CHAPTER 3

TBRW C3 

3RD POV 

Nang makita ni Zena ang isang lalaki na nasa swimming pool, ay agad siyang nagtago sa damuhan. Lihim niya itong tinitigan at nang makita niyang natumba ito ay mabilis niya itong nilapitan. Akmang tutulungan na sana niya ito. Pero tiningnan siya nito nang masama 

"Sino ka? At bakit mo ako nilapitan?!" Galit na sigaw nito, kaya mabilis siyang napa-atras. 

"Nakita kasi kitang natumba." Mahina na sagot ni Zena, pero malakas pa rin na sumigaw ang lalaki. 

"Hindi ko kailangan ang tulong mo! Kaya umalis ka!!" Muling sigaw nito, kaya agad na umalis si Zena at nagkubli muli sa halaman. 

Nang makita niyang lumapit si Zoe, ay muli siyang napatingin sa lalaki. 

"Bakit ngayon ka lang?" Tanong nito kay Zoe, habang hindi maiwasan ni Zoe ang mapa-irap dito. 

"Alam mo naman na nagbihis pa ako." Galit na sagot nito sa binata. 

"Wala akong pakialam kung nagbibihis ka, ang gusto ko narito ka lang sa harapan ko!" Sigaw nito. 

"At ano ang tingin mo sa akin? Katulong mo? Na laging nakatayo at naghihintay ng utos?" Galit na sagot ni Zoe, kaya kunot-noo na tumingin sa kanya ang binata. 

"Hindi mo ba nakikita ang kalagayan ko?" Tanong nito kay Zoe, kaya mabilis nitong tinawag ang mga tauhan ng binata. 

Nang maibalik ang binata sa mga tauhan niya sa kanyang wheelchair, ay muli nitong tinawag si Zoe. 

"Bakit ba ako ang inuutusan mo?" Galit na tanong ni Zoe rito, kaya napangiti ito sa kanya. 

"Bakit nagtatanong ka pa? Nakalimutan mo bang kapag maikasal na tayo, magiging tagapagsilbi na rin kita." Galit na tumingin si Zoe rito, dahil sa sinabi nito sa kanya. 

"Kaya ba gusto mong maikasal tayo, dahil gusto mong maging alila ako!" Malawak na na-pangiti ang binata, dahil sa sinabi ni Zoe. 

"Hindi ka pala bobo." Iling na wika nito, kaya hindi napigilan ni Zoe ang magwala. 

"Zoe!" Sigaw ni John, habang mabilis itong nilapitan. 

"Ano bang nangyari sa 'yo?" Galit na tanong ni John dito. 

"Dad, nakakainis na ang lalaking 'yan!" Mangiyak-ngiyak na sumbong nito. 

"Pwede ba Zoe, kung ayaw mong mawala sa atin ang lahat ng meron tayo umayos ka." Galit na wika ni John, habang mabilis na humingi nang paumanhin kay Liam. 

"Pwede bang 'wag kang mangialam dito." Wika nito, kaya muling sumugod dito si Zoe. 

"Tama na." Saway ni John sa anak niya. 

"Ayusin mo ang sarili mo Anak, 'wag mo siyang patulan." Mahina na wika ni John kay Zoe. 

"Mukhang ayaw yata ng anak mo, ng anak mo ang maikasal sa akin?" Arrogante na wika ni Liam, habang nag-yuko ng mukha si John. 

"Gusto niya Hijo." Wika ni John, habang pilit niyang pinapahingi ng tawad si Zoe kay Liam. 

Kahit labag sa kalooban ni Zoe, ang humingi nang tawad dito, ay ginawa niya pa rin. Alam niya, na kaya pinipilit ni Liam ang sarili nito sa kanya, dahil mula pa noon ay malaki na ang gusto nito sa kanya. 

"Kung gusto mong pakasalan kita, 'wag mo akong galitin." Wika ni Zoe, habang malawak na napangiti sa kanya si Liam. 

"Wala ka nang magagawa, dahil sa ayaw at gusto mo. Akin ka pa rin Zoe, at walang ibang pwedeng umangkin sa 'yo kun'di ako lang." Madiin na wika ni Liam. 

Inis itong tinalikuran ni Zoe, habang narinig niya ang malakas na halakhak ng binata. 

NANG makapasok si Zoe, sa silid niya ay malakas siyang sumisigaw. 

'Sisiguruhin kung hinding-hindi ako mapapasa'yo Liam, at gagawin ko ang lahat. Makasama ko lang ang taong mahal ko.' Inayos niya ang sarili niya at muling naglagay ng make-up. 

