The CEO'S Lethal Obsession

“Wade Chilton is now the newly appointed CEO of the Chilton Group after his father died in an accident…”

Tila nabingi ako nang marinig ko ang balita sa radyo. Ang pangalang ‘yon. Hinding-hindi ko makakalimutan ang pangalang ‘yon.

“Lily, hindi ka ba napapagod? Halos araw-araw ka na lang nilang inuutusang bumili ng pagkain dito ah," may pusong sambit ni Mrs. Bigata, ang may-ari ng restaurant kung saan ako palaging inuutusang bumili ng pagkain ng mga katrabaho ko.

“Sanayan lang po. Isa pa, baka ito na po ang huling araw na makikita niyo po ako rito."

Kitang-kita ko kung paano umalon ang noo ni Mrs. Bigata. Agad na rumehistro sa mukha niya ang labis na kalungkutan.

“Tama ‘yang gagawin mo, Lily. Tama lang na mag resign ka na sa trabaho mo dahil ginagawa ka nilang alila. Matalino ka. Alam kong mas marami pang malalaking kumpanya ang tatanggap sa'yo."

Ngumiti ako at saka inabot ang mga supot na naglalaman ng lunch ng mga katrabaho ko.

“Maraming salamat po, Mrs. Bigata. Nawa ay mas dumami pa po ang inyong customers. Mauna na po ako.”

Sa paningin ng karamihan ay isa lang akong nerd, uto-uto at mahinang babae pero hindi ito ang totoong ako.

Matapos kong magpasa ng resignation letter ay agad akong dumiretso sa aking apartment. Bago pa man ako pumasok doon ay tiningnan ko muna kung may nakasunod ba sa akin. Wala naman kaya binuksan ko na ang pinto at ang ilaw. Hindi rin ako nagtagal sa apartment ko. Nagbihis at nag-ayos lang ako at pagkatapos ay umalis na ulit ako.

Ako nga pala si Lily Russell. Nagtapos ako ng kursong business administration kahit pangarap kong maging isang abogada. Ang dahilan? Gusto kong makapasok sa Chilton Group. Ilang taon ko nang inaaral ang uri ng mga negosyong mayroon sila, maging ang mga opisyal at heads ng kumpanya ay kilala ko na. Yes, I diligently and patiently research all about them because I am after someone.

Pagpasok ko sa casino ay agad na nagtinginan sa akin ang mga taong naroroon. Sinadya kong magpaganda at magsuot ng revealing dress dahil nais kong maging kapansin-pansin sa mata ng mga lalaki. Men are visual animals. Madaling makuha ang atensyon nila lalo na kung may magandang katawan at mukha ang gagawa. Fortunately, God blesses me with a slender, sexy body and a gorgeous face. Tamad lang talaga akong pumorma at mag-ayos madalas pero kung gugustuhin ko, I can be the most beautiful woman in anyone's eyes.

“Enjoy yourself, guys! Malaki ang bonus na ibinigay sa atin ni sir!"

Ngumisi ako nang mamataan ko ang isang mataba at bigotilyong lalaki. May babaeng nakadikit sa kaniya sa kaliwang side niya. Inayos ko ang aking postura at saka taas-noong naglakad palapit sa target ko.

Sinadya kong hawakan ang kamay niya para makuha ang atensyon niya at hindi nga ako nabigo. Agad niyang hinila ang isang kamay ko dahilan para mapalapit ako sa kaniya.

“Get your hands off of me." Palihim akong napangiti nang mas hinigpitan pa niya ang pagkakahawak sa akin.

“Sino ka? Ngayon lang kita nakita rito. Anyway, lahat ng bagong staff dito, ako ang unang nakakatikim.”

Tumawa siya at ang mga kasamahan niya matapos niyang magsalita. Hinagod niya ako ng tingin mula ulo hanggang paa. Kitang-kita ko kung paano niya nagustuhan ang postura at hitsura ko. Nagawa pa niyang itulak ang babaeng kanina ay halos lingkisin na niya. Lumapit ako lalo sa kaniya. Hinawakan ko ang dibdib niya at pinadausdos ko ang aking kamay sa loob ng suot niyang blazer.

“Kung gusto mo akong matikman, heto ang key card sa room ko.”

Nagpalakpakan ang mga kasamahan ng matabang lalaki at abot naman hanggang tainga ang ngiti niya na tila ba, nanalo na agad siya ng jackpot kahit hindi pa siya naglalaro.

"Sige. Hintayin mo ako roon.”

Ngumiti ako nang pilit kahit diring-diri ako sa hitsura niya. Agad akong tumalikod sa kanila at naglakad nang hindi kalayuan.

"Sa wakas, nasa akin na ang file,” bulong ko habang hawak ko sa isang kamay ko ang isang USB. Lumingon ako sa likuran ko. Hindi pa niya nalalaman na may kinuha ako sa kaniya.

“Boss, kami na ang bahala rito. Sundan mo na ang magandang binibini."

"Shít!” bulalas ng matabang lalaki nang mapagtanto niyang may nawawala sa kaniya.

Ngumisi ako at agad kong hinubad ang dress na suot ko. Tanging black tube at black shorts ang natira ang suot ko, kapartner ng isang black boots. Kinuha ko ang black leather jacket ko at agad na nagtungo sa parking lot para sumakay sa aking motor. Bago pa man sila makalabas ng casino ay nasa highway na ako. Pagbaba ko sa motor ay agad akong dumiretso sa restroom para mag-ayos at magbihis. Kung kanina ay nakalugay ako, ngayon naman ay itinaas ko ang aking buhok. Pitis na itim na dress ang isinuot ko. Tinernohan ko ng isa sa mga pekeng branded bag na nabili ko, isang itim na salamin at isang itim na hat clip.

“Wade Chilton, handa na ako sa muli nating pagkikita. It's been five years and no one knows you better than me.”

Taas noo akong naglakad patungo sa isang silid kung saan may nagaganap na auction. Pagpasok ko sa loob, agad kong narinig ang pangalan ng lalaking kinamumuhian ko.

"Item number 5 is sold to Mr. Chilton. Let's proceed to the next item.”

Nang mahagip ng aking mga mata si Wade ay agad kong inayos ang aking sarili. I must not commit any mistakes today or else, all of my plans will be in vain.

Wade is gifted with an inherent business sense and an unbeatable instinct. He is wise, strong-minded and ruthless. As I have said, no one knows him better than me.

“The next item is an emerald necklace and ring. As you can see, it looks so elegant and wonderfully made. Now, offer your price.”

"Tatlong milyong piso.”

“Mr. Wade Chilton offers three million pesos."

As expected, Wade loves attention and praise. He is dominant. Ayaw niyang nasasapawan siya at para makuha ko ang atensyon niya, kailangan kong pasukin ang mundo niya gamit ang kaparehang mindset.

“Six million pesos!" sigaw ko dahilan para mapatingin sa akin ang lahat kabilang na ang aking final target, si Wade Chilton.