CHAPTER 6

Nang biglang nag iba ang himig ng musika. The Way You Look At Me na orihinal na ikinanta ni Christian Bautista. Saglit siyang napatigil, talaga bang sinadya iyon ng banda? Nawika lamang niya sa sarili niya.

"DJ, ikaw na ang bahala kay Dianne ha?" Narinig niyang sabi ni Amy. Malakas na pagkasabi nito dahil din sa ingay na likha mula sa banda. Tumango lamang ito.

"Will you dance with me?" Tanong ni DJ na ngayon ay kaharap na niya na nag-aanyaya sa kanyang sumayaw habang nakabukas ang isang palad nito.

Hindi siya kaagad nakasagot rito pero sinadya siyang tinulak ni Amy palapit sa binata kadahilanan para makahawak siya sa palad nito. Hinawakan din ni DJ ang palad niya at mariing isinayaw siya.

Wala siyang nagawa kundi sumayaw na lamang kapares si DJ. Tumingin siya kay Amy na ngayon ay kasayaw ang kasintahan nito. Nakita niyang nakangiti at kumindat pa ito sa kanya habang kasayaw ang kapares nito.

Nakita niya rin ang ibang kaibigan na may kapares din ang mga itong sumasayaw. Napadako ang kanyang mga mata lalo na kay Kier at Athena. Mukhang nagkamabutihan na ang dalawa at halatang malambing sa isa't-isa. Sa totoo lang, nakaramdam siya ng inggit, hangad nya sanang siya ang nasa pwesto ni Athena. At hangad niya rin sa mga sandaling iyon na siya ang kasayaw ni Kier, na sweet sila sa isa’t isa katulad sa nakikita niyang lambing na namamagitan kina Athena at Kier habang sumasayaw.

Dumako ang kanyang tingin kay DJ. Hindi siya makapaniwala na kasayaw niya ngayon ito, na pareho silang mainit ang dugo sa isa't isa. Na kasayaw niya sa mga sandaling iyon ang ipinagkukulo ng dugo niya, ang lalaling palaging nang-aasar sa kanya at ang lalaki na sa tuwing magkita sila ay feeling niya stress na stress siya.

Cause there's somethin' in the way

you look at me

It's as if my heart knows

You're the missing piece

You make me believe

That there's nothing in this world

I can't be

I never know what you see

But there's somethin' in the way

you look at me

Narinig niyang kanta mula sa banda. Nakangiti si DJ sa kanya at di sinasadyang magtama ang kanilang mga tingin sa isa’t isa. Habang nakangiti ito tila--

Nagtaka siya nang biglang may nagbago.

Tila biglang huminto ang mundo.

Bakit ganun? Anong nangyayari?

Yong feeling mo na tanging pintig lang ng puso mo ang naririnig mo. Umalingawngaw ito, na tila nabibingi ka sa pintig ng puso mo. Aniya sa sarili.

Hindi parin siya makapaniwala, nasabi niya sa sarili na baka epekto

lang yon ng nainom niya.

Pero hindi eh, hindi pa ako lasing!

Lalong lumakas ang pintig ng puso niya nang lalong idinikit ang katawan ni DJ sa kanya.

Hindi!

Sigaw ng kanyang isip. Natatakot kasi siyang baka maramdaman nito ang pintig ng kanyang puso.

"Dianne, there's something wrong?" Narinig niyang tanong ni DJ sa kanya.

"Namumutla ka" patuloy pa nito.

"Parang...bigla kasi akong nahilo" sagot niya na hinawakan pa ang ulo niya.

"Sige, maupo ka muna" wika nito na inalalayan pa siya paupo.

Si DJ ang bumuhat kay Dianne nang biglang nandilim ang paningin at nawalan ng malay. Binuhat siya ni DJ patungo sa kanyang silid kasama si Dansel. Nang maihiga ng maayos ni DJ si Dianne sa kwarto ng babae ay saglit silang napahinto sa veranda ng mini-hotel.

"Hindi seguro nakaya kaya nalasing at hinimatay" wika ni Dansel. "Hindi nanaman kasi sanay si Dianne uminom ng alak. She's lik an angel sa aming friendship dahil sya ang tagabantay sa amin kung malasing kami,siya lang kasi ang hindi umiinom. Panganay kasi kaya sobrang protective sa amin kaya nga mahal na mahal din namin na parang kapatid. Alam mo bang siya breadwinner sa pamilya nila? Dahil sa kanya nakapagtapos ang mga kapatid niya, kahit na mahirap lang sila noon pero nagpursige siya na makatulong sa pamilya. Kaya ngayon may mga kapatid na siyang doctor, public teacher, engineer at accountant. Kaya hanga kami sa kanya at kaya hindi pa nagkabf dahil nakafocus sa pamilya." Kwento ni Dansel habang tahimik na nakikinig s DJ. Dahil sa kwento ni Dansel ay nakaramdam siya ng guilty pang aasar niya kay Dianne at nakaramdam ng paghanga. Naalala niya ang nangyari nang magtama ang mga tingin nila ni Dianne tila huminto ang mundo at bumilis ang pintig ng puso niya.

Sinabi niya kay Dansel wag muna pumasok si Dianne sa trabaho kinabukasan.

Nasa tabing dagat si Dianne at masayang natatawa siya habang tumatakbo. Binibilisan niya ang pagtakbo habang hinahabol ng lalaking natatawa rin sa paghabol sa kanya. Buong puso ang ligaya niya sa pagkakataong iyon. Nang mapagod ang kanyang mga tuhod ay saglit siyang huminto at humihingal na nagpahinga pero huli na ng namalayan niya na nayakap na siya ng lalaki.

