CHAPTER 13

“MA’M pinagbibihis po kayo ni Sir.”

Hindi alam ni Natalia kung bakit bigla na lamang siyang na-excite, “Dumating na si Matt?” Hindi maitago ang excitement sa boses niya.

Kagabi ay hindi rin niya ito nakasabay mag-dinner kaya expected na niyang magtatagal ito sa Cebu. At di man niya aminin, hinahanap-hanap niya ang presence nito. Iyong anticipation na makita ito marahil ang coping mechanism niya para hindi niya damdamin ng labis ang paghihiwalay nila ni Timothy.

“Opo, kaninang madaling araw,” sabi ni Vicky, napangisi ito, “Namiss mo sya, ano?” Tudyo nito sa kanya.

“B-bakit ko naman siya mamimiss?” Todo deny na sabi niya.

Napakibit balikat ito, “Sinabi nyo eh.” Sabi nitong tinalikuran na siya.

“Saan daw kami pupunta?”

“Ay, basta ang sabi ni Sir, magbihis ka.” Sagot nito sa kanya saka lumabas na ng kuwarto.

Isang simpleng bistida ang nakita niya sa closet, kulay pink iyon na may floral desig