TPG 6

SAMUELLE 

FIVE million.

Hindi ko na kailangan mag-isip ng matagal. After six months, malaya naman ako. Basta ang five million na iyon, gagamitin ko sa pagbili ng bahay at lupa. At Ang sobra, ilalagay ko sa bangko 

"ANO?!"

Gulat na sigaw sa akin ni Louise.

Ayoko na mag-inarte pa. Limang milyon, Louise. Mababayaran ko na pati ang lahat ng mga utang ko.

"Ay, Gaga ka talaga! Naniniwala ka naman kay Sir Rhenz na hindi niya tapyasin ang tinggil mo!" irap na saad ng kaibigan ko.

"Ang bastos mo talaga, Luisita!" inis na hinampas ko ito sa braso.

"Hindi ka na bata, Sammy. Ang mga lalaki, may pangangailangan din. Kapag inabutan ng libog si Sir Rhenz, kawawa ang hopia mo!"

"Nag-usap na kami. No body contact. Magpakasal lang kami, hanggang six months lang kami magsasama. Magpapakasal lang kami dahil iyon ang last will testament ng mommy niya para makuha ang kanyang mana."

"Ay, basta ako, hindi talaga ako maniniwala na hindi ka niya gagalawin! Si Sir Rhenz pa!"

Napairap naman ako.

Subukan lang ng h*******k na iyon na pagsamantalahan ako!

"Pero, maganda din naman ang mindset mo. Malaking pera na ang ibigay sa'yo. Kahit matikman mo pa ang latigo ni hudas ni Sir Rhenz, hindi ka pa rin lugi."

"Tumigil ka nga, Louise!"

"Hmmp! Basta tandaan mo, Sammy. Huwag na huwag ka ma-inlove sa nag-iisang, Rhenz Bright! Masasaktan ka lang. Matagal na ako nagtatrabaho diyan sa abnoy na iyon. Ayaw na ayaw niya ng commitment."

Napabuga naman ako ng hangin.

"Malabong mangyari na ma-inlove ako sa impakto na iyon. At si Sir Bry lang talaga ang pinapangarap ko no!"

"At naku, Sammy. Huwag ka magsalita na wala pa. Baka next month, nasa harapan ko na umiiyak ka!"

Napabuntonghininga naman ako. 

"Hindi puwede. Dahil malabo Rin na magustuhan din ako ni Rhenz," mahinang saad ko.

Sino ba ako na magustuhan niya? Baka nga iniisip niya na mukhang pera ako or gold digger. Hindi rin ako maganda. 

KINABUKASAN, sinundo ako ni Rhenz sa hospital dahil may pupuntahan daw kami.

"Judge? Hindi tayo sa simbahan ikasal?!" saad ko rito.

"Seriously, Sammuelle? Sa papel lang ang gagampanan natin. So, we don't need na para ikasal sa simbahan."

Bigla naman ako napatahimik.

"G-Ganoon ba. O-Okay lang. Maghihiwalay din naman Tayo after six months," diin na saad ko naman.

"Oo nga pala. After mo pirmahan Ang marriage contract, kailangan mo agad lumipat sa bahay. Baka pumunta ang abogado at hahanapin ka."

"Okay. Puwede ko ba makuha kahit one fourth na paunang bayad mo sa akin? Kailangan ko muna ilipat si mamang sa maayos-ayos na bahay."

"No problem."

Hindi ko alam kung tama ba talaga Ang desisyon ko. 

Basta pumirma na lang ako sa papel na inabot sa akin ng judge. Pagkatapos, hinatid din ako pabalik ni Rhenz sa hospital.

Samuelle Luna Bright.

Kakainis! Bakit ang bilis ng desisyon ko!

Dahil lang sa pera, pumayag ako maging isang contracted wife.

"Sammy! Sammy!"

Napatingin naman ako sa nurse na kasamahan ko.

"Totoo ba?!" aniya na nanlalaki ang mga mata.

"Totoong ano?" nakakunot ang noo na tanong ko pabalik rito.

"Asawa ka pala ni Rhenz Bright?! Girl, nasa tv ang mukha mo at kinumpirma nga ni Bebe Rhenz na asawa ka raw niya!" 

Dilat na dilat naman ang mga mata ko.

"Ano!" Saad ko naman.

"Grabe ka talaga, Sammy! Asawa mo pala ang napakaguwapong nilalang sa television!"

"A-Ah..n-nasa interview ba Siya Ngayon?" tanong ko rito.

"Yes, girl. Napakasuwerte mo talaga!"

Parang bigla ako nahilo. 

"S-Saglit lang. Punta muna ako sa restroom!"

Impakto talaga!

Kanina lang kami pumirma ng marriage contract, agad na niya sinabi ng live sa tv!

Halos lahat sa akin na nakatingin.

Paano ba naman, sa itsura kong ito, malabo na mangyari na asawa ako ng kanilang idolo!

"Siya? My goodness! Matanda na iyan did ba?" aniya ng isang nurse na tiningnan pa ako sa ulo pababa sa paa ko.

Ayoko lang talaga sila patulan. Pero pagpunong-puno na, matitikman nila ang kanilang hinahanap!

Pabalik na ako galing restroom pero bumungad sa akin ang lalaking kanina ko pa minumura sa aking isip.

"Asawa ko!"

Laglag naman ang panga ko sa pagtawag niya sa akin.

Hinarang ko naman ang kamay ko sa aking mukha dahil sa flash ng camera.

"Anong kaguluhan ito?!" diin na tanong ko rito.

"Asawa na kita, Samuelle. Kaya expect mo na may nakabuntot na mga media sa akin at sa'yo rin," aniya at mariin akong hinalikan sa labi.

Nag-uumpisa na talaga ang kalbaryo ko!