Chapter 16

Samantala sa condo ni Azrael ay nagngingitngit ang kalooban ni Angel. Hindi niya matanggap na iniwan siya ni Azrael na mag-isa sa condo na iyon at sumama sa kakambal niya.

"Ugh!" sigaw ni Angel mula sa loob ng condo. "Hindi ako makakapayag na ikaw ang manalo, Ain. Kukunin ko ang dapat sa akin."

Umupo si Angel sa sofa at nag-iisip kung ano ba ang dapat gawin. Dahil alam niya na ngayon ay nagsasama si Ain at Azrael sa iisang bobong.

Bumukas ang pinto ng condo ni Azrael at may pumasok na mga kalalakihan.

"Sino kayo?" tanong ni Angel sa kanila.

"Assistant po ako ni Sir Azrael. Pinakukuha niya sa akin ang mga gamit niya. Kasama ng gamit ni Miss Ain," sambit ng assistant ni Azrael.

"Nasaan sila ngayon?" tanong ni Angel.

"I am sorry, miss. Pero hindi ko po sasabihin sa inyo kung nasaan sila ngayon. Iyon din kasi ang bilin ni Sir Azrael. Dito na lang daw po kayo. Since wala namang gumagamit sa unit na ito."

Natahimik si Angel sa sinabi ng assistant ni Azrael. Nang makaalis na ang assistant ni