Aleya's POV
Saglit lamang na tinapunan ko ng tingin ang babaeng kasama ni Enrique na naliligo sa pool. Natatandaan kong siya ang babaeng nakabangga sa kotse ko noong unang beses na nagkita kami ng binata. Hindi maganda ang paghaharap namin ng babaeng ito kaya natitiyak ko na hinding-hindi niya papalalagpasin ang sandaling ito na makaganti sa akin."Ano ang ginagawa rito ng babaeng iyan?" narinig kong tanong kay Enrique ng babae."She's my bodyguard," mabilis namang tugon ng binata."Ano? Isa lang pala siyang bodyguard tapos kung makaasta ay parang may-ari ng PNP," nang-iinsultong sabi ng babae kay Enrique. Hindi ko na lamang pinansin ang sinabi niya at nagkunwari na lang akong walang narinig. Ipinagpatuloy ko lang ang ginagawa kong paglilipat ng mga pagkaing nasa tray papunta sa mesa."C'mon, Shirley. Nagpunta ka rito para samahan akong maligo at hindi para mang-away ng isang bodyguard," anang binata sa babae na Shirley pala ang pangalan."No. Hindi ako makakapayag na hindi mailagay sa kanyang lugar ang babaeng iyan," mariin ang boses na wika ni Shirley.Minadali ko ang paglilipat ng mga pagkain para makaalis agad ako at makabalik sa loob ng bahay. Nang matapos na ako sa ginagawa ko ay agad na akong tumalikod para umalis ngunit pagharap ko ay nasa likuran ko na pala si Shirley na halos hindi na magawang maitago ng kakapiranggot nitong suot ang mga dapat na itago ng katawan nito."Shirley, bumalik ka rito," mariin ang boses na utos ni Enrique s babae. Nang tingnan ko ang mukha niya ay nakita kong hindi naman ito galit sa babae. Mukhang sinadya yata nitong papuntahin sa bahay nito ang babaeng iyon para awayin ako."Sandali lang, sweetheart. Tuturuan ko lamang ng leksiyon ang babaeng ito," nakangising sagot ni Shirley sa binata.Kitang-kita ko kung paano tumaas ang sulok ng mga labi ni Enrique at pumorma ng isang ngiti na pilit nitong itinatago. Tila ini-expect nito na makakakita ito ng magandang palabas. At alam ko na sinasadya niya itong gawin para kusa akong mag-resign sa aking trabaho. Hay naku, mukhang hindi magiging matiwasay ang pagtatrabaho ko bilang bodyguard niya. Ngunit kung inaakala nito na aalis ako dahil sa mga pinaggagagawa nito ay nagkakamali siya. Dahil kahit labag sa loob ko ang trabahong bantayan siya ay dedicated pa rin ako pagkat tinanggap ko ang trabahong ito kaya kailangan kong panindigan. At walang makakapagpaalis sa akin kundi ang ama lamang niya na siyang nag-hired sa akin."Kung ako sa'yo ay babalik na lang ako sa tubig at magpapakaligaya sa piling ng playboy mong boyfriend kaysa ang pag-aksayahan ng oras ang ibang tao," malamig ang boses na sabi ko kay Shirley."Ang yabang mong magsalita. And really hate it when you use that kind of tone. Isang bodyguard ka lang pala pero kung umasta ka ay akala mo kung sino ka na," inis ang boses na sagot naman niya sa akin."Ikaw lang ang nag-iisip niyan," tila balewalang sagot ko sa kanya pagkatapos ay agad ko na siyang tinalikuran. Ngunit hindi ko na nagawang makahakbang palayo sa kanya dahil bigla na lamang niyang hinila ng mahigpit ang aking buhok. Biglang nagtagis ang aking mga ngipin dahil sa higpit ng pagkakahawak niya sa buhok ko."Sa tingin mo ay hahayaan kitang umalis nang hindi man lang kita natuturuan ng leksiyon? Dapat matutunan mong lumugar kung saan ka mababagay. Hindi mo ako dapat tinrato ng ganoon sa unang beses natin na nagkaharap nang hindi na dumating ang sandaling ito," nakangising wika sa akin ni Shirley. Akala yata niya ay magpapa-bully ako sa kanya porke't bodyguard lamang ako at ito ay girlfriend ni Enrique. Ngunit nagkamali siya. Because no one can bully me."Bitiwan mo ang buhok ko, Shirley," mababa ngunit mariin ang boses na kausap ko sa kanya. Kahit pakiramdam ko ay sumasama na ang anit ko sa aking buhok ay hindi ko ipinakita sa babae na nasasaktan ako. Kalmado lamang ang mukha at boses ko ngunit ang totoo ay pinipigilan