Kabanata 23.1

Pare-pareho pa rin kaming mga tahimik dito sa loob ng conference room. Kaya nang bumuntong hininga si Chairman ay rinig na rinig namin.

“Hindi ko na alam kung anong nangyayari.” Tanging naiusal niya, tila nahihirapan pa rin siyang iproseso sa utak niya ang lahat ng nangyari ngayon.

“Hindi rin ako makapaniwala sa lahat. Malapit kayo ni Mr. Jonathan, Mr. Blaze. Are you sure about him?” tanong pa ng isang matanda.

“Hindi dahil sa malapit sa akin ang isang tao ay paniniwalaan ko lahat ng mali niyang nagawa. No, dahil kahit gaano kalapit sa akin ang isang tao kaya ko pa rin siyang parusahan lalo na pagdating sa kompanya ang usapan.” Alam kong nagtatapang-tapangan ka lang ngayon para ipakita mo sa kanila na wala kang kahinaan at hindi nila magagamit iyun laban sayo. Paglabas mo mamaya at mag-isa ka na lang uli dun na uli manghihina ang tuhod mo.

Ang kilala nilang matapang at walang kinatatakutan na Blaze ay nagtatago lang sa isang sulok. Itinatago ang lahat ng tunay niyang nararamdaman at m