CHAPTER 22

PAULYN....

Isang buwan na pala silang nagsasama ni Zachary. Parang kailan lang ng magkakilala silang dalawa sa hindi inaasahang sitwasyon.

Ang bilis ng panahon na hindi n'ya na namalayan na sobrang hulog na s'ya sa binata. Nasanay na rin s'ya na magkasama sila palagi.

Nasa probinsya pa rin ang kan'yang ina at si Joshua, kung kaya sa condo pa rin s'ya ni Zachary nakatira hanggang ngayon.

Walang palya ang ka sweetan ng nobyo. Sobra itong maalaga at palagi s'yang inuuna kaysa ibang bagay.

Alam n'yang sobrang busy nito sa trabaho pero hindi nito nakaligtaan na kamustahin s'ya sa gitna ng pagtatrabaho at ihatid at sunduin s'ya sa kompanya ni Tobias.

Matamis s'yang ngumiti habang hinahalo ang monggong niluluto. Naging paborito na rin ni Zachary ang monggo na halos araw-araw nagrerequest itong lutuin n'ya.

Gustong-gusto n'ya naman na inaasikaso ang binata.

Kasal na lang ang kulang sa kanilang dalawa. Malaki na rin ang ipinagbago n'ya simula ng makasama n'ya si Zachary.

Naging matapang na s