London at sumali sa iba’t-ibang photography contest sa Europe at Amerika bago nag-freelance.

             Nakikitira siya sa bahay ni Tamara kahit kayang-kaya naman niyang bumili ng sariling property dahil nangako sila sa isa’t-isa na hindi sila maghihiwalay ng tirahan maliban na lamang kung magkakaroon na sila ng sariling nilang mga pamilya.   

             Nadatnan ni Laura si Tamara sa couch at nanonood ng TV. Tila nagulat pa ito sa biglang pagdating niya. Tumingin ito sa TV at pagkatapos ay tarantang hinawakan ang remote. 

          “Don’t turn it off. Nahuli na kita,” umiiling na sabi ni Laura habang pumapasok. Nakita niya ang pinapanood ni Tamara. As usual, nanonood na naman ito ng talk show ni Ethan Escobar sa Filipino Channel ang Today’s People.

           “Anniversary kasi ng Today’s People kaya hindi ko matiis na hindi manood,” alibi ni Tamara. Itinuloy nito ang pag-off ng TV dahil tapos na ang programa.

          “You’re always watching his show,” pa-sarcastic niyang sabi.

          Tumawa lang si Tamara.

         Ethan Escobar was a celebrity in the Philippines and also Tamara’s first love . Nagtanan ang mga ito at the age of seventeen. Pero tinalikuran ni Ethan si Tamara at bumalik sa pamilya nito nang mapagtantong hindi pa nito kayang panindigan ang kaibigan niya. Dahil doon ay namuhi nang husto si Tamara kay Ethan at sinunod ang kagustuhan ng mommy nito na magtungo sa Vienna at mag-aral ng classical music.

          Maraming taon na ang nakalipas at successful na rin sa kani-kaniyang career ang dalawa pero hindi pa rin nagawang maka-move on ng kaibigan niya. Namumuhi pa rin ito kay Ethan pero parang baliw naman na nakasubabay sa career ng binata na parang isang stalker. Maraming beses na nainis siya sa inakto ni Tamara. Umaasa din kasi ito na tutuparin ni Ethan ang ipinangako na babalikan at hahanapin ito kapag naging successful na ito lalo na at single pa rin si Ethan. Pero hindi naman nito tinutupad ang ipinangako. 

          “You should see a shrink,” suhestiyon niya nang minsang maabutan si Tamara na nonood na naman ng Today’s People sa laptop nito ilang linggo pa lamang ang nakararaan.

          Nahihiyang isinara ni Tamara ang laptop.

         “I’m serious, Tam,” naaawa niyang sabi.

          Hindi pa ako baliw, Laura!” naiinis na tugon ni Tamara.

         “Malapit na, kung hindi mo ititigil ang ginagawa mong pagsubaybay sa Ethan Escobar na ‘yan!” inis na ring tugon niya. 

         “I can’t stop doing it, okay? Masaya ako sa ginagawa ko.” 

         “Kung ganoon bakit hindi mo pa siya harapin? Ask him the question you want to ask a long time ago?” challenge niya rito.

         Pumayag si Tamara sa hamon niya.  Tentative pa ang date pero magkakaroon ito ng concert tour sa Asia at kasama ang Pilipinas sa pagtatanghalan nito.  Plano rin nitong makipagkita kay Ethan kapag nagpunta na ito sa Pilipinas.  

         “Nakapag-pack ka na?” tanong ni Tamara. 

         Tinabihan niya ito sa couch. “Yup.”

         “Go back after a week, okay?”

         “Tam, I can’t.  May ime-meet pa ako sa Manila pagkatapos ng trabaho ko.”

         “Sino?”

         “Si Lance. I think nakilala ko na ang lalaking ihaharap ko sa dambana,” seryoso niyang sabi.

          Malakas na tumawa si Tamara. “Seriously, Laura. Ikaw pa talaga ang maghaharap sa dambana? And where did you get that word, ‘dambana’, ikaw na matagal nang nakatira sa dito sa Europe.”

          “I’m serious, Tam. I never felt this this kind of attraction to any man before.”

          “Well, ganyan din ang sinabi mo sa akin noong nakilala mo ‘yong naka-one night stand mo sa New York at naka-devirginized sa ‘yo three months ago,  remember?”

          “I am talking about the same guy, Tam. And it wasn’t a one night stand anymore. Hindi ko lang nasabi sa ‘yo pero nagkita ulit kami sa Cebu accidentally at hindi na kami nawalan ng komunikasyon.” 

          “Really?” gulat na sabi ni Tamara. “What are you doing,? May boyfriend ka pa. Bruha ka!”

          Napabuntong-hininga si Laura. Technically, may boyfriend nga pala siya. Pero para sa kanya ay matagal na silang hiwalay ni Joshua. Makikipagmabutihan ba naman siya kay Lance kung committed na siya? She was not a cheater. Hindi  niya magawang pormal na makipaghiwalay kay Joshua dahil hindi ito nakikipag-communicate sa kanya. Pero ilang buwan na ang nakalilipas nang isang pinsan nito ang nakapagsabi sa kanya na nagpakasal na ito sa ibang babae. Hindi makumpirma ni Laura ang balita dahil hindi nga niya ito mahagilap. Pero bago iyon ay nagkakalabuan na sila dahil marami silang hindi pinagkakasunduan.

