Chapter 17

Tashi’s POV

“Tashi, akala ko ba sa bahay ka na ni Sir Spring nakatira?” tanong sa akin ni Bunny. Napakunot ang noo ko roon. Hindi ko alam kung saan nakakalap ni Bunny ang mga impormasiyon tungkol sa akin pero madalas na ginagamit niya lang din ‘yon na pang-insulto. Hindi na siya nagsasawa riyan.

“Ano na naman ba ‘yan, Bunny? Masiyado ka namang insecure kay Tashi,” natatawang saad ni Gina kaya agad siyang sinamaan ng tingin ni Bunny.

“Shut up, Gina, hindi naman ikaw ang kausap ko,” galit nitong saad na napairap pa kay Gina. Imbes na mainis si Gina ay tinawanan niya lang ito.

“Ano na naman ba ‘yang chismis mo? Hindi ka na nagsasawa riyan, ah?” tanong ni Gina na pinagtaasan pa ito ng kilay.

“Look at Kristine’s post! She said that she’s going to start living in Sir Spring’s house! Ano ‘yan? Tatlo kayong magbabahay-bahayan?” tanong ni Bunny na nakangisi pa sa akin ngayon. Nahinto naman ako roon. May post nga talaga si Kristine. Hindi naman siguro ito mag-popost ng walang matibay na sup