KABANATA 6

KABANATA 6

[Ang Nympho_Ravier ay tinanggal sa live broadcast room ng administrator, Sexy Cockroach]

[Si G-drag ay tinanggal sa live broadcast room ng administrator, Sexy Cockroach]

Tuwing nakikita ni Alana ang pangalan ng Sexy Cockroach, hindi niya mapigilang mapangiti. Hindi siya nagsisisi na ginawa niyang moderator si Sexy Cockroach lalo na at hindi na siya nahihirapan na i-kick out ang mga bastos at walang galang na mga user.

Napaisip siya at nagtanong: “Baby Cockroach, babae ka ba o lalaki?”

Base sa pangalan, iisipin mong babae ito.

[Sexy Cockroach: Lalaki.]

[Kuya, bakit 'Sexy Cockroach' pangalan mo?]

[Hindi ko na kayang tingnan ang mga ipis nang walang malisya.]

Hindi na nagulat si Alana sa sagot nito.

Napangiti siya at sinabing, "Napaka... unique ng pangalan mo!"

[Sexy Cockroach: Sige na, tumawa ka na lang. Huwag mong pigilan. Random lang na binigay sa akin ‘tong pangalan ng platform, tamad na akong palitan, kaya ginagamit ko na lang.]

[Innocent Monkey: Totoo ‘yan, walang halong biro.]

[Fucking Old Hen: Biktima +1]

Ngayon lang napansin ni Alana na marami pang ibang viewers na may kakaibang pangalan, kaya napahalakhak siya.

[Sexy Cockroach: First time mo palang mag-live stream, kaya siguraduhin mong gumawa ng fan group para may proteksyon ang mga tagahanga mo. Kung may problema ka, pwede mong ipaalam sa grupo.]

[RealLugaw: Pagkatapos ng gabing ‘to, may group na siguradong lalapit sa’yo. Pero ingat ka, maraming group na mapagsamantala. I-check mo ang private message ko, may irerekomenda akong maayos na guild para sa’yo.]

[Confirmed! Si RealLugaw ay group recruiter! Nilaglag niya ang pera niya para lang maagaw si Alana! Ang tuso mo, boss.]

[RealLugaw: Hindi ako recruiter! Fan ako ni Alana, t*ngina.]

[Kung sasali si Alana sa group, dapat sa bigating group siya pumunta. Basahing mabuti ang kontrata, baka para kang nagbenta ng kaluluwa.]

Habang binabasa ang payo ng kanyang fans, nakaramdam ng init sa puso si Alana.

"Salamat, babies. Kung papasok ako sa isang group, magla-live stream ako para humingi ng opinyon niyo."

[RealLugaw: Sige, pero siguraduhin mong i-PM sa akin ang kontrata.]

[Sexy Cockroach: I-send mo rin sa akin.]

*[Sexy Cockroach nagbigay kay Lugaw with Egg ng Luxury Cruise 1]

Biglang lumitaw ang special effects ng regalo, dahilan para mapanganga si Alana.

"Ha? Bakit ka na naman nagbigay ng regalo?"

[Sexy Cockroach: Sira, hindi mo ba alam na muntik ka nang manakawan ng bahay?]

Mabuti na lang at bantay-sarado ni Sexy Cockroach ang PK bar. Nang tangkain ng kalaban na agawin ang laban, sinupalpal niya ito ng isang Luxury Cruise Ship.

Doon lang napansin ni Alana na tapos na pala ang PK match.

Kung hindi dahil sa regalo ni Sexy Cockroach, talagang natalo siya ngayong laban.

Natapos na ang PK match, at ngayong may kaunting karanasan na si Alana, nagsimula siyang magpasalamat sa mga nasa leaderboard.

"Salamat, Millet Lugaw Baby, Cockroach Baby, I Love Lugaw Baby, Morning Light is * Baby, Innocent Monkey Baby... Maraming salamat sa inyong mga regalo at suporta!"

[Morning Light is a Dog: Kapag binasa mo nang buo ang pangalan ko, reregaluhan kita ng isang sports car.]

Alana: "Salamat, Kyle, sa pagiging isang tua."

[Millet Lugaw: ???]

[RealLugaw: Batang babae, huwag kang magsabi ng masasamang salita.]

*[Morning Light is a Dog nagbigay Lugaw with Egg ng Sports Car 1]

[Medyo naghihinala na ako sa tunay na identity ni RealLugaw...]

[Pakiramdam ko, nahulaan ko na...]

Sakto namang nakuha ng estrangherong lalaki ang numero at email ni Alana kaya mabilis niya itong binigyan ng mensahe. Ngunit sa nakikitang pag-focus nito sa ka PK ay alam niyang hindi mapapansin ng dalaga ang kanyang mensahe.

Sa kabilang banda naman ay nakaupo ang isang matipunong lalaki habang may sinisimsim na alak. Nakangisi ito habang nakatingin sa monitor sa harap niya, pinapanuod niya ang bagong livestreamer na gusto niyang kunin para sa kanyang kumpanya.