Chapter 24

Pagkakita ko kina Osang at Gela ay agad kong ikinuwento sa kanila si Angelica.

"Sigurado ka ba talaga sa kaniya, girl? Bakit parang feeling ko hindi palagay ang isip ko base sa kuwento mo?" saad ni Gela.

Hindi ko alam kung bakit ganoon ang lumabas sa bibig ni Gela. Wala naman akong nakitang mali kay Angelica. Nice person naman siya and magkakilala na kami noong bata pa kami.

"Okay naman siya sa 'kin. Palagay ang loob ko sa kaniya noong nag-uusap kami. Hindi ko naman siya nakitaan ng masamang motibo," tugon ko.

"May point naman si Gela. Parang ang bilis lang talaga ng pangyayari. Biruin mo, 'yung matagal mo ng kilala ay bigla kayong pinaglandas ng pagkakataon... puwedeng destiny talaga na magtagpo kayo ulit," ani Osang.

"True, kung kapalaran nga talaga na magtagpo ang aming landas, baka siya na talaga ang susi para maging close kami ni Zerudo," masaya kong sambit.

"If yes, good for you," ani Osang.

"Masaya ako para sa 'yo kung magkagayon man. Nagkamali nga lang siguro ako, hindi naman