CHAPTER 12

NAGISING SI NATALIA na nakayakap siya kay Matt. Pareho silang hubo’t hubad. Napaawang ang mga labi niya nang maalala ang nangyari kagabi. My God, lasing na lasing ako kagabi pero natatandaan ko ang lahat, natatandaan ko ang bawat kiliting dumaloy sa kasulol-sulukang ugat ko habang nagtatalik kami ni Matt.

Muling nag-init ang kanyang katawan habang naalala ang naganap sa kanilang dalawa. Hindi lang isa, hindi lang dalawa. Pareho silang mapusok at mainit. Animo’y mga hayup na gutom na gutom kaya nang makakita ng masarap na pagkain ay hindi na tinantanan pa. Dahan-dahan niyang iniangat ang kanyang braso saka nagmamadaling tumayo. Ayaw niyang maabutan pa siya dito sa kuwarto ni Matt.

Diyos mio, paano ko siya haharapin pagkatapos ng nangyari sa amin kagabi? Mabilis niyang dinampot ang kanyang mga damot at natatarantang isinuot iyon. Pagbukas niya ng pinto ng kuwarto ni Matt ay inabutan niyang nakatayo duon ang body guard nitong si Rigor.

Pinamul