ko lamang ang aking sarili na huwag sakalin ang babaeng kaharap ko."Bakit? Masakit ba?" nakangisi pa ring wika ni Shirley at mas lalong hinila ang aking buhok.Doon na ako hindi nakatiis. Mariing hinawakan ko ang kanyang pulsuhan gamit ang aking kanang kamay at pagkatapos ay binaliti ko ng malakas. Napatili si Shirley at nabitiwan ang aking buhok nang maramdaman ang sobrang sakit. "Damn you, b**ch!" malakas niyang mura sa akin sa mangiyak-ngiyak na boses."Bitiwan mo siya, Aleya!" sigaw ni Enrique na naglakad palapit s gilid ng swimming pool para umahon."As you wish, boss,"nakangising sagot ko sa kanya pagkatapos ay malakas kong sinipa sa tiyan si Shirley. Napatili ito nang tumilapon pabalik sa tubig at bumagsak sa binata na hindi pa tuluyang nakakalapit sa gilid ng pool. "Next time, learn to discipline your girl, boss. Para nan hindi siya magmukhang baliw na basta na lang nanghihila ng buhok nang walang dahilan," nakataas ang kilay na sabi ko pa sa kanya."Walang hiya kang babae ka! Sasabihin ko kay Tito Erman na tanggalin ka niya sa trabaho!"nag-aapoy sa galit ang mga matang sigaw sa akin ni Shirley."Thank you in advance," nang-aasar na sagot ko naman kay Shirley na pulang-pula ang mukha sa galit. Para itong nagpa-tan sa ilalim ng araw sa gilid ng dagat gayong sa swimming pool naman ito naligo. At talagang sobrang magpapasalamat pa ako sa kanya kapag nakumbinsi niya si Sir Erman na alisin ako bilang bodyguard ng anak niyang playboy.Pagkatapos kong tapunan ng nang-iinis na ngisi ang babae ay agad na akong tumalikod. Sinisira lamang ng dalawang ito ang araw ko. Mas mabuting magkulong na lamang ako sa silid ko dahil tiyak namang hindi aalis ng bahay ang binata dahil nandito ang nobya nito."Saan ka pupunta, Aleya? Bodyguard kita kaya hindi ba dapat naroon ka kung nasaan man ako? Paano na lamang kung biglang may pumasok na assassin dito at bigla na lamang akong patayin habang naliligo?" boses ni Enrique na biglang nagpatigil sa aking paglalakad at nilingon ko siya."Sa dami ng mga guwardiya sa loob at labas ng mansion ay imposibleng may makapasok na assassin, Mr. Villareal. Maliban na lamang kung ang babaeng kayakap mo ngayon ay isang assassin," nakataasang kilay na sagot ko sa kanya. "At huwag kang mag-alala. Dahil kapag may granada na itinapon sa'yo mula sa labas ng pader ay agad akong lilipad papunta rito at sasaluhin ko ang granada para sa'yo," dugtong ko pa sa namimilopong tono. Sa taas ng pader na nakapalibot sa bahay ng mga Villareal at may bakod pa sa dulo na mataas ang voltage ng kuryente ay imposibleng may makaakyat na assassin maliban na lamang kung si Superman ito na marunong lumipad.Walang nagawa si Enrique kundi ang mapa-tiimbagang at magdilim na lamang ang anyo nang tinalikuran ko na sila at nagtuloy-tuloy na ako papasok sa kabahayan. Sa halip na kumain ay tumuloy na lamang ako sa silid ko. Biglang nawala ang gutom ko at wala na rin akong ganang kumain. Effective na pang-diet sina Enrique at Shirley. Dahil sa kanila ay nakakapag-diet tuloy ako ng wala sa oras.Inabala ko na lamang ang sarili ko sa panunuod ng movie sa cellphone ko. Connected naman ang phone ko sa wifi nila kaya walang problema sa internet. Halos kalahating oras pa nga lang akong nakakapasok sa silid ko nang biglang may kumatok sa pintuan. Agad akong tumayo at pinagbuksan ang tao sa labas."Yes, Doreen?" tanong ko sa isa sa mga katulong sa bahay na iyon na siyang napagbuksan ko ng pintuan."Pinaatawag ka ni Sir Enrique sa silid niya, Aleya. Ngayon na raw mismo," anito sa akin.Napahugot ako ng buntong-hininga. Ano na naman kayang kalokohan ang naiisip gawin ng Enrique na ito?Aleya's POVPagpasok ko sa loob ng silid ni Enrique ay nakita ko siyang nakasuot ng maikling short habang nakadapa sa ibabaw ng kama nito at nakapikit ang mga mata ngunit hindi naman ito mukhabg tulog at talagang nakapikit lamang ang mga