Kabanata 6

“Ano ba ang kailangan pang pag-isipan?” tanong ni Charlie, namumula na siya sa inis.

“Hindi ko alam. Gusto ko lang na pag-isipan natin ito ng mabuti, Charlie Blondie,” sagot ni Taylor. Tinignan niya ang oras at sinabi, “Kung hindi pa ako aalis, mahuhuli na ako para sa klase.”

Bumangon si Taylor, isinukbit ang bag niya sa kanyang balikat at sinabi, “Ituloy natin ito mamaya.”

Makalipas ang ilang oras, pumasok si Taylor sa klase niya para sa Structural Analysis at nakita si Charlie.

Ito ang lalaking Charlie, hindi ang blonde na babaeng aksidenteng narentahan ang kalahati ng condo ni Tanya. Hindi tulad ni Charlie king, siguradong lalaki ito at Black American.

Nilapitan niya si Charlie at nagtanong, “Huy Charlie, pasensiya na, ano ulit ang apelyido mo?”

“Oh, Slade, pre,” sagot ni Charlie ng nakangiti. Iniabot niya ang kanyang kamay kay Taylor at sinabi, “Ikinagagalak kong makilala ka ulit.”

Natawa sila ni Taylor habang nagkakamay.

“Pasensiya na, Slade. Hindi ako magaling sa mga pangalan,” amin ni Taylor. “ Naaalala ko na naghahanap ka ng lugar na matutuluyan? Napagdesisyunan ko na iparenta ang kalahati sa condo na tinutuluyan ko. Interesado ka pa din ba?”

“Siyempre naman! Gusto kitang maging housemate!” sabik na sumagot si Charlie Slade.

“Pambihira,” naisip ni Taylor. “Kahit ang lalaki sabik akong maging housemate, pero si Charlie Blondie? Anong problema niya?”

Bilang roommate si Slade, nasagot na ang problema niya. Sambit ni Taylor, “Ayos! Puwede ka na lumipat sa susunod na linggo.”

Nagbigay ng palugit si Taylor para makalipat si Charlie Blondie. Sinabi niya kay Slade ang terms ng rent, “$3000 dollars ang kailangan ko monthly, may dalawang buwang deposit at isang buwang advance—”

“Woah!” nagreact si Slade. Nag-iba ang itsura niya at sinabi, “Hindi ko iyon kaya. Sobra iyon!”

“Well, iyon ang presyo ko. Maganda ang lokasyon ng condo, at kumpleto sa gamit,” punto ni Taylor. “Hindi ka na makakahanap ng mas maganda pang lugar kaysa sa akin.”

Umiling-iling si Charlie Slade. Sumagot siya, “Pasensiya na, Taylor. Hindi ko kaya, pre. Lalaki ako. Puwede akong… tumira kahit saan. Hindi ko kaya gumastos ng ganoon kalaki para sa kama.”

Tinapik niya ang balikat ni Taylor at sinabi, “Salamat pa din.”

***

Sa kabilang panig ng unibersidad, si Charlie ay wala sa sarili buong araw habang nasa klase. Hindi pa din siya makapaniwala na naging roommate niya ang bad boy na si Taylor, sa dinami-dami ng mga tao!

Sa pagitan ng mga klase, naghanap si Charlie sa mga apartment listings ulit. Pero, walang mas malapit, at tumaas na ang standards niya dahil sa condo ni Tanya. Sa huli, ikinunsidera niyang tiisin tumira kasama si Ashley at Sofia.

“Oo, puwede ako tumira kasama nila hanggang sa makahanap ako ng mas magandang lugar, o kaya magtiis na lang hanggang matapos ang semestre,” bulong ni Charlie.

Habang buo ang isip, dumiretso si Charlie sa apartment na tinitirahan nila nina Ashley at Sofia. Bukas ang pinto ng dumating siya, at may mga kahon sa labas. Noong pumasok siya, nakita niya si Ashley at Sofia, naglalakad kasama si Regina. Nasa likod nila si Luke sa hagdan.

Napanganga si Charlie. Hindi niya inaasahan na makikita na naman niya ulit si Luke at bagong girlfriend nito!

“Charlie? Anong ginagawa mo dito?” tanong ni Ashley.

Nilinaw ni Sofia ang lalamunan niya at sinabi, “Sabi mo okay lang na kunin ni Regina ang puwesto mo dito, kaya lumipat na siya dito sa amin.”

“Oh!” reaksyon ni Charlie. Oo, sinabi niya iyon, pero nasaktan pa din siya ng marinig ito.

“Nagbago ba ang isip mo?” tanong ni Ashley.

“Nagbago ang isip ko? Hinding-hindi!” sigaw ni Charlie sa isip niya. Napalunok siya at sumagot, “Hindi, hindi na ako babalik. May naiwan ako sa kuwarto ko.”

Nilampasan niya ang mga babae at dumiretso sa dati niyang kuwarto. Sumunod si Ashley sa kanya, kaya nagkunwari si Charlie na naghahanap. Sa huli, nakahanap siya ng bag ng scrunchies na naiwan niya.

Kinuha ito agad ni Charlie, namula siya ng sabihin niya, “Ang pinakamamahal kong mga scrunchies! Paano ko kayo nagawang iwan!”

Humarap siya at pekeng ngumiti kay Ashley. Umalis siya agad at sinundan siya ni Luke.

“Charlie. Charlie, sandali!” tawag ni Luke.

“Ano?” galit na sagot ni Charlie.

“Nag-aalala lang ako para sa iyo. Saan ka nakatira ngayon?” tanong ni Luke.

“Sa mas magandang lugar,” sambit ni Charlie. “Excuse me.”

Tumalikod si Charlie at naglakad palayo.

Makalipas ang ilang minuto, nakatayo siya kaharap si Taylor West, sa condo unit. Nagsalita si Charlie, “Ano—”