CHAPTER 2

TBRW C2

3RD POV

Malakas na napasigaw si Zena, nang hawakan nang mahigpit ni Zoe, ang kanyang buhok.

"Saan ka pupunta?" Galit na tanong nito, habang hindi pa rin siya binibitawan.

"Aalis na ako rito, babalik na ako sa ampunan." Sagot ni Zena, kaya malakas siyang tinulak ni Zoe.

"At sa tingin mo makakabalik ka pa ro'n?" Galit na wika nito, habang tinawag ang mga katulong.

"Ano ang nangyayari rito?" Tanong ni Rose, matapos nitong makita si Zena na nasa sahig. Agad naman nitong nilapitan si Zoe, at tiningnan kung ayos lang ba ito, kahit nakita nitong si Zena ang naka-upo sa sahig at umiiyak.

"Alam mo bang gustong tumakas ng babaeng 'yan Mommy." Napalingon si Rose kay Zena, dahil sa sinabi sa kanya ni Zoe.

"Aalis ka?" Galit na wika ni Rose, at malakas itong sinampal.

"Ang kapal din ng mukha mo, para gawin 'yon! Ni hindi ka man lang nagpasalamat at hinanap ka nila!" Galit nitong sigaw, habang muli na naman na sinampal si Zena.

"Ikulong niyo ang babaeng 'yan! At 'wag na 'wag niyong hahayaan na makalabas!" Utos nito sa mga katuong.

"Anak, wala bang masakit sa 'yo?" Tanong ni Rose kay Zoe, habang malawak itong napangiti sa kanya.

"Ayos lang ako Mommy." Ngiting wika nito.

"Mabuti nalang at nakita mo siya." Wika ni Rose, habang niyakap si Zoe.

"Hindi ko siya hahayaan na makatakas dito Mommy, dahil ayokong maikasal sa bw*sit na Liam na 'yon." Napangiti si Rose, habang hinaplos ang buhok ni Zoe.

"Alam ko Anak, kahit naman ako, wala rin akong balak na ipakasal ka sa lalaking 'yon, lalo na at lumpo siya."

"Kaya nga Mommy, alam mo naman na ayaw ko talagang maikasal sa taong 'yon, kaya natatakot ako na darating na ang kaarawan ko Mommy.." Napangiti si Rose rito, habang hinalikan ito sa noo.

"'Wag ka nang matakot Anak, dahil may ipapalit na naman kami." Malawak siyang napangiti, dahil sa kanyang narinig mula sa kanyang ina.

"Salamat Mommy, alam mo bang muntik na akong magtampo kay Lolo, akala ko talaga hindi na niya ako mahal." Nailing sa kanya si Rose, habang binitawan siya.

"Alam mo naman na mahal na mahal ka namin Anak, at ito ang tandaan mo palagi. Ikaw lang ang nag-iisa kung anak, at wala ng iba pa." Wika ni Rose, habang muling yumakap sa kanya si Zoe.

*******

"Nasa'n ang babaeng 'yon?" Galit na tanong ni Rose sa katulong.

"Nasa loob po ng silid Ma'am." Sagot ng katulong, kaya agad niyang tinungo ang silid, na kinalalagyan ni Zena.

Matapos niyang buksan ang pinto, ay muli niya itong sinampal.

"Sa susunod na tatakas ka, mananagot ka sa akin." Madiin na wika niya at agad itong iniwan. Wala rin siyang pakialam kung nakikita niya ang kanyang mukha sa mukha ni Zena, dahil para sa kanya si Zoe lang ang nag-iisa niyang anak at wala nang iba pa.

"Rose!" Napalingon si Rose kay Cora, nang tawagin siya nito.

"Nasaan si Zoe?" Tanong nito sa kanya.

"Umalis Mommy, mag mall daw siya." Sagot niya rito.

"Tawagan mo, kailangan niyang bumalik agad." Napa-kunot ang noo ni Rose, dahil sa narinig niya rito.

"Bakit Mama? Kaalis lang niya, baka magalit 'yon." Nag-alala na wika ni Rose.

"Darating ang mga Johnson, baka magalit sila, kapag hindi makita ni Liam si Zoe, alam mo naman na si Zoe lang ang gusto niyang makita." Problemado na wika sa kanya ni Cora.

