Kabanata 9

Tulad ng pangako ni Taylor, maaga siyang gumising at paalis na para sa basketball practice noong ala siyete ng umaga. Suot na niya ang basketball jersey, pero dahil sa hindi magandang panahon, nagsuot siya ng jacket. Napakatangkad talaga niya. Sa height niyang six feet, mas matangkad siya kay Charlie.

Nahuli ni Taylor si Charlie na nagpadeliver ulit ng pagkain. Sumimangot siya at sinabi, “Hindi yan malusog, alam mo ba. Dapat magluto ka ng sarili mo. Maraming mga video sa You*Tube.”

Inilabas ni Charlie ang pagkain niya at sinabi, “Oh, marunong ako magluto. Hindi pa ako namimili.”

Kasinungalingan iyon. Hindi marunong magluto si Charlie, pero alam niya na oras na para matuto. Kailangan niya itong aminin. Inispoil siya ni Sofia at Ashley sa madalas na pagluluto nila. Ang kontribusyon niya sa dati niyang apartment ay ang paglilinis at paghuhugas ng mga pinagkainan.

“Anyway, kailangan ko ng umalis,” sagot ni Taylor, paos pa ang boses niya. “Babalik ako ng tanghali.”

“Wala ako dito,” sagot ni Charlie.

“Mabuti!” sagot ni Taylor bago umalis.

Well, hindi naman siya namatay. Naisip ni Charlie na baka mabuhay siya hanggang sa susunod na semestre bilang roommate ni Taylor.

Pagkatapos ng almusal, naligo siya at nagbihis. Pagkatapos, kinausap niya ang mga professor niya para malaman kung may mga klase siyang puwedeng palitan ang oras. Tagumpay si Charlie sa pagpapalita sa tatlong klase niya.

Ang isa sa klase kung saan tagumpay si Charlie sa pagpapalit ng oras ay sa marketing. Kaysa dumalo sa klase ng umaga, inilipat niya ito sa 4 p.m. Natutuwa siya sa pagbabago dahil ibig sabihin, hindi na niya kailangan makita si Luke. Pero, noong pumasok siya sa klase, nagulat siya dahil nakita niya doon ay si Regina naman.

Napatitig ang buong klase kay Charlie. Siyempre kilala siya ng lahat, pero kilala din nila si Regina. Kumalat na ang chismis na may bagong girlfriend si Luke.

“Ano? Nasa klase natin si Charlie? Pero nandito din si Regina.”

“Nakakailang ito.”

“Makikita ni Charlie si Luke na sinusundo si Regina.”

“Ang galing naman,” reklamo ni Charlie. Hindi niya pinansin ang mga tumititig sa kanya at nagfocus sa klase.

May mga oras na nagpapaalam ang professor at iniiwan ang klase. Masipag na nagbabasa si Charlie ng bumulong ang katabi niyang babae, “Regina Wyatt. Iyon ang pangalan niya. Bagong lipat siya mula sa Braeton City. Thirdy year na siya sa marketing. Baka lang hindi mo alam.”

Tinitigan ni Charlie ang babae sa tabi niya. Maikli at itim ang buhok, napakaputlang balat. Nakasuot siya ng itim na salamin at knitted blouse at jeans.

“Ako si Dawn,” pakilala ng babae. “Business management major ako, tulad mo. Nagkaroon na tayo noon ng baka mga tatlong klase.”

“Oh, oo. Dawn Rivers? Pasensiya na. Matagal na din kas,” sambit ni Charlie, naguilty siya.

“Okay lang,” ngumiti si Dawn. “Dati kang sinusundo ni Luke pagkatapos ng klase. May oras ka lang para maging kaibigan ang mga kaibigan niya.”

Napatigil si Charlie.

Tama si Dawn!

Ang mundo niya ay umiikot sa pag-aaral at kay Luke; wala siyang malapit na kaibigan maliban sa grupo nila. Kahit na nakikilala niya ang ibang mga estudyante, hindi siya nagkaroon ng malalim na ugnayan sa iba.

Habang nakangiti kay Dawn, sinabi ni Charlie, “Pinagsisisihan ko ito.”

Natawa si Dawn. Sinabi niyam “Okay lang. Naiintindihan ko. Ang akala ko okay si Luke… hanggang sa marinig ko ang tungkol sa pangangaliwa niya.” Iniabot niya ang kamay niya kay Charlie at idinagdag, “Hanga ako sa iyo. Matalino ka at maganda. Sa tingin ko nagkamali siya.”

Napangiti si Charlie sa sinabi ni Dawn. Sumagot siya, “Hindi ko siya gustong pag-usapan. May sarili siyang buhay at mayroon din ako.”

“Okay.” Ngumiti si Dawn. “Dahilan pa lalo kaya kita nirerespeto.”

Noong natapos ang klase, pumunta sa banyo sina Charlie at Dawn ng magkasama. Habang nag-fefreshen up, nagtanong si Dawn, “Uy, Charlie. Sinabi ni Regina sa ibang mga babae tungkol sa paglipat niya kasama sina Ashley at Sofia noong umalis ka.”

“Um. Oo,” kumpirma ni Charlie.

“Bakit ka umalis?” tanong ni Dawn.

“Dahil hindi na niya kaya.” May nagsalita. Sabay na humarap si Charlie at Dawn kung saan nakita nila si Regina na naglalakad papasok sa banyo. “Hindi ba tama ako, Charlie?”

“Oo, traydor ang mga kaibigan ko, kaya umalis ako,” sagot ni Charlie ng walang alinlangan.

Malamig, pero nakasuot si Regina ng A-line skirt at fashionable blouse. Ang nagbibigay lang sa kanya ng init ay ang itim niyang coat. Nagsimula siyang maglagay ulit ng makeup. Kasama din niya ang dalawa sa mga kaibigan niya.