Chapter Fìfty-seven

TINUNGO ng magkapatid ang isang bar hindi kalayuan sa condominium unit ni Harry. Pinili nila ito dahil hindi ito matao.

Puro mamahaling alak ang pinagpilian nilang inumin.

"What would you like?" tanong ni Daniel sa kanila.

"I bet, bro would like to scream," ang sagot naman ni Cholo.

Natatawang pinili ni Daniel ang Screaming Eagle Cabernet Sauvignon. Hindi ito ang madalas nilang iniinom, pero nagkasundo silang ito ang pagsaluhan nila ngayong gabi.

Nanatili namang tahimik lang na nakaupo si Harry. Nagpatiayon lang siya sa gusto ng mga kapatid niya. Wala namang hinahanap na particular na lasa ng alak ang lalamunan niya kaya ayos lang sa kaniya kung alin ang mapili ng mga kapatid. Ang mahalaga ay kasama niya ang mga ito ngayon.

Habang nagsasalin sila ng alak sa baso para sa pangatlong round ay siya namang pagdating ni Chester.

"So, this is how you celebrate?" umiling-iling niyang bungad mula sa likuran ng tatlong pinsan.

"Chester!" pinaupo ni Daniel ang pinsan sa tabi niya. "You'r