Chapter Three

MATAPOS ang ilang oras na pakikipag-sagutan sa akin ni Kuya Seth ay tumigil na rin siya sa wakas.

Of course, he is against my decision pero pumayag na rin siya kasi iyon ang gusto ng anak ko. Kahit ako, ayaw ko nang ipakilala kay Skyler ang mga anak namin pero hindi ko gustong maging selfish.

Nang maglunch break ay inaya ko sina mommy at daddy pati na rin ang parents ni Kuya Seth para maglunch. 

Gusto kasi ni Kuya Seth na ipaalam ko sa parents namin ang mga plano ko para hindi na sila mabigla.

"Mom, dad, I'm planning of taking two months vacation." kalmadong sabi ko matapos uminom ng wine. 

"That's a good choice, Hazel." ani Daddy.

"Oo nga. Nagpapakapagod ka kasi kakatrabaho sa kompanya natin." ani naman ni Mommy na sinang-ayunan nilang lahat.

"Sunod ka kasi ng sunod sa mga gusto ni Archer," dagdag naman ni Tito Laster na sinang-ayunan naman nila. 

Napailing na lang ako bago uminom ng panibagong wine. "I want my twins to be happy. Ayaw ko naman pong lumaki sila nang walang kinikilalang ama."

Hindi na sila nagsalita pa at nagpatiloy na lang sa pagkain. Hanggang sa basagin ni Mommy ang katahimikan sa table namin.

"Where are you planning of taking a vacation nga pala, sweetheart? Isasama mo ba ang mga bata?" 

Napatingin ulit sa akin silang lahat. Naramdaman ko pa ang pagsipa sa akin ni Kuya Seth sa ilalim ng mesa kaya napanguso ako. Pinandilitan naman niya ako ng mata. 

"Um, ano po kasi... Gusto ko po kasing ipakilala ang mga anak ko kay Sky..." mahinang sagot ko pero rinig pa rin nila. 

Naibuga ni mommy ang iniinom niyang wine at pinunasan naman ni daddy ang kalat ni mommy. Si Tito Laster naman ay napaubo at hinagod naman ni Tita Selene ang likod niya. Si Kuya Seth naman ay napahilot na lang sa sintido habang pinapanood ang reaction ng parents namin. 

"S-seryoso ka dyan, anak? O baka napipilitan ka lang?" hindi makapaniwalang tanong sa akin ni mommy nang umayos na siya.

"Sa totoo lang, napipilitan ako pero para sa mga anak ko, gagawin ko mommy." sagot ko.

"Pero galit ka kay Skyler, di ba? Kakayanin mo ba siyang makita ulit?" nag-alalang tanong ni Tito Laster.

Natawa ako nang mahina nang makita ang reactions nila. Tanging si Tita lang ang sang-ayon sa gusto ko. 

"Skyler deserves to know rin naman po, eh." sagot ko.

"Pero Hazel, inisip mo ba ang mangyayari? Paano kapag kunin sa iyo ni Sky ang mga bata?" nag-aalalang tanong ni daddy.

Napaisip naman ako doon. Oo nga no? I won't let that happen.

"Huwag kang mag-alala Haze dahil hindi kami papayag kung gagawin yan ni Sky. Si Hazel ang umire sa mga anak nila, hindi siya." sabi naman ni Tita Selene na nagpagaan ng loob namin. 

"Pero Hazel..." napatingin kami kay mommy nang magsalita ito. 

"Bakit po, mom?" kinakabahang tanong ko. 

"Anong gagawin mo pagkatapos mong ipakilala ang mga anak mo kay Sky? Magpapakasal kayo o bibigyan mo ang mga anak mo ng isang broken family?" 

Natigilan ako saglit sa tanong niya. Damn. She's right. Ano nga ang gagawin ko matapos maipakilala ang anak ko kay Sky?

Baka itaboy niya ang mga anak ko at ayaw kong malungkot ang mga anak ko. Kung tatanggapin naman niya ang mga anak ko, ano na ang sunod? Ayaw kong bigyan ng isang broken family ang mga anak ko. Ipipilit ko kay Sky na magpakasal kami kahit wala na kaming nararamdaman para sa isa't isa? Pero ang sa pagkakaalam ko, sila na daw ni Arianna.

I can't want to marry him. Hindi ko kayang sumira ng relasyon para sa mga anak ko. 