          Hindi pa naman kasi talaga siya handang makipagrelasyon noong magsimula silang mag-date ni Joshua. Bukod sa wala siyang oras sa dahil sa kaabalahan sa trabaho, hindi rin siya nakaramdam ng matinding atraksyon sa lalaki. Kaya lang naman siya napilitang makipag-date at sagutin ito ay dahil sa pangungumbinsi ni Tamara at ng ex boyfriend nitong si Johannes na matalik na kaibigan ni Joshua.

         “Kung gusto mo na talagang makipagrelasyon sa iba. Hindi ba mas maganda kung tatapusin mo muna ang relasyon n’yo ni Joshua? Do it in person, Laura. Huwag mong gawin kay Joshua ang ginawa sa akin ni Ethan,” seryosong payo ni Tamara. 

           Bumuntong-hininga si Laura. “Right.” 

          “How about Johannes? Akala ko pa naman nagkakamabutihan na kayo. Lumabas pa kayo kagabi.”

          “What? Nag-dinner lang kami ni Johannes. Nag-celebrate kami kasi sold out na ang lahat ng display ko sa gallery nila ng pinsan niya. And it was just a friendly date.” 

          “But Johannes like you. Sinabi n’ya mismo sa akin.”

          “Kasalanan mo. Nakipag-break ka kasi sa kanya kaya ako tuloy ang pinagbabalingan n’ya. I just like him as a friend, Tam. I’m not gonna date your ex. I already have someone.”

          Isang American bestselling sci–fi writer si Johannes na nakabase rin sa London. Bago pa man magkaroon ng relasyon sina Tamara ay Johannes ay naging kaibigan muna nila ito. Nanatili ang pagkakaibigan kahit tapos na ang relasyon ng dalawa. Ang problema, nabaling naman ang atensiyon sa kanya ni Johannes. Siya na ang pinopormahan nito. 

          “Okay. Tell me more about your new guy. So, his name is Lance. He’s an international Filipino model, right? Lance what?”

          “Lance Jason.”

          “Lance Jason what?” sandaling natigilan si Tamara. “Wait. Lance Jason at model. Are you referring to Lancelot Jason Ocampo na best friend ni Ethan at ultimate crush mo?”

          “Yes, it’s him,” kagat-labing tugon niya. 

          Bigla ang pagtaas ng boses ni Tamara. “My god, Laura. Paano mo nagawang makipagmabutihan sa kanya? He’s an enemy. Kaya pala ipinipilit mo sa akin na harapin ko si Ethan. May hidden motive ka pala.”

           Hindi nakasagot si Laura.  May katotohanan kasi ang sinabi ni Tamara. Bukod sa concern siya sa kaibigan, naisip niya na kung magkakaayos ito at si Ethan. Hindi na niya poproblemahin pa ang pag-ayaw nito kay Lance para sa kanya.

           “Ngayon pa lang tigilan mo na ang pakikipagmabutihan sa kanya,” sabi pa ni Tamara.

           “What? Pero magkaibigan lang naman sila ni Ethan. Hindi tamang idamay natin si Lance sa galit mo sa ex mo,” apela niya.  

          “I don’t want him for you. Sasaktan ka lang din n’ya tulad ng ginawa sa akin ni Ethan.”

          “How can you sure about that? You don’t know him that well para ikumpara sa ex mo. Ex mo na mahal mo pa rin at hindi magawang kalimutan. And now pinagbabawalan mo akong makipagmabutihan kay Lance? You’re so unfair!” inis na niyang sabi.

           Ilang sandali ang lumipas bago sumagot si Tamara. “All right,” sabi nito na sinundan ng buntong-hininga. “Wala naman akong magagawa kung gusto mo talaga s’ya, eh. You knew his reputation. Just make sure na hindi lang sex ang habol niya sa ‘yo.  And don’t forget the consequences and the hard work if you pursue him. I don’t want you to get hurt. Goodluck, Laura.”

            Mabilis na tumayo si Tamara at nagkulong sa banyo.

            Tumayo rin si Laura at malalaki ang mga hakbang na lumabas ng silid. Alam niyang galit at nasaktan  niya ang kaibigan sa ginawa niyang paglilihim pero galit din siya. Tamara was so unfair. She was always been there for her for so many years. Inunawa at dinamayan niya ito sa lahat ng pagsubok na dumating sa buhay nito. Ngayon na siya naman ang nangangailangan ng suporta, hinahadlangan naman nito. Kung hindi nito matatanggap si Lance para sa kanya, so be it. Hindi niya tatalikuran si Lance para sundin ang kagustuhan ni Tamara dahil mahal na niya ang binata.