"Nahuli rin kita!" wika nitong humihingal na rin.

Natatawa siyang kumawala pero mahigpit ang pagkahawak at pagkayakap sa kanya ng lalaki.

Nang humarap siya rito biglang bumilis ang pintig ng kanyang puso at laking gulat niya nang makita si--

DJ!

Si DJ ang lalaking iyon.

Muntik ng mahulog si Dianne sa malambot na kama nang imulat niya ang kanyang mga mata.

"Panaginip lang pala iyon. Ano ba ang ibig sabihin nun?"Tanong niya sa sarili.

"Sandali nasaan ba ako?" maya-maya'y tanong pa niya sa sarili nang mapansin na nasa loob siya ng kwarto. Bumangon siya at biglang nagmadali nang maalala na huli na sya sa trabaho nang makita ang orasan sa bedroom table.

"Nako! Alas nuwebe na! Late na ako!" Nag- alalang sabi niya.

Biglang bumukas ang pinto at pumasok si Dansel.

"Gising ka na pala? Hindi na kita ginising dahil mahimbing ang tulog mo kanina" sabi nito nang lumapit sa kanya.

"Magpahinga ka muna dahil bigla kang nawalan ng malay kagabi."

"Ganoon ba?" Nakakunot ang noo na tanong niya.

"Yes girl! Si DJ pa ang bumuhat sayo papunta rito sa kwarto mo. Ang sabi pa niya na huwag ka muna pumasok sa work. Siya naman ang boss diba? Kaya don't worry." Pahayag pa nitong makahulugan ang mga ngiti.

Nag-ayos parin si Dianne. Napagdesisyunan niyang pumasok ng hapong iyon. Kahit mag- half day lang siya. Ayaw niyang iisipin ni DJ na nag titake advantage siya. Nauna na palang umalis sina Athena, Kier, DJ, Amy at ang boyfriend nito. Nagpaiwan doon si Dansel at boyfriend nito para samahan siya. Ayon sa kaibigan niya, ito ang kasama niyang dumating doon kaya ito rin dapat ang kasama niyang umuwi.

Ang bilis ng mga araw na tila hinihila to move forward very fast. Parang kahapon lang nang mag friendship date sila ngayon sabado na naman.

Nakaupo si Dianne sa malaki’t malambot na sofa habang kasamang nakaupo sina Amy at Dansel kasama ang mga boyfriends ng mga ito. Nasa mini-bar sila ng isang resto na palagi din nila pinupuntahan pag mag frienship date rin sila, iyon ang lugar na pinupuntahan nila kung wala pa sila naging plano sa kanilang friendship date o di kaya ay tinatamad sila. Nasa private room sila para daw meron din videoke. Wala pa si Athena ng sandaling iyon. On the way palang daw ito kasama si Kier.

Nang dumating na ang dalawa ay napatingin si Dianne sa likod ng mga ito, iwan ba niya pero hinanap ng mga mata niya si DJ.

Yon bang si Kier ang pinipicture out ng isip niya, pero si DJ ang hinahanap ng puso niya. Araw-araw naman sila nagkikita ni DJ sa trabaho pero parang nasasabik parin siya na makita ito.

Yon ba ang epekto ng nangyari sa kanya noong unang sumayaw sila ni DJ? Grabe naman nakaranas lang ako na parang huminto ang mundo, bigla kaagad nagbago lahat. Ang dating inis na nararamdaman niysa ay napalitan ng damdaming hindi niya maintindihan. Parang magic! Hindi kaya ginayuma ako ni DJ? Parang matatawa sya sa sarili sa mga naiisip niya.

Bakit ganun? Hindi niya naman tinuruan ang kanyang puso pero kusa na lang ito kumikilos ng minsan labag sa kalooban niya, oo, labag sa kalooban niyang maramdaman ang damdaming iyon. Pero parang may sarili itong isip!

‘’Mamaya pa darating seguro si DJ may dinadaanan lang’’ wika ni Kier nang marinig niyang tanungin ito ni Amy.

Sumibol sa puso niya ang biglang ligaya, parang biglang sumaya ang puso niya na makikita si DJ.

Ilang saglit lang ay dumating si DJ kasama si Gerlie.

Nakita niyang pinakilala ni DJ si Gerlie sa mga kaibigan niya. Pagkatapos ay lumapit ito sa kanya, kahawak-kamay nito si DJ.

‘’Hello, Dianne, right?’’ Anito sa kanya at tiningnan siya mula ulo hanggang paa. Ang tingin nito ay mas matindi pa sa mgga tingin ng mga tiyahin niya sa tuwing lalaitin siya.

‘’Totoo bang may gusto ka sa boyfriend ko?’’ Sarkastikong tanong nito ‘’Ako ang girlfriend ni DJ, ipinakilala na ako ni Kier sayo diba?’’ Patuloy pa nito. Napatahimik lamang sya at ang mga kaibigan niya naman ay nagulat sa inasta nito.

‘’Well, kung ikaw lang din naman ang maging karibal ko. I’m nothing to worry dahil parang wala din namang thrill na makipag-agawan ka sa boyfriend ko.’’ Dagdag pa nito at sarkastikong ngumiti.

‘’Gerlie, enough!’’ Saway kay Gerlie ni DJ.