Kabanata 5

**FLASHBACK: DALAWANG ARAW ANG NAKARARAAN**

“Kailangan mo subukan na hindi madamay sa gulo! Pagod na akong tinatawagan lagi ng school…” nagrereklamo ang ama ni Taylor tungkol sa kamakailan lang na away kung saan siya napabilang.

Bihira sa bahay si Taylor, pero ang sermon na ito ang welcome-home speech na natanggap niya. Pero si Taylor, hindi ito binigyan pansin masyado.

Tumunog bigla ang phone niya. Hindi niya pinatapos magsalita ang ama niya at sinabi, “Ama, sandali lang. Tumatawag si Tanya.”

“Tanya?” sinagot ni Taylor ang tawag habang nagsasalita pa din ang ama niya. Hindi siya makafocus sa tawag at minadali ito.

“Taylor—Charlie King—co-rent sa condo,” sambit ni Tanya mula sa kabilang linya.

“Charlie?” Hindi niya alam kung bakit pero may Charlie na sumagi sa isip niya. Si Charlie ay third-year engineering student, at pareho silang nasa Structural Analysis class. Nagkataon, na ang Charlie na ito ay tinanong siya tungkol sa mga bakante sa Fernwood Residence. Kaya, agad na inassume ni Taylor na siya ito.

“Oo, kilala ko si Charlie,” sagot ni Taylor. Hindi nakatulong na wala sa bansa si Tanya, at choppy ang linya.

“Sigurado—ka? Babae siya—” tanong ni Tanya.

“Oo na, oo. Huwag mo na itong isipin. Magkakilala kami ni Charlie. Salamat, Tanya. Kailangan ko na ibaba ang tawag. Kausap ako ni Ama,” sambit ni Taylor bago ibaba ang tawag.

**END OF FLASHBACK**

Balik sa kasalukuyan.

Blangkong nakatitig si Taylor sa napirmahang kontrata. Ikinumpara niya ito sa school ID ni Charlie at nakumpirma ang kanyang pagkakakilanlan. Nagreklamo siya at sinabi, “Anong klaseng mga magulang ang nagpangalan sa kanilang anak na babae na Charlie! Pangalan ito ng lalaki!”

“Hoy!” galit na sinabi ni Charlie. “Hindi mo ba kilala si Taylor Swift? Ikaw pa talaga nagsabi niyan!”

Isang palaban na blonde na babae ang nagkrus ng kanyang mga bisig at sinabi, “Sa tingin ko kakaiba ang pangalang Charlie para sa babae! Ang pangalan mo naman, pang babae!”

Nagbihis na ang dalawa at sinuri ang kontrata. Sinabi ni Charlie, “Bakit nasa kontrata ang pangalan ni Tanya kung ikaw na ang nakatira dito?”

“Para hindi mas kumplikado!” sagot ni Taylor. “Bukod pa doon, malinaw naman na ikaw ang rumerenta sa kalahati ng condo. Ipinaliwanag na sa iyo dapat ng property manager ang lahat!”

“Property manager? Ang tinutukoy mo ba ay ang bagong property manager?” tanong ni Charlie.

Sumimangot si Taylor. Nilinaw niya, “Bago ang property manager?”

Pareho silang pumunta sa management office ng gusali, na nasa unang palapag. Kinalaunan, nadiskubre ni Taylor na bago ang property manager, at hindi pa nagagawa ang mga endorsement. Doon nagsimula ang mga pagkakamali.

Sa Fernwood Residence, ang property management office ang nag mamaintain sa residential building at ginagampanan ang papel bilang agent para sa mga rentals at mga units na ibinibenta.

Noong nakabalik sila sa apartment, sinabi ni Charlie, “Sa tingin ko hindi ito okay. Hindi ako puwede makihati sa bahay sa lalaki! Lalo na sa iyo!”

“Anong ibig mo sabihin… na lalo na sa akin?” kontra ni Taylor.

“Sinong nasa tamang pag-iisip ang gusto na maging housemate ka? Ikaw, si Taylor West—ang kilala bilang bad boy ng Luxford University!” Sambit ni Charlie habang nakataas ang mga kamay. “Bukod pa doon, lalaki ka, at babae ako! Kapag nalaman ng mga magulang ko, kulong ako sa bahay buong taon!”

Nabigla si Taylor. Kung ibang babae ito sa College of Engineering, siguradong tuwang-tuwa na sila na maging roommate siya, pero si Charlie King ay nandiriri sa ideyang ito!

Suminghal si Taylor. Sinabi niya, “Bad boy?”

Lumapit siya ng kaunti, nakapatong ang braso niya sa tuhod niya. “Kung housemate mo ay isang bad boy, masisiguro ang kaligtasan mo at privacy. Sinong gugustuhing guluhin ang isang… bad boy?”

“Hindi ito nakakatuwa, Taylor,” sambit ni Charlie. “Dapat natin kanselahin ang agreement, at maghahanap ako ng ibang matutuluyan.”

“Alam mo, pamilyar ka. Sigurado ka ba na hindi pa tayo nagkakakilala noon?” tanong ulit ni Taylor. Hindi niya maisip, pero alam niyang ilang beses na niyang nakita si Charlie kung saan.

“Nakita na kita sa campus kapag may basketball games, pero maliban doon, hindi pa tayo nagkakakilala,” sambit ni Charlie. “Ito ang unang pagkakataon na nagkakilala tayo sa kakaibang paraan.”

“Malinaw naman na pagkakamali ito. Kailangan natin kanselahin ang kontrata, at kailangan mo ibalik sa akin ang pera,” pilit ni Charlie.

Ikinunsidera ni Taylor ang sitwasyon dahil sa mga sinabi niya. Tama naman ito, pero kailangan niya ng pera. Ipinikit niya ang kanyang mga mata at sumandal. Makalipas ang ilang sandali, sinabi niya, “Baka puwede natin itong pag-isipan ng mabuti.”