Chapter 9 — Napilitan

PAKIRAMDAM ni Jhonel ay may nagwawala sa sikmura niya. Aminado siyang minahal niya si Akime pero ang pakiramdam na ganito para sa isang babae na hindi niya mawari kung ano ay nag-e-exist din pala. Lalo pa’t sa hindi niya karelasyon.

Naramdaman niya ang paggalaw ng labi ni Lacryleigh at ang pagganti nito sa halik niya. Pero nang marahil matauhan ay itinulak siya sa dibdib.

“Akime...” Hinatak niya ito pabalik at muli ay naitukod nito ang mga braso sa dibdib niya. Nasa baywang nito ang isang kamay niya at ang isa ay nasa batok ng babae. At huli na rin para mabawi ni Jhonel ang sinabi. Sa kaiisip niya kay Akime ay naisatinig niya pa ang pangalan nito.

Nakatitig si Laceyleigh sa kanya nang magmulat siya ng mga mata. Her eyes were questioning. And he could see the confusion behind her eyes. And pain? He wasn’t sure. But what for?

Dahil ba sa hindi sinasadyang pagtawag niya rito sa pangalan ng ex-girlfriend niya? Sinagot niya ang sariling tanong. Malamang, dahil kung babaliktarin ang sitw