Chapter Thirty-nine

Nang tuluyan na niyang buksan ang pinto ay bumungad sa akin ang isang kwarto na pininturahan ng kulay pink at puti.

Tuwang-tuwa na inihagis ni Noah ang kanyang mga kamay sa hangin. “Tadaaaa!” sigaw niya, “Halika, dali! Tingnan mo ang loob!”

“O-Okay?”

Hindi ako sigurado kung bakit ipinapakita sa akin ni Noah ang partikular na silid na ito. Malinaw na nakalaan para sa isang batang babae ang kwartong 'to. Puno kasi ng mga gamit ng sanggol ang isang puting crib. Nakapagtataka na sobrang linis ng silid na ito, dahil karaniwan ay makalat kapag bata ang gumagamit.

Natuon ang atensyon ko sa sahig, kung saan pinagmasdan ko ang pink at puting kulay na rubber floor tiles. Pero, mayroong isang bagay na kakaiba dito.  Karaniwan, alphabet letters ang nasa tiles, pero hindi ganoon sa silid na ito.

“A...ma...ra…”

Paulit-ulit lang nitong ginagamit ang mga letrang iyon. Tumingala ako para makita ang