"Sandali lang Mama, tatawagan ko siya." Wika ni Rose, habang kinuha niya ang kanyang phone. Naka-ilang dial na rin siya, pero hindi pa rin sumasagot si Zoe.

"Ano na ang gagawin natin Rose? Hindi pwede na hindi natin maiharap sa kanya si Zoe."

"Tatawagan ko si John, Mama. Siya ang pasunduin ko sa Anak namin." Wika nito, habang tinawagan nito ang asawa niya. Pero natigilan ito, matapos nitong makita na tumawag si Zoe.

"Anak.." Tuwang wika ni Rose, matapos nitong sagutin ang tawag ni Zoe.

"Bakit ka tumawag Mommy?" Tanong nito sa kanya.

"Kailangan mong umuwi Anak, dahil pupunta sa bahay si Liam." Sagot niya rito.

"Bakit? Ano na naman ba ang gagawin niya r'ya?" Inis na tanong nito.

"Hindi ko alam, bilisan mo na, baka magalit siya sa atin, lalo na sa pamilya natin."

"Sige Mmmy, uuwi na ako." Sagot nito at mabilis na pinutol ang tawag.

"Ano ang sabi sa 'yo ng Apo ko?" Tanong ni Cora, kaya napalingon si Rose rito.

"Pauwi na raw siya Mommy." Sagot niya, habang napa-hawak ito sa dibdib.

"Mabuti naman at uuwi na siya, hindi mo lang alam, kung gaano ka lakas ang kaba na naramdaman ko kanina Rose, baka kasi bigla na namang magalit si Liam at baka kukunin na niya ang kumpanya natin." Wika ni Cora.

"Kailan pa kasi papalitan ni Papa ang mukha ni Zena?" Tanong ni Rose, kaya natigilan si Cora.

"Hindi ko alam, bakit pala nakalimutan ko 'yan?"

"Mama, kailangan na nating bilisan ang pagpapalit sa mukha niya, dahil ayokong maikasal ang Anak ko sa taong 'yon. Ayoko rin na makaramdam sa akin ng galit si Zoe." Wika ni Rose, kaya nilapitan siya ni Cora at hinawakan ang kamay niya.

"'Wag kang mag-alala, gagawin na natin ang pag-palit ng mukha niya, habang wala pa ang kaarawan ni Zoe." Ngiting wika ni Cora.

"Mommy!" Mabilis na sinalubong ni Rose si Zoe, at mahigpit itong niyakap, dahil kita niya sa mukha nito ang pagka-irita.

"Bakit ba siya pupunta rito?" Tanong nito, habang galit na tumingin kay Rose.

"Hindi ko alam Anak." Sagot ni Rose, habang hinaplos nito ang buhok ni Zoe.

"Baka na-miss ka niya Apo." Wika ni Cora, kaya napaiyak si Zoe.

"Alam n'yo naman na ayaw na ayaw ko siyang makita at makasama! Bakit ba pumayag kayo na pupunta si Rito?!" Galit na sigaw ni Zoe, habang nag-umpisa na magwala.

"Tama na Apo, alam mo naman na makapangyarihan sila, kaya kailangan nating sundin ang gusto nila."

"Bakit kasi, hindi n'yo pa pinalitan ang mukha ng babaeng 'yon?! Bakit hanggang ngayon ako pa rin ang nagdurusa na pakisamahan ang lalaking 'yon?!" Muling sigaw nito sa kanila.

"Ma'am, nandito na po ang mga Johnson." Wika ng katulong, kaya mabilis na pinunasan ni Rose ang mga luha sa pisngi ni Zoe.

"'Wag ka nang umiyak Anak, 'wag kang mag-alala. Bukas na bukas papalitan na namin ang mukha ni Zena." Wika ni Rose, habang mabilis na tumingin sa kanya si Zoe.

"Totoo ba 'yang sinasabi mo Mommy?" Tuwang tanong nito, habang mabilis na tumango si Rose.

"Kaya ngayon, tiisin mo muna, pakisamahan mo na muna siya Anak." Wika ni Rose, habang sumimangot si Zoe.