K-2

SUMUNOD NA ARAW, PINUNTAHAN NI BEA ang kaibigan niyang si Baks dahil balak na niyang subukan ang sinasabi nito sa kanya.

"Baks!" sigaw ni Bea kaya nilingon siya ng kanyang kaibigan.

"Oh bakit? Ano iyon?" tanong ni Baks nang lapitan siya nito.

"Iyong... ano pala doon sa club na sinasabi mo, babayaran nila ako ng malaki kapag magpapagalaw ako sa kanila, ganoon ba?" mahinang tanong ni Bea sa kaibigan.

Hinila siya ni Baks sa may gilid ng poste. "Oo, Bea ganoon nga. Syempre ano pa ba ang babayaran nila sa iyo ng malaki? Kun'di ang sarili mong katawan. Iyang virginity mo."

Napalunok ng laway si Bea. "P-Paano pala kung mabuntis ako?"

"Syempre gagawa ka ng paraan para hindi ka mabuntis ako. Ako kasi injectable ang gamit ko. Hindi ko kasi kaya uminom ng pills araw-araw kasi baka makalimutan ko. Kaya itong injectable ang contraceptives na naisip ko i-take. Three months ito."

"Hindi ba sila gumagamit ng condom?"

Pumiksi si Baks.."May ilan kasi na gusto ang walang condom kasi mas masarap daw which is totoo naman. Mas masarap nga naman talaga ang walang condom. At saka ma-e-enjoy mo mabembang Basta ba pipili ka rin ng guwapo. Puwede ka namang tumanggi kapag hindi mo bet ang kakana sa iyo."

Ngumiwi si Bea sabay kamot sa ulo. "Nakakatakot talaga. Nakakakaba eh."

Tinitigan niya si Bea. "Bakit? Nagdadalawang isip ka ba? Isipin mo na lang ang pagyaman mo na lang na magkakapera ka agad at malaki pa. At saka sa panahon ngayon, utakan na lang talaga. Uso na ngayon ang paggamit ng katawan para magkapera. Huwag mo sabihin sa akin na virgin ka pa? Hindi ba't nagkanobyo ka na before?"

"Oo, virgin pa ako kasi hindi naman ako nagpagalaw sa ex ko. Kaya nga ako iniwan ng ex ko."

"Naku, mas malaki ang bayad sa virgin! Malaki kikitain mo!"

Natatawang nailing si Bea. "Alam mo, nagpapasalamat na lang talaga ako dahil pinanganak akong maganda at sexy. Siguro kung pangit ako at hindi pa maganda ang hubog ng katawan, hindi ko magagamit ang katawan ko."

"Totoo iyan! Kaya ikaw, gamitin mo 'yang ganda mo at ka-sexy-han mo. Chinita ka pa naman. Madaming maakit sa iyo. Kita mo namang halos lahat ng tambay dito ay naakit sa iyo. Kung makatingin nga sa iyo eh para bang hinuhubaran ka na. Parang mga baliw na aso eh na naglalaway sa iyo sa tabi."

Tumawa si Bea. "Pakialam ko sa kanila. Buti sana kung may pera akong makukuha sa kanila. At isa pa, wala na talaga akong ganang magkanobyo simula nang iwan ako ng ex ko dahil lang sa ayoko pa nagpaano. Paano ba naman kasi, ipapasubo niya sa akin ang sandata niya eh nasusuka nga ako dahil maasim."

Humagalpak ng tawa si Baks sabay hampas sa braso ni Bea. "Seryoso? Bakit maasim? Hindi ba siya naghuhugas ng barbecue stick niya bago niya ipasubo sa iyo?"

"Naghuhugas naman kaso parang hindi maalis ang kaasiman na amoy sa barbecue stick niya. Siguro talagang maasim iyon. Mahirap ng alisin ang amoy tapos mahaba naman kaso payat! Barbecue stick talaga," wika ni Bea sabay tawa ng malakas.

