Chapter 18-Pagkalito

Inis na namura ni Angeline si Shaina sa kaniyang isipan habang pinapanood ito sa unahan. Marami ang humanga rito at isa na nga si Joshua. Si Travis ay blangko pa rin aman ang aura ng mukha nito. Hindi niya alam kung ano ang iniisip nito pero nakita niyang tiningnan nito ang file na hawak.

Palakpakan ang lahat matapos niyang mag- perform sa unahan. Matamis na ngiti ang sumilay sa kaniyang labi at nagpasalamat bago bumalik sa kinaupuan.

"And now, ang susunod po ay ang maganda at talentadong apo ni Chairman Cristy Monreal. Isa ang kompanya nila sa tanyag na magaling dito sa Pilipinas. Most of all, siya ay special someone ng ating makisig na CEO, Mr Travis Villanova!"

Palakpakan ang lahat at may paghangang tumingin kay Angeline na nakaupo sa tabi ni Travis.

Bahagyang nangunot ang noo ni Travis dahil sa huling sinabi ng emcee. Para sa kaniya ay out of topic na iyon at hindi dapat hinahalo ang personal affair ng kalahok. Ang bilis talaga kumalat ng mga malisyusong balita tungkol sa kaniyang