Chapter 123

SHIANNA

"Cayer..." hindi makapaniwalang usal ko at kinakabahang napalunok. Nag-iwas ako ng tingin at naguguluhang napailing.

"N-Nagbibiro ka lang, hindi ba?" Mapait akong ngumiti. "I-Imposibleng magkaroon ka ng nararamdaman sa isang taong tulad ko. Cayer..." Lumamlam ang mga mata ko. "You're my secretary... hindi mo ako d-dapat mahalin."

"P-Pero paano?" Napabalik ang paningin ko sa aking secretary nang muli siyang nagsalita. At tila ay kinurot ang puso ko nang magsalubong ang aming paningin at makita ko ang kan'yang naluluhang mga mata.

"Shianna... matagal na kitang mahal. At h-hanggang ngayon, mas nahuhulog ako na tila ay nasa isa akong karagatan. H-Hindi ko kayang u-umahon. Parang nakakadena na ang mga paa ko dahil kahit pilitin kong pigilin ang sarili kong hindi kita mahalin... nabibigo lang ako."

"Cayer..." Nahihirapan akong bumuntong-hininga. Awang ang aking mga labi habang natutulala sa mga nangyari. Bumibilis ang tibok ng puso ko dahil hindi ko inaasahan ang mga nangyayaring it