mata. Mamasa-masa pa ang buhok nito. Mapaismid ako ng makita kong wala sa kuwarto nito si Shirley. Mukhang nabadtrip sa akin ang girlfriend nito kaya umuwi ng maaga. "Anong kailangan mo sa akin, Mr. Villareal?" agad kong tanong sa kanya. Hindi na ako kumatok sa pintuan dahil nakabukas naman iyon na para bang sinadya talagang ibukas para hindi na ako kumatok."Multo ka ba at bigla-bigla ka na lamang dumarating ng walang kilatis?" nagulat na tanong ng binata na biglang napamulat ng mga mata.Pinaikot ko paitaas ang aking mga mata bago ko siya sinagot. "Natural na hindi mo nakita at naramdaman ang pagpasok ko dahil nakapikit ka at natutulog.""I'm not sleeping. Ang sabihin mo ay para kang magnanakaw na magaan ang mga paa. Hindi naman yata police ang tra
Aleya's POVMaganda ang mood na gumising ako sa araw na ito. Kahit na tinanghali ako ng gising ay hindi umalis si Enrique sa bahay nila. Ewan kung anong hangin ang nalanghap nito at hindi ito umaalis ng bahay nitong mga nakalipas na araw. Hindi na rin umulit na nagpunta rito ang girlfriend nito na ang hula ko ay hiniwalayan ng binata. Ganoon naman ito palagi. Halos Linggo-linggo ito kung magpalit ng nobya. Paborito yata nito ang kanta ni Imelda Papin na Isang Linggong Pag-ibig kaya ginagaya nito ang title ng nasabing kanta. Mas pabor sa akin na palaging nag-stay lamang sa bahay nila ang binata dahil hindi ako mahihirapan at mapapagod sa kakabuntot sa kanya at mas nakakasiguro ako na ligtas siya kapag nandito lamang siya sa bahay nila. Isa pa sa nagpapaganda ng mood ko ay day off ko ngayong araw. Ang sabi sa akin ni Sir Erman ay day off ko every Saturday para naman daw makapagpahinga ako ng maayos at makapag-exercise na rin. Mamaya pag-alis ko ay pupunta ako sa gym na itinayo ni Ninon
Aleya's POVNasa loob ako ng isang disco bar at kasama ko si Deo. Dito kami madalas tumambay lalo na nang nag-aaral pa lamang kami sa kolehiyo. Tatlo kaming tumatambay rito noon. Ako, si Deo at Castor na noon ay boyfriend ko pa. Pero nang natuklasan ko na niloloko niya ako dahil kabi-kabila pala ang girlfriend nito ay hindi na kami madalas nagpupunta sa bar na ito. At pag nagpunta man ay dalawa na lamang kami ni Deo. Pero nang umalis ang kaibigan ko papuntang ibang bansa para sumali sa world training ng mga kapulisan ay hindi pa ako nagpupunta ulit dito."Mabuti at pinayagan ka ng alaga mo na umalis ngayon," malakas ang boses na kausap sa akin ni Deo habang nakaupo kami sa pangdalawahang upuan at umiinom ng beer. Kapag mag-uusap kami ay inilalapit namin ang aming mukha sa isa't isa para magkarinigan kami dahil malakas ang tugtog ng kumakantang live band sa stage."Wala siyang magagawa kung umalis ako dahil day off ko ngayon. Ang daddy niya ang nagbigay ng pahintulot sa akin na mag-day
Aleya's POVItinulak ko palayo sa akin si Enrique nang sumugod ang isang kasamahan ng lalaking nagtangkang pumukpok ng bote sa binata. Hindi lang pala ito nag-iisa dahil may kasama pa pala itong tatlong lalaki. Katulad ng unang lalaki ay may hawak din na mga bote ang tatlo tapos sumugod sa amin para tulungan ang kasamahan nila.Hindi tinamaan si Enrique ng bote dahil mabilis ko siyang naitulak bago pa man ito tamaan sa ulo. Nasalag ko ang kamay ng lalaking may hawak na bote at ubod-lakas kong binaliti papunta sa likuran niya ang kamay niya kasabay ng pagsipa ng malakas sa dibdib ng isa namang kasamahan nito na sumugod din sa akin. Tila naman naduwag ang isang kasamahan nila at biglang napaatras. Mabilis namang nakabawi ang lalaking hawak ko at gamit ang kaliwang kamay ay siniko niya ako sa sikmura. Nakaramdam ako ng sakit at panghihina dahil sa ginawa nito at sinamantala naman ng unang lalaking sumugod ang aking panghihina at binigyan ako ng malakas na sipa. Tumilapon ako sa ilalim n
