CHAPTER 8: Off to town for the wedding dress

Gabi na nang marating nila ni Rafael ang villa nito. Niyakap niya ang sarili dahil napakalamig ng simoy ng hanging dumadampi sa kanyang balat at nasasamyo pa niya ang natural na amoy ng mga puno sa paligid. Kung anong ikinaganda ng paligid sa umaga ay ganun din sa gabi.

Hindi pa rin makahuma ang sarili niya kanina nang sa pagyakap niya sa likod ng hubad na katawan ni Rafael habang sakay sila ng kabayo. Tila may kilig siyang naramdaman nang yumakap siya sa katawan ng binata. Nag-iinit pa rin ang pisngi niya sa tagpong iyon.

"Magandang gabi señorita at señorito." bungad sa kanila ni Edita.

"Good evening too, Edita." ganting bati niya.

"Naku po señorita ano ang nangyari sa inyo bakit basang-basa kayo?"

"Nahulog siya sa may ilog. Mabuti pa Editha, tulungan mo ang señorita mo na makaakyat sa kanyang silid."

"Ganun po ba naku mabuti naman at walang masamang nangyari sa inyo. Siya nga pala señorito nandito po si Maam Gwen—"

"Mabuti naman at nakauwi ka na Rafael at sino 'yang babaeng ka