KABANATA 95 TORN

"Hindi ba't buntis ka dati? Nasaan iyong sanggol mo? Bakit iyang apo ko ang gustong-gusto mong alagaan?" Puno ng kuryosidad na tanong ng matandang pulubi habang pinapapak ang pizza na hiningi nito sa kanya.

Natigil siya sa paghehele sa sanggol na pinapatulog.

Si Gazer ay nasa ibabaw ng kama habang busy sa paglalaro ng mga laruan nito. Pagkagising kanina ay agad na pinuntahan niya ang anak at sinabing ipapasyal muna.

Kay Nana Klaudia siya nagpasabi at kay Emma. Pinag-day off niya muna si Emma dahil plano niya talagang isama si Gazer sa pagbisita kay Manang Minda.

Napatingin uli siya sa matanda na naghihintay ng sagot niya.

"P-patay ho kasi nang ipinanganak ko ang bata." Sabi niyang hinahaplos na ang mukha ng sanggol na karga.

Nagkalaman na rin sa wakas ang mga pisngi nito. At dahil hindi na ito mukhang gusgusin palagi nang napapaliguan at may malinis nang damit ay saka lumabas ang napakaganda nitong mukha.

Naisip niyang baka gwapo ang tatay ng bata at baka may dugong banyaga dahil kahi