Chapter 18

Inaayos ni Ali ang kumot sa kanilang katawan ni Eros nang marinig niyang tumunog ang lumang cellphone niya sa bedside table. Napasulyap siya roon at kumunot ang kanyang noo. Kung sino man ang tumatawag sa kanya sa ganitong oras ay iisang tao lang ang alam niya. At walang iba kundi ang kaibigan niyang si Bree.

At sa tuwing tatawag ito ay wala naman itong matinong sasabihin. Magkukuwento lamang ng kung anu-anong walang katoyorang bagay. Katulad ng mga lalaking naka-s*x nito. Na minsan ay nakakatulugan pa niya dahil nauumay siya sa paulit-ulit na kuwento nito.

Wala sana siyang balak na sagutin ang tawag nito dahil kasama niya si Eros pero ang binata ang umabot sa cellphone at sinagot iyon bago pa man niya ito mapigilan.

Kinuha niya ito at itinapat sa kanyang taynga. Kumunot ang noo niya sa una dahil mga kaluskos ang naririnig niya.

“Bree?” takang tawag niya sa dalaga.

Narinig niya ang mahinang hikbi at ang umiiyak na tinig nito.

'A-Ali— tulungan mo a-ako!” umiiyak na wika nito.

Naka-loud