Chapter 102

"I-I will..." Naluluhang napatango si Cayer at mabilis na tumakbo palayo habang buhat-buhat si Darius na binaril ni Judas. Mas lumakas ang pagbuhos ng ulan habang ako ay nakatanaw lamang sa bulto ng aking secretary na mabilis na naglaho.

"Now..." Dumagundong ang malakas na tunog ng pagkidlat na inunahan ng pagliwanag ng kalangitan. Hindi sinasadyang napatingin ako sa isang kutsilyo nang kumislap ito dahil sa liwanag na tumama sa patalim nito. Nilapitan ko ito at pinasadahan ang talin nito gamit ang aking hintuturo. Umagos ang dugo sa aking daliri na hindi ko alintana.

Malademonyo akong ngumiti at nilingon ang direksyong tinakbuhan ng dalawang secretary at ni Judas. Naglakad ako sa direksyon nito at habang patagal nang patagal ay mas bumibilis ang aking paghakbang na naging isang pagtakbo. Hindi ko alintana ang malakas na ulang mas nagpapalabo sa vision ng aking daanan. Dire-diretso lamang akong tumakbo at inaasahang maaabutan sila Judas.

At hindi nga ako nagkamali. Noong muling kumidl