CHAPTER 28

Hindi pa kami nakakalabas ni Mr. Tuazon sa main door pero rinig ko na ang music. Napansin ko ang napakagandang setup sa tabi ng dagat. May mga nasabit pang lights tapos halos naka-beach dress lahat sila. Parang hindi nagulo kanina ah? Parang hindi nasabugan ng mga baril kanina ‘yung place. Ang bilis naman nilang i-fix ang theme ng party? Kung sabagay napakarami ng mga tauhan ni Mr. Tuazon. As in sobrang dami nila kaya nga medyo natatakot ako. Siguro kaya sinabihan din ako ni Mr. Tuazon na ‘wag magpa-sexy dahil nga maraming boys.

Bigla akong nahiya nang makita ko ang ibang mga schoolmates ko. Mostly sa kanila alam nilang nililigawan ako ni Hans. Ano na lang kaya ang iisipin nila sa akin na ako pala ‘yung asawa ng owner ng school? Iisipin kaya nilang nilandi ko si Mr. Tuazon? Alam kasi ng iba na hinahangaan ko noon ang kagwapuhan ni Mr. Tuazon e.

“Nandito na pala ang newlyweds!” rinig kong sigaw ng isang pamilyar na boses walang iba kundi ang mommy ko. “My baby girl, congratulations!” Pa