Nagtawanan silang dalawa ng malakas. Totoo naman kasi talaga ang sinasabi ni Bea tungkol sa alaga ng ex miya. Mahaba naman talaga iyon kaso nga lang payat ito. Akala mo ginutom na sandata dahil sa kapayatan.

"Paano 'yan wala akong mga sexy na damit? Puro mga t-shirt at pants lang ang mayroon ako. Sando ko nga isa lang eh," nakangusong wika ni Bea.

Ngumisi si Baks. "Huwag kang mag-alala dahil bibigyan kita. Halika na muna sa bahay. Maghahanap ako ng mga revealing na damit para sa iyo. Iyong tipong tigas ang stick talaga ang mangyayari sa mga lalaking mapapatingin sa iyo sa club."

Nagpatianod na lang si Bea sa kanyang kaibigan. Alam niyang wala na itong atrasan. Bahala na kung ano ang mangyayari mamaya.

MATAPOS MAIBIGAY NI BAKS ang mga damit niyang kulang na lang ay lumabas ang kaluluwa, kaagad itong itinago sa ilalim ng damitan ni Bea bago nagtungo sa karinderya ni Aling Bebs. Pagkarating niya pa lang ay nagsimula na akong magtrabaho. Kagaya ng araw-araw niyang ginagawa, kapag wala na masyadong customer ay tutungo na siya sa kusina para hugasan ang tambak na hugasin.

"Aling Bebs, puwede po ba ako makabale ng five hundred pesos? May paggagamitan lang po ako," aniya matapos maghugas.

"Oo sige walang problema." Kaagad kumuha ng limang daan piso sa wallet niya si aling Bebs at saka ibinigay kay Bea.

"Kanino mo o saan mo naman 'yan gagamitin? Baka mamaya ibibigay mo lang 'yan sa Tiyahin mong masama ang ugali. Hindi ka na itinuring na kapamilya. Turing sa iyo ay isang alipin. Napakawalang kuwenta naman ng Tiyahin mong iyan."

Mabilis na umiling si Bea. "Hindi ko po ito sa kaniya ibibigay. Talagang may paggagamitan lang ako para sa sarili ko."

Pagkauwi ni Bea sa bahay, pagod na pagod niyang binuksan ang pinto at tumambad sa kanya ang makalat sahig. Napatingin din siya sa lababo na tambak ang hugasan. Hindi niya mapigilang mainis dahil sa nakita nadatnan niya. Nakangiting tumingin sa kanya ang Tiya Lolita niya.

"Mabuti naman at dumating ka na. Pahinga ka lang saglit tapos maglinis ka na at maghugas," aniya bago tinuon ang paningin sa T.V.

Kinuyom ni Bea ang kanyang kamao sa inis. "Pagod na pagod na ako sa trabaho pati ba naman dito ay papagurin niyo pa rin ako?" inis niyang tanong sa tiya niya kaya napatingin ito sa kanya.

"Anong sabi mo?" Nanlalaki ang matang tanong ni Lolita kay Bea.

"Tiya Lolita naman! Sa araw-araw kong pagtatrabaho, pagod na pagod ako no'n tapos dito ganito pa ang madadatnan ko? Wala naman po kayong ibang ginagawa dito pero bakit kailangang ako pa rin ang kumilos dito sa loob ng bahay? Ako na nga ang nagtatrabaho para magkaroon tayo ng panggastos sa araw-araw pero ganito ang ginagawa niyo sa akin. Napapagod din ako Tiya. Tao rin ako kagaya niyo. Hindi ako robot. Kaya sana naman huwag niyo naman akong gawing alipin. Parang hindi niyo ako pamangkin." Puno ng hinanakit ang kanyang tinig.

Nakapamaywang na tumayo si Lolita at saka matalim na tinitigan si Bea. "Aba aba! Nangangatwiran ka na! Bakit? Kaninong bahay ka ba nakatira? Hindi ba't sa bahay ko?!"

"Opo naiintindihan ko naman po 'yon pero sana naman kaunting konsiderasyon. Pagod na ako sa trabaho tapos dito ganito pa ang madadatnan ko sa araw-araw?"