Pilit na ngumiti si Zoe, lalo na nang makita niya ang mga magulang ni Liam. 

"Tita."Ngiting wika niya, habang humalik dito. 

"Hija, masaya akong makita ka." Ngiting wika nito, habang niyakap si Zoe. 

"May ibibigay pala ako sa 'yo Hija." Nagningning ang mga mata ni Zoe, matapos nitong makita ang mamahaling alahas, na binigay nito sa kanya. 

"Nagustuhan mo ba?" Tanong ng ginang habang mabilis na tumango si Zoe. 

"Hindi mo lang alam kung gaano ako kasaya kapag nakikita kung masaya ka at ang Anak ko Zoe." wika nito, habang lihim na nairap si Zoe, dahil ayaw na ayaw niya sa anak nito, lalo na at lumpo ito. 

"Halika ipakita natin 'yan kay Liam." Muling wika nito, habang hinawakan ang kanyang kamay. 

"Ako nalang po ang pupunta sa kanya." Sagot niya, habang binawi ang kamay niya na hawak nito, agad naman itong tumango sa kanya, kaya pinuntahan niya si Liam. 

"Nagustuhan mo ba ang binigay sa 'yo ni Mommy?" Tanong nito, kaya galit siyang tumingin dito. 

"Ikaw pala ang bumili nun?" Taas kilay na tanong niya rito, habang malawak itong ngumiti sa kanya. 

"Bakit ba ako ang nagustuhan mo?" tanong niya sa naiinis na boses. 

"'Wag mo nang itanong 'yon, ang mahalaga mapapasakin ka." Ngiting wika nito, kaya napa-kuyom ang kamao niya. 

"Hindi mo ba ako hahalikan? Uuwi na kami." Napadiin ang kuko ni Zoe, sa palad niya, dahil sa narinig niya mula rito. 

"Hindi mo ba ako naririnig Zoe?" Galit siyang lumapit at humalik sa pisngi nito. 

"Babalik ulit ako bukas." Wika nito habang tinawag nito ang mga tauhan nito. 

'Sana hindi kana bumalik.' 

"Lolo!" Sigaw ni Zoe, matapos umalis ni Liam at ang pamilya nito. 

"Anong nangyari?" Tanong ng lolo niya, habang nagmamadali na lumapit sa kanya. 

"Kailan mo ba balak palitan ang mukha ni Zena?" Iyak na wika niya, habang mahigpit na niyakap si Leon. 

"Sawang-sawa na ako sa ganito Lolo, ayoko nang maka-sama pa ang Liam na 'yon!!" Muling sigaw ni Zoe, habang humagulgol ito ng iyak. 

"'Wag kang mag-alala Apo, bukas na bukas. Papalitan na natin ang mukha ni Zena." Namilog ang kanyang mga mata, habang napatingin ito sa lolo niya. 

"Totoo ba ang sinasabi mo Lolo?" Tuwang tanong niya, habang tumango ito sa kanya. Tumalon naman siya sa tuwa, habang tinawag ang kanyang ina at ama. 

"Mommy, Daddy, papalitan na ni Lolo ang mukha ni Zena." Tuwang wika niya, habang malawak na napangiti sa kanya si Rose. 

"Sinabi ko naman sa 'yo Anak, na makakawala ka rin sa sitwasyon mo ngayon." Ngiting wika nto, habang mahigpit itong niyakap. 

"Manang! Dalhin niyo rito si Zena!" Utos ni Rose, habang hinihintay nila si Zena. 

"Sa tingin mo papayag siya?" Tanong ni Cora, kaya napa-kunot ang noo ni Leon, na tumingin sa asawa niya. 

"Wala akong pakialam kung papayag ba siya o hindi. Ang mahalaga, siya ang ipalit natin sa mga Johnson." galit na sagot nito. 

"Pinapatawag niyo raw po ako?" Wika ni Zena, habang nag-yuko ito ng muha. 

"Hindi ba gusto mong matanggap kita bilang anak?" Mabilis itong nag-angat ng mukha at tumingin kay Rose. 

"Opo.." Mahina at masaya na sagot nito, habang malawak na ngumiti si Rose rito. 

"Kung ganun, sundin mo ang gusto ko, magpanggap kang si Zoe." Gulat itong napatingin kay Rose, dahil sa sinabi nito. 

"Madali lang naman ang gagawin mo, pakasalan mo lang si Liam, gamit ang mukha ko." Ngiting wika ni Zoe, kay Zena.