21. TWH (WARNING SPG)

[Pamela]

PUMIKIT siya at pilit na umiisip ng paraan kung paano siya makakatakas sa lugar na ito. Wala na siyang kadena sa paa pero hindi naman siya makaalis dahil may mga bantay sa labas. Hindi niya alam kung bakit kailangan pa maglagay ng tauhan ni Alaric. Takot na takot ba ito na mawala siya at mawalan ng taong gagamitin laban kay Alden?

Kaya marahil kumuha na ng mga tauhan si Alaric ay dahil pumasok na ito ngayon.

Pumasok nga ba o may kalandian?

Nakagat niya ng madiin ang labi sa naisip. Shit, Pam, wag kang iiyak! Hindi siya dapat iyakan. Ang katulad niya na lalaki ay hindi deserve ang luha mo.

Puro bilin siya sa sarili niya na wag ng iiyak, pero wala naman nangyayari. Kahit ano naman kasi ang gawin niya ay masakit parin talaga. May nangyayari nga sa kanila at nakakasama niya ito. Pero alam din niya na hindi siya nito mahal.

Ang sakit!

Kasama niya ang lalaki na mahal niya pero alam niya na ginagamit lang siya. Siguro ay masaya ito habang kasama ang babae nito. Baka nga may ginagawa