Chapter 51-Selos

Nagmamadaling nagpaalam na si Shaina sa abuela at ama upang makaiwas kay Rex.

"Sa akin ka na sumabay."

Dahan-dahang nilingon ni Shaina ang nagsalita. Ang akala niya ay makakaiwas siya sa gulo, pero sa ginawa ni Travis ay mukhang dobleng gulo ang mangyayari. Pero nang maalala ang kayabangan ng mga pinsan ay kinuha na rin niya ang pagkakataon na ito.

"Hindi ba nakakahiya?"

Bahagyang umangat ang sulok ng labi ni Travis nang marinig ang sagot ni Shaina. Hindi iyon ang inaasahan niyang isagot nito.

"Oo nga, hijo, nakakahiya naman kung maabala ka ni Shaina. Ipahatid ko na lamang siya sa aming driver." Sabat ni Matilda bago tinapunan ng makahulugang tingin si Shaina.

Hindi pinansin ni Shaina ang banta ng tiyahin. Hinarap niyang muli ang binata at umaktong inosinte. "Pero kung hindi naman nakakaabala sa iyo ay salamat."

Naikuyom ni Angeline ang palad at nagpipigil na masabunutan si Shaina. "Shaina, ipahatid ka na nga sa driver, di ba? Pangit tingnan kung sasabay ka kay Travis."

"Ano ang masam