"Eh 'di lumayas ka na dito kung ayaw mong gawin ang mga bagay na 'to! Lumayas ka na! Wala kang utang na loob! Kinupkop kita dito tapos ganiyan lang isusukli mo sa akin?!"

"Bakit po? Hindi ko ba pinagbabayaran ang pagkupkop niyo sa akin? Nagbubuhay senyorita ba ako sa bahay na ito? Hindi naman, 'di ba? Alipin niyo na nga ako dito tapos ako pa ang nagtatrabaho. Wala na ngang natitira sa akin dahil sa inyo ko ibinibigay para wala kayong masabi! Tapos ganiyan pa ang sasabihin niyo sa akin? Na wala akong utang na loob? Lahat naman ginawa ko para masuklian ko ang pagkupkop niyo sa akin! Pagod na pagod na rin ako! Parang gusto ko na ngang sumuko sa buhay!"

Hindi na napigilan pang umiyak ni Bea. Sobrang bigat na kasi talaga ng nararamdaman niya at ngayon niya lang ito nailabas. Nakatingin lang sa kanya ang dalawa niyang pinsan habang matalim pa rin ang tingin sa kanya ni Tiya Lolita.

"Eh 'di lumayas ka na dito kung napapagod ka na! Lumayas ka na ngayon at huwag ka ng babalik! Hindi ko kailangan ang isang katulad mo na mapagmataas! Ang kapal ng mukha mong sumbatan ako! Wala kang modo! Lumayas ka ngayon din!" malakas na sigaw ni Lolita kay Bea na kulang na lang ay pumutok ang litid niya sa kaniyang leeg.

Matapos sabihin 'yon ni Lolita ay kaagad na inilagay ni Bea ang mga gamit niya sa malaking bag. Patuloy pa rin ang pag-iyak niya habang pinaghahakot ko ang mga gamit niya. Nang masiguro niyang nakuha niya na ang lahat ng gamit niya, kaagad siyang lumabas ng bahay na iyon. Mabilis siyang naglakad patungo sa kanto. Nang makarating siya doon, sumandal si Bea sa poste at tinawagan ang kaibigang si Baks.

"Baks... nasaan ka?"

"Anong nangyari sa iyo? Bakit ka umiiyak?" Gulat na tanong niya sa kabilang linya.

Pinahid ni Bea ang luha sa pisngi. "Nandito ako sa kanto malapit sa amin. Dala ko lahat ng gamit ko. Umalis na ako, Baks sa bahay. Hindi ko na talaga kaya. Pagod na pagod ako sa trabaho tapos ang aabutan ko ay napakakalat na bahay at tambak na hugasin. Hindi ko na kaya ang ganoon na lang pala ang madadatnan ko sa tuwing uuwi ako."

"Sige sige pupuntahan kita diyan. Maghintay ka lang," kaagad ibinaba ni Baks ang tawag matapos niyang sabihin 'yon.

Ilang sandali pa ay dumating na si Baks sakay ang isang traysikel. Tinulungan niya si Bea na buhatin ang dala nitong gamit at pagkatapos ay sumakay na sila sa traysikel. Nagtataka man si Bea kung saan sila pupunta pero hindi na siya nagtanong pa. Ibinaba sila ng traysikel sa labasan at saka sumakay naman sila sa jeep. Walang umiimik sa kanila hanggang sa makarating sila sa isang apartment.

"Kaninong apartment ito?" takang tanong niya kay Baks.

"Sa akin. Kalilipat ko lang noong isang araw. Malapit kasi ito sa club na sinasabi ko sa iyo. Bale nagpapadala na lang ako sa pamilya ko. Mabuti na lang at ngayon ka naglayas dahil nakalipat na ako. Ayos ka lang ba?"

"Ayos lang. Parang ang gaan nga ng pakiramdam ko dahil wala na ako sa bahay na 'yon," mabilis na sagot ni Bea.

