18.

[Yuri]

Wala siyang nagawa nang pakaladkad siyang hatakin ni Red. Maski magpabigat siya ay parang magaan lang na bagay siyang dala-dala nito. Mas lalo siyang nakaramdam ng kaba ng makitang maski ang villa na pinagdalhan nito sa kanya ay nakakatakot. Malaki at parang abandonado.

"Walanghiya ka! Pakawalan mo ako!" Akala niya ay tutulungan siya ng pulis na 'yon pero hindi pala. Isa pala ito sa mga baliw na kaibigan ni Red.

Gumapang ang kilabot sa katawan niya nang makapasok sila ng Villa, tanging dim light lang ang nagbibigay ng liwanag sa paligid, mayro'n siyang nakitang mga tauhan si Red, marami at nagkalat ang mga 'to at mga armado.

Hinila siya nito hanggang sa likurang bahagi ng Villa kung saan ay wala na siyang nakitang liwanag. Nahintatakutan siya nang huminto sila. Wala man siyang makita dahil sa kadiliman ay hindi maiwasan na makaramdam siya nang takot.

"A-Ano ang gagawin— ahh!" Napadaíng siya nang itulak siya nito sa kung saan. Kahit masakit ang tuhod niya ay agad siyang tumayo