Chapter 26

Aleya's POV

Hindi pa sumisikat ang araw ay nasa tapat na ako ng gate sa bahay ng mga Villareal. Agad akong pinagbuksan ng gate ng mga guwardiya para maipasok ko ang aking kotse sa loob ng garahe. Pagbaba ko ay nilapitan ko si Pido na isa mga tagabukas ng gate.

"Wala ba kayong napansin na kahina-hinalang tao na umaaligid malapit sa bahay ng boss natin?" tanong ko kay Pido pati na rin sa iba pang guwardiyang naka-duty.

"Wala, Aleya. Huwag kang mag-aalala dahil tinatalasan namin ang aming mga paningin. At kung sakaling may mapansin kami na kahina-hinalang tao ay agad naming ire-report sa'yo," nakangiting sagot ni Pido.

"Good," satisfied kong sagot. "Sige. Papasok na ako sa loob," paalam ko sa kanila. Sumaludo sa akin si Pido pati na rin ang mga kasama nito bago ko sila tinalikuran para pumasok sa loob ng bahay.

Masyadong maaga pa at siguradong naghihilik pa ngayon si Enrique kaya nagpasya akong mahiga na lang muna saglit pagkapasok ko sa king silid. Ngunit ang saglit na sinabi ko ay huma