Maiintindihan naman yata ng mga anak ko kapag nalaman nilang may ibang gusto ang ama nila, di ba?

UMUWI ako sa bahay ng lutang. Kanina ko pa rin iniisip ang mga posibleng mangyari kapag ipinakilala ko kay Sky ang mga anak namin.

Si Arianna ang problema. Kailan ba sila maghihiwalay? Kahit kailan panira ng plano ang isang ito. Panira din ng relasyon.

"Mommy, ayos ka lang?" Artemis asked nang mapansing kanina pa ako tulala.

"I'm fine, baby. Marami lang akong iniisip." sagot ko sa kanya. Napansin kong kanina pa pala siya nag-aalala sa akin kaya nginitian ko siya.

"Mommy, you know what? I am super excited to meet daddy. Ano kaya ang itsura niya? I know gwapo siya kasi besides sa ang ganda at gwapo nila Lola Selene at Lolo Laster, ang gaganda at gagwapo pa namin ni Archer!" mahabang litanya ni Artemis at yumakap pa sa akin.

Napatingin naman ako kay Archer na nakatingin din pala sa amin. 

"When will we leave?" he asked as he looked away and go back reading his book. 

"Don't worry, nagtake na rin ako ng leave sa company. Your Lola Athena will give me my full payment tomorrow. Aasikasuhin ko na lang ang mga passports niyo, okay?" sagot ko at napahiyaw naman si Artemis sa tuwa. 

I saw a small smile formed in Archer's lips pero sandali lang 'yon. Napangiti na lang ako habang pinagmamasdan siyang umiiling habang may binubulong sa sarili.

Like Skyler, Archer is non-vocal to his feelings.

Dumaan pa ang ilang araw at kasama ko ngayon si Kuya Seth sa isang coffee shop. Ang dami dami niyang payo sa akin magagamit ko daw sa pagbabalik sa Pilipinas.

"Expect Arianna on Skyler's side everytime, Hazel. Parang linta yon na ayaw umalis sa tabi ng kapatid ko." aniya habang nakatingin sa akin.

Tumango lang ako at sumimsim sa kape ko. Alam ko naman yon. I know Arianna. Kahit nung kami pa ni Sky, laging nakatabi yon sa ex ko. 

"Kapag ipapakilala mo na ang mga anak mo, i-ready mo ang sarili mo. Marami kasing posibilidad ang mangyayari pero eto ang inaasahan ko," huminto muna siya sandali. 

"Kapag inayawan niya ang mga bata, magtatantrums yung kambal. Nandoon si Arianna sa tabi ni Sky, baka kung ano ang iputak no'n sa kambal mo, baka masapak pa ni Artemis." umiling muna siya bago nagpatuloy. "Pangalawa, kung magugustuhan ni Sky ang mga bata, kukunin niya ang mga iyon at baka si Arianna pa ang gawing step mom ng kambal mo. Alam ko ugali ng babaeng yon, baka pagmalupitan niya ang mga anak mo."

Hindi ko na siya pinatapos sa pagsasalita.

"Shut up, Kuya Seth. Hindi ako papayag na mangyari yon, okay?" nginusuhan ko siya. "Sa akin ang mga bata. Ako ang umire. Hindi siya."

Hindi niya ako pinansin at nagpatuloy siya sa pagbibilang. "Pangatlo, kung magugustuhan niya ang mga bata, posibleng ipagpipilitan niyang ikasal kayo kasi ayaw niyang magkaroon ng broken family ang mga anak niyo. Kumbaga papakasalan ka niya para sa mga bata, hindi para sa iyo. Pero siyempre, kabit niya yung Arianna bruhilda na yon."

Mas napanguso ako sa pangatlong sinabi niya. Papakasalan ako para sa mga bata? No way. Hindi ako papayag na mapakasal sa kanya. Maiintindihan naman yata nina Archer at Artemis na may ibang babae ang daddy nila. Ayos na siguro sila sa set up na kilala nila ang daddy nila, nakikipagkita sila sa daddy nila, pero ang ending sa akin pa rin sila uuwi.

"Basta ang sinasabi ko lang sa iyo Hazel, ihanda mo lang ang sarili mo sa posibleng mangyayari." seryosong saad ni Kuya Seth na nagpatango sa akin.