Chapter 7: Daddy

Pakiramdam ko ay nadagdagan ang stress na nararamdaman ko dahil sa mga lalaking ito. Una ay si Anthony na pilit na nangungulit sa akin pagkatapos ay pumapangalawa naman si blue eyes man. 

"Your new suitor?" tanong sa akin ni Eunice.

Kanina pa siya nagtatanong sa akin about sa lalaking kinausap ko sa kabilang table at wala naman akong magandang maisagot na ikasa-satisfy niya dahil pangalawang beses pa lang naman kaming nagka-interact ng lalaking 'yon.

"No, of course not! Pangalawang beses pa lang namin 'tong nagka-interact," sagot ko naman.

"Wow! Iba talaga ang gandang meron ka," sabi ni Eunice pagkatapos ay ngumisi sa akin.

Napailing naman ako at napairap dahil hindi talaga ako interesado roon.

Napatingin ako muli sa kabilang table at nakita kong nakatingin pa rin si blue eyes. Napairap ako dahil kumindat ito sa akin. My gosh! Why is he acting like that?

"Bagay kayong dalawa! Bakit hindi mo bigyan ng chance? Mukhang mabait naman e," suhestiyon na sabi ni Eunice sa akin.

"Oh come on, Eunice! 'Wag ka na makisali sa mga nags-ship sa akin sa lalaking 'yon. Wala akong panahon," sagot ko pagkatapos ay muling napairap.

Napatingin na lang ako kay Agatha na tahimik na kumakain habang nanonood sa iPad niya. Talagang sinadya ko na panoorin siya sa iPad niya para naman hindi niya marinig ang mga usapan namin ni Eunice. 

Nang matapos kaming kumain ay sinundo si Eunice ng fiancee niya. Gusto pa nga nila na ihatid kami ni Agatha sa apartment pero tumanggi ako dahil may mga dala rin akong bagahe. Magta-taxi na lang ako lalo na at marami namang dumadaan doon.

"Pupunta na lang kami ulit dito bukas, Tita Cindy. Tutulong ako rito," sabi ko kay Tita Cindy.

Bago kasi kami umuwi ni Agatha ay nagpaalam muna ako kay Tita Cindy.

"Oh no, Kali. It's okay kahit hindi ka tumulong dito. Magpahinga ka muna dahil alam kong pagod ka sa mga flight mo," sabi nito sa akin.

Napailing naman ako dahil hindi rin ako mapipirmi sa bahay. Gusto ko kasi na lagi ay may ginagawa ako. Wala rin naman masyadong trabaho roon dahil pinapa-laundry ko lagi ang mga damit namin ni Agatha.

"Pagtatrabaho ang pahinga ko, Tita. Hayaan mo na lang ako," sabi ko sa kaniya pagkatapos ay napangiti ako.

Hindi naman na nakipagtalo pa sa akin si Tita Cindy dahil hindi rin siya mananalo sa akin. Lagi ko kasing pinipilit ang gusto kong tumulong sa restaurant lalo na at nage-enjoy naman ako sa ginagawa ko.

Hawak ng isa kong kamay si Agatha habang ang isa ay hila-hila ko ang maletang dala ko. Nasa labas na kami ng restaurant at doon kami naghintay ng taxi. Maliwanag naman doon at may ilang mga tao rin sa labas.

"Mommy, I'm tired. Carry me," reklamo sa akin ni Agatha.

Napailing naman ako dahil aaminin kong habang lumalaki siya ay nadadagdagan na rin ang timbang niya. Kaya ko naman siyang buhatin pero nahihirapan na ako.

"Just wait for a minute baby. Maraming hawak si Mommy," sagot ko sa kaniya.

Napasimangot naman ito sa akin kaya hindi ko naiwasang ma-guilty. Napahugot na lang ako nang malalim na hininga at yumuko sa kaniya.

"Fine. Come here," sabi ko at umambang bubuhatin ko siya.

Humawak naman siya kaagad sa balikat ko at binuhat ko siya. Halatang ubos na rin ang energy niya dahil maghapon siyang hyper at busog na rin siya kaya ang gusto na niya ang magpahinga.

Napaangat naman ang tingin ko sa harapan nang may humintong sasakyan doon. Pamilyar ang sasakyan na 'yon kaya naman halos kumalabog ang puso ko. Mabuti na lang ay nakatalikod si Agatha at hindi niya 'yon makikita.

Bumukas ang pintuan ng sasakyan at nakita kong si Anthony nga 'yon. Halos mapamura ako sa isip. What the hell is he doing here? Paano niya nalaman na nandito ako? Don't tell me sinundan niya ako?!

"Kali!" tawag niya sa akin hindi kalayuan.

"My gosh," bulong ko at halos mataranta roon.

Aalis na sana ako roon pero may isa pang sasakyan ang huminto at bumusina. Kunot noo akong napatingin doon at nakita kong si blue eyes 'yon. Bumaba siya at naglakad palapit sa akin. Sabay pa nga silang dalawa ni Anthony na nakalapit sa akin.

