Chapter Fifty-four

Nakatanggap siya ng pasabi na tuloy ang video session nila para sa advertisement ng company ni Vince Schuck. May kaunting pagbabago nga lang sa naunang plano. Pumayag naman si Jemima.

Si Harry ang sumama sa kaniya sa studio.

Binati ni Jemima ang staff pagbungad nila ng pinto. “Hello!

“Hello, Ma’am!”

Pumalatak sa tuwa ang make-up artist nang makita nito si Harry. “Wow, ang guwapo naman ng partner mo, madam!” Agad itong lumapit kay Harry, nakangiti ito sa kasiyahan habang pinagmamasdan nito ang lalaki mula ulo hanggang paa. “One to ten, twelve ka!” saad nito sa lalaki. Pipindutin sana nito ang bisig ni Harry pero umiwas ang huli.

“Silvestre,” pabagsak niyang sinabi ang pangalan ng make-up artist,--

“Aray naman po! Palagapak talaga! Sly lang po.”

“Don’t touch my honey. Asawa ko ito!” pabiro niyang pinanlakihan ng mga mata ang make-up artist. Kinilig naman si Harry sa narinig sa asawa. Inakbayan niya ang babae.

“Ay! Siya pala si Harry Sy?” Muli niyang tiningnan ang mukha ni Harry,