"Malamang. Sila lang naman ang nagbibigay ng bigat sa dibdib mo. Sila lang naman ang nagpapahirap sa iyo."

Tipid na ngumiti si Bea. "Kaya nga eh. Bahala na sila diyan. Sarili ko na muna ang uunahin ko. Ang tagal ko rin namang nagpaalipin sa kanila kaya siguro sapat na 'yon para masuklian ko ang ginawa niyang pagkupkop sa akin."

Umupo si Baks sa harapan niya at saka siya nito tinitigan. "Aalis ako ngayon dahil may customer ako sa club. Sasama ka ba?"

Napalunok si Bea sabay kurap. "Ngayon na ba?"

"Oo. Kaya nga nakabihis na ako at make up. Ano? Sasama ka ba? Kung sasama ka, mag-ayos ka na. Magbihis ka na muna at ako na ang bahalang mag-ayos sa iyo."

Bumuntong hininga muna si Bea bago tumayo. Kinalkal niya sa dala niyang gamit ang ibinigay sa kanya ni Baks na damit. Nagtungo kaagad siya sa banyo at isinuot ito. Pagkalabas ni Bea ng banyo, napangisi si Baks at pumalakpak.

"Perfect! Ang ganda ng hubog ng katawan mo! Mas sexy ka pa sa akin! Talagang mahuhumaling sa iyo ang mga lalaki doon. Bagay na bagay sa iyo, Bea! Ang laki ng hinaharap mo!"

Natawa na lang si Bea. "Naasiwa ako. Ang presko masyado ng damit na ito."

"Masasanay ka rin. Panigurado tigas stick talaga ng mga lalaki doon kapag nakita ka!" tumatawang sabi ni Baks.

Matapos siyang ayusan ay dali-dali na silang lumabas ng apartment at sumakay ng jeep. Habang nasa byahe ay patuloy pa rin ang malakas na pagtibok ng puso ni Bea hanggang sa makarating sila sa club. Napakurap siya dahil sa patay-sindi na ilaw at ingay doon sa loob. Marami ngang lalaki doon at mga kababaihan na halos lumabas na ang kaluluwa dahil sa mga suot nito.

"Pakibigyan nga siya ng isang drinks. Juice lang 'yan," sabi ni Baks sa bartender.

"Baka mamaya painumin ako dito, tulog talaga ako," bulong ni Bea sa kaibigan..

"Hindi 'yan dahil puwede ka namang tumanggi. Oh siya dito ka na muna at mamingwit ka na rin ng malaking barbecue stick dito. Pupuntahan ko lang ang customer ko." Kinindatan muna siya ni Baks bago iwan.

Nilibot ni Bea ang paningin sa paligid. Maingay at maraming naghihiyawan. Napangiwi pa nga siya nang makitang may naghahalikan sa harapan niya. Maraming nagsasayawan at naglalampungan sa harapan niya.

LALAKI: "Vodka, please," wika ng lalaki sabay upo sa tabi niya.

Napatingin siya sa katawan ng lalaki. Ang pipintog ng kaniyang braso at malapad ang likuran nito. Kahit naka-side view lang ay masasabi niyang napakaguwapo ng lalaki dahil matangos ang kaniyang ilong, makapal ang kaniyang kilay, mahabang pilikmata, manipis at mapulang labi at mahaba ang kaniyang buhok.

"Enjoying the view?"

Halos mabuwal si Bea sa kinauupuan niya nang bigla humarap sa kaniya ang lalaki. Hindi siya nakapagsalita.

"Can I fúck you, miss? I will make sure na magugustuhan mo ang gagawin mong ito at hinding-hindi makalilimutan," nakangising wika ng guwapong binata.

Hindi iyon nagustuhan ni Bea dahil hindi siya talaga sanay na nababastos kaya bigla niyang sinuntok sa mukha ang binata. Nahulog ito sa kanyang kinauupuan.

"Hayop ka! Manyak! Babangasan ko iyang pagmumukha mo!" galit niyang sabi bago iniwan ang binata.