Aleya's POVInip na inip na ako habang nakatayo sa isang sulok ng nagaganap na birthday party ng ama ni Dave na isa sa mga kaibigan ni Enrique. Dumalo ito sa party kaya kailangang kasama niya ako. At dahil party ang pupuntahan namin ay obligadong magsuot ako ng formal attire para naman hindi ako magmukhang basura sa paningin ng mga bisita. Wala akong choice kundi magsuot ng dress kahit isa sa pinakaayaw kong isuot na damit ay ang dress. Maraming mga babae ang gustong-gustong magsuot ng ganitong damit ngunit hindi ako. Para sa akin ay magiging kaabalahan lamang ang suot ko kapag may mga kalaban akong makasagupa. Hindi na mabilang ang aking buntong-hininga habang sinunsundan ng aking tingin ang bawat galaw ni Enrique na ngayon ay enjoy na enjoy sa company ng kasama nitong magandang babae na nakilala lang nito kanina. Akala ko ay nagseselos ito kay Deo dahil parang nagseselos ang tono nito habang nagsasalita ngunit nagkamali ako. Dahil nang mga sumunod na araw ay wala naman itong pakia
Aleya's POVNakakunot ang noo ni Enrique habang pinaglilipat-lipat ang tingin sa aming dalawa ni Castor. "Do you know this guy, Aleya?" seryoso ang mukha na tanong niya sa akin sabay turo kay Castor na nakakaloko ang ngisi habang sinusuyod ako ng tingin mula ulo hanggang paa."Of course, kilala niya ako, Mr. Villareal. Because I am her ex-boyfriend who dumped her many years ago," mabilis na sagot ni Castor na nakataas ang noo. Tila ipinagmamalaki nito na nakipaghiwalay siya sa akin samantalang ako naman ang nakipaghiwalay sa kanya nang nalaman ko na hindi lang pala ako ang kanyang nobya.Nakita ko ang pagkuyom ng mga kamao ni Enrique at ang paggalaw ng adam's apple nito tanda na hindi nito nagustuhan ang sinabi ni Castor. Akmang ibubuka na nito ang bibig para siguro ipagtanggol ako ngunit mabilis ko na siyang inunahan sa pagsasalita. Walang kinalaman ang kahit sino sa anumang nangyari sa amin ni Castor noon kaya dapat ako lamang ang makipagharap sa ex-boyfriend kong feeling ang guwa
Aleya's POVKahit na hindi ako masyadong nakatulog nang nakaraang gabi dahil sa pag-iisip sa namagitang saglit na halik sa amin ni Enrique ay maaga pa rin akong nagising. Hindi ko alam kung matatandaan niya ang ginawa niya kagabi dahil lasing na lasing siya ngunit lihim kong idinadalangin na sana ay hindi niya matandaan ang nangyari kagabi. Dahil hindi ko alam kung paano ko siya haharapin sakaling naaalala niya ang lahat. Baka tuluyan nga akong mag-resign bilang bodyguard niya na siyang gustong-gusto nitong mangyari.Kaagad kong tiningnan ang cellphone ko para makita ko ang location ni Enrique. Hindi pa rin gumagalaw ang pulang bilog na tanda ng tracking device na inilagay ko sa likuran ng mamahaling relo ng binata. Dahil tulog pa naman ito at natitiyak ko na mayamaya pa ito gigising kaya walang pagmamadaling naligo ako sa banyo.Pagkatapos kong magbihis ay dumiretso ako sa sala si Gigi na nagkakape habang nagbabasa ng diyaryo. "Good morning, Ate Aleya. Mukhang hindi ka nakatulog n
Aleya's POVHabang nagkakasiyahan sina Enrique sa sala kasama ang mga kaibigan nito at ang sinasabing girlfriend nito na walang iba kundi ang babaeng Jessica pala ang pangalan ay ipinasya kong maglibot sa paligid ng kabahayan para mag-inspection. Baka kasi may nagmamanman na mga tao sa labas ng bahay at naghihintay lamang ng tamang pagkakataon para umatake. Nilibot ko ang labas ng malaking bahay ng mga Villareal at natuwa ako ng makita kong wala namang kahina-hinalang tao na umaaligid sa paligid. "Talasan ninyo ang inyong mga mata para kapag may naispatan kayong tao na kahina-hinala ang kilos ay mai-report niyo agad sa akin," utos ko sa ilang guwardiya na nakatayo sa guard house na malapit sa mataas na gate ng mga Villareal."Huwag kang mag-alala, Aleya. Hindi makakalusot sa matatalas naming mga mata kung may kahina-hinalang tao," nakangiting sagot ni Resto na siyang pinaka-pinuno ng mga guwardiya roon."Good," nasisiyahang tugon ko sa kanya. Natutuwa ako na hindi na ito naiilang na