SIY-14

Sa araw-araw na pagtatrabaho ni Anna kay Brett ay unti-unting nakikilala niya ang ugali ng lalaki. Ang pagiging istrikto nito noon ay lalo pang lumalala ngayon, ang pagiging seryoso nito sa oras ng trabaho na wala namang pinagbago dati pa. Kung may bago man sa lalaki ngayon, iyon ay ang buhok nito, ang pagiging mabalbas ng mukha nito at ang paglaki pa lalo ng katawan nito. At syempre, hindi magpapahuli ang pagiging masungit nito.

Sinusungitan siya ni Brett sa trabaho pero sa kanila naman ito kumakain gabi-gabi. Ginawa na nga yata nitong hobby ang pagtambay sa kanila at agawin palagi sa kaniya ang atensyon ng anak nilang si Brave, bagay naman na gusto ni Anna dahil napapalapit ang bata sa ama nito, pero nagseselos din siya at the same time dahil tila sinasadya ni Brett na gawin iyon.

At hindi lamang iyon, simula nang lumipat sila ni Tekla sa condo na pagmamay-ari ni Brett ay gabi-gabi rin siyang binabangungot!

Bangungot na may kumakain sa kaniya at gustong-gusto naman niya!

At sa tuw