CHAPTER 21

Napasigaw si Tamara ng ubod lakas nang dumaplis sa kaniya ang bala ng baril na mula sa kung sino. Si Andrei ay halos hindi magkamayaw sa pagpapakawala ng sunod-sunod na putok habang pilit na tinatawagan ang kaniyang Uncle David. Panay ring lang naman ang cellphone ng kaniyang uncle kaya lalong nag-alala ang binata.

Hindi na sinubukan ng magkasintahan na pumasok pa ng mansion ng mga Montillano. Tumawag na lang si Andrei ng mga pulis para may makatulong sila ni Tamara. Hindi na sinabihan ng dalaga ang grupo n'ya para maiiwas ang mga ito na mapagbintangan o kaya ay madamay.

"Lt. Montillano, we are on the way now," sabi ng kakilala ni Andrei sa hanay ng pulisya.

"Thank you, sir. I'll wait for you here," sabi ng binata. "Mukhang marami ang mga kalaban kaya mag-iingat kayo."

Habang abala si Andrei sa pakikipag-usap sa cellphone ay nakatago naman si Tamara sa may gulong ng sasakyan n'ya at abala siya sa pakikipagpalitan ng putok. Walang takot na nararamdaman ang dalaga. Sa tingin niya ay