"Do you mind if I give you a ride?" tanong sa akin ni blue eyes.

"Waiting for a taxi again?" tanong naman ni Anthony sa akin.

Halos nagsabay pa nga sila sa pagsasalita at nagkatinginan silang dalawa. Hindi naman maalis ang tingin ko kay Anthony lalo na nang makita niyang may buhat akong bata. Sa sobrang taranta ko ay agad akong napatingin kay blue eyes at napatango sa kaniya.

"L-Let's go," sabi ko sa kaniya.

Para bang isang himala sa kaniya ang pagpayag ko na sumama sa kaniya. Nasilayan ko naman ang kaonting ngiti sa mga labi niya bago tumango at kinuha ang maletang dala ko. Naglakad siya papunta sa sasakyan niya at inilagay iyon sa trunk.

"Kali. Who's he?" tanong naman sa akin ni Anthony.

Inis ko naman siyang tinignan at muntikan ko pa siyang irapan pero pinigilan ko ang sarili ko.

"Boyfriend mo? Are you married now?" sunod-sunod niyang tanong.

"Shall we?" narinig kong tanong ni blue eyes.

Sandali naman akong napatingin sa kaniya at napatango bago muling bumaling kay Anthony para sagutin ang tanong niya.

"None of your business." 

Pagkatapos kong sabihin 'yon ay dali-dali akong naglakad papunta kay blue eyes. Pinagbuksan niya ako ng pintuan sa front seat at kaagad naman akong pumasok doon habang buhat ko si Agatha.

It's a good thing na nakatulog na si Agatha para hindi niya masilayan ang mga nagaganap ngayon. Ramdam ko pa rin ang mabilis na tibok ng puso ko. Hindi ako makapaniwala na nasundan ako roon ni Anthony! Tinanaw ko siya sa labas ng sasakyan at nanatili naman siyang nakatayo roon habang nakatingin sa sasakyan namin na paalis doon.

"C-Can you make sure na hindi niya tayo masusundan?" paki-usap ko kay blue eyes at hindi ko napigilan ang pagkautal ko roon.

Hindi rin ako makapaniwala na sumama ako sa kaniya. Hindi ako basta-basta nagtitiwala lalo sa mga lalaki pero mukhang mabait naman siya at hindi kami gagawan ng masama. Nataranta na lang din kasi ako kanina sa takot na malaman ni Anthony na ang buhat kong bata ay ang anak niya.

"Sure, of course. Who's that guy anyway?" tanong niya sa akin.

Napakunot naman ang noo ko dahil naisip kung sasabihin ko ba sa kaniya kung sino talaga ang lalaking 'yon.

"Oh, i-it's just a guy na nangungulit sa akin. By the way, what's your name again?" sagot at tanong ko naman sa kaniya.

Hindi ko naman pwedeng basta-basta sabihin sa kaniya ang totoo dahil hindi naman kami lubos na magkakilala. Sapat na ang sagot ko na 'yon kapalit nang pagpapasakay niya sa amin sa kotse niya. Isa pa ay kailangan ko rin malaman ang pangalan niya dahil pagod na ako sa kakasabi sa isip na siya ay si blue eyes.

"Oh, he likes you," sabi niya habang tumatango.

"Anyway, my name is Roswell," dagdag niya.

Napailing ako kaagad at napairap dahil sa una niyang sinabi. His name is pretty attractive huh. Magsasalita na sana ako kaya lang ay biglang nagising si Agatha sa pagkakatulog niya. Napadilat siya at agad na naupo nang maayos sa lap ko. Napatingin din naman si blue eyes doon at agad niyang nginitian si Agatha.

"Hi, pretty girl!" bati niya rito.

Sandali namang napatingin sa akin si Roswell kaya agad akong umiling sa kaniya na para bang nagbabanta na 'wag niyang kausapin ang anak ko.

"Are you my Daddy?" tanong ni Agatha na ikinagulat ko naman.

"Hey! Agatha, no." Suway ko naman sa kaniya.

"Do you want me to be your Dad?" tanong naman ni Roswell.

"Hey!" suway ko rin sa kaniya dahil sinakyan pa niya ang pagtatanong ng bata. 

"Yeah," sagot naman ni Agatha.

Halos mapasapo na lang ako sa noo ko roon at napabuntong hininga dahil mukhang mas trouble pa ang pagpili kong sumama kay Roswell.

Natawa si Roswell at pinagpatuloy ang pagda-drive kaya muli akong napailing doon. Naramdaman ko naman ang pagsandal ng ulo ni Agatha sa dibdib ko kaya sinilip ko siya at nakita kong napipikit itong muli.

"Thank God, she's just dreaming," sabi ko.

Natahimik naman kami sandali roon pero muling nagsalita si Roswell.

"If you don't mind. Where's her Dad?" tanong niya sa akin.

