KABANATA 20

Kanina pa niya napansin si Yvette sa isang tabi nang magsisimula pa lang silang kumain ni Yazmin. Kakaiba na ang kutob niya dahil hindi naman kailangan ang manager sa tabi kapag may special dinner sa hotel niya. Trabaho naman kasi iyon ng mga waiters at hindi nito kailangang tumambay doon habang kumakain sila.

Ibinaling na lang niya muli ang atensiyon sa babaeng nasa harap na sunod-sunod ang ginawang pagsubo na parang wala siya sa harap nito.

Napangiti siya habang sinisimsim ang wine sa basong hawak. Kakaiba talaga ito sa mga babaeng nakakasama niya. Mahirap tantiyahan ang mood nito kapag magkasama sila.

Minsan para itong babaeng hindi makabasag ng pinggan tapos bigla na lang nagiging tigre sa isang iglap. Para pa nga itong laging inis sa kanya.

Kabaliktaran no'ng gabing...

Ipinilig niya ang ulo. Pilit man niyang inaalis sa utak iyon ay tukso namang laging bumabalik iyon sa isip niya.

Napatitig siya sa namumugtong mga mata nito. Iniiyakan pa rin ba nito ang lalaking nakita niyang kau