Muli akong napabuntong hininga dahil naalala ko na naman si Anthony. Ngayon na nakita niya ako ulit at sigurado akong hindi niya ako titigilan sa pangungulit sa akin.

"He abandoned us no'ng pinagbubuntis ko pa lang siya," sagot ko naman pagkatapos ay napatingin na lang sa bintana.

Hindi ako papayag na basta na lang makakabalik sa buhay namin si Anthony at mas lalo akong hindi makakapayag na makilala siya ng anak ko. He doesn't deserve that.

"I'm so sorry to hear that-"

"It's alright. Hindi naman na ako affected kapag sinasagot ko ang gan'yang mga tanong," sagot ko kaagad sa kaniya.

"By the way, nakalimutan kong sabihin kung saan ang address namin," dagdag na sabi ko pa.

Sinabi ko sa kaniya ang address kung saan ang apartment na tinutuluyan namin. Mabilis lang din kaming nakarating doon dahil hindi naman kalayuan.

"Hindi naman sa pag-aassume pero uunahan na kita. Ngayon na alam mo na ang address ko ay baka puntahan mo ako rito palagi. I just want you to remind that I'm not always here," sunod-sunod kong paalala sa kaniya.

Natawa naman siya at napailing bago magsalita.

"Of course, I know that. You're a flight attendant and I don't expect that you're always here," sagot niya pagkatapos ay nagkibit ng balikat.

Pinanliitan ko naman siya ng mga mata at kunot noong tumingin sa kaniya. Paano niya nalaman ang trabaho ko?

"I'm sorry. Nalaman ko lang sa isang waitress sa restaurant when I asked about you," paliwanag niya kaagad sa akin pagkatapos ay bahagyang natawa.

Napailing na lang ako dahil alam kong si Annie 'yon.

"Thanks. Thank you for bringing us home," pasasalmat na sabi ko sa kaniya.

Napangisi siya at napailing.

"Sorry pero hindi ako tumatanggap ng thank you lang," pabirong sabi niya.

Napataas naman ang kilay ko at napahugot nang malalim na hininga dahil ayaw ko rin na tumanaw ng utang na loob sa kaniya kaya napatango ako.

"I don't have anything in my house and ayaw ko rin na magkaroon ng utang na loob sa'yo. So, I owe you one," sagot ko sa kaniya pagkatapos ay nagkibit ako ng balikat.

Napatango siya at napayuko sandali bago magsalita. He licked his lower lip and looked at me.

"You owe me a coffee date," sabi niya.

Halos manlaki naman ang mga mata ko sa gulat. Imbis na makipagtalo naman ako sa kaniya ay pumayag na lang ako.

"Fine, but ako ang magsasabi kung kailan. I'm still busy," sagot ko sa kaniya.

Napangiti naman siya na para bang nakakamit siya ng isang achievement kaya naman napairap ako.

"I'm willing to wait," sabi niya habang nakangiti pa rin.

Tinulungan niya ako magdala ng maleta ko dahil buhat ko pa rin ang tulog na tulog na si Agatha. Nang nasa pintuan na kami ng apartment ay huminto ako roon.

"Hindi na kasali 'to sa utang ko sa'yo huh," paalala ko sa kaniya.

Natawa siyang muli at tumango sa akin bago inilipat ang tingin sa buhat kong bata.

"Yeah, of course. You should go inside para makapagpahinga nang maayos ang anak mo," sabi niya.

Tumango naman ako tipid na ngumiti sa kaniya bago ko buksan ang pintuan pero bago ako tuluyang makapasok doon ay nagsalita siyang muli kaya napahinto ako.

"Paano ko nga pala malalaman kung kailan ka available? How can we communicare?" tanong niya.

Napaisip naman ako sandali bago sumagot sa kaniya.

"Give me your contact number and I'll be the one who contact you pero madalas ako sa restaurant kapag wala akong flight," sagot ko sa kaniya.

Napatango naman siya at may kinuha sa bulsa niya. Inilabas niya ang wallet niya pagkatapos ay inabot niya sa akin ang calling card niya. Napataas naman ang kilay ko bago ko kinuha 'yon mula sa kaniya. As if naman natatawagan ko siya. Kung gusto niya ay puntahan niya ako lagi sa restaurant!

 Pagkatapos ay itinuro niya ang pintuan na para ban sinasabi niyang pumasok na ako roon kaya napatango akong muli sa kaniya bago tuluyang pumasok sa loob. Inihiga ko naman kaagad si Agatha sa kama dahil mahimbing naman ang tulog niya.

Halos mabuntong hininga naman ako roon at naramdaman ang sobrang pagod dahil sa trabaho. Hindi pa rin maalis sa isip ko si Anthony at sa maaaring gawin niya sa susunod. Hindi ako makatulog sa gabing 'yon sa kakaisip kaya naman naglinis pa ako sa buong bahay para hindi ako mabaliw sa kakaisip kung paano ko ba maitatago si Agatha mula kay Anthony.