Chapter I

"Sa wakas!" Sigaw ko habang mabilis na pinaandar ang kotse na inihanda ko para may magamit ako sa pagtakas sa sarili kong kasal.

Ako si Ysa at mahigpit dalawang taon na naming pinagplanuhan ni Ralph ang kasal namin, bago pa man ako maging ulila. Simula sa simbahan, reception pati sa isusuot namin at ng mga abay. Ang hindi alam ni Ralph, ilang buwan na din akong lihim na nagpaplano kung paano tatakasan ang pinagpaplanuhan naming kasal. Mabait si Ralph, gwapo, matalino at higit sa lahat isang Bilyonaryo pero hindi ko siya kayang pakasalan dahil sa nabunyag ko tungkol sa kanila ng Daddy nya, si Uncle John, Best friend ng mga magulang ko, ilang buwan ang nakakalipas pagkatapos masawi ng mga magulang ko. 

At isa pa kahit na pareho na kaming nasa 20’s na at nasa tamang edad na para ikasal, hindi ko sya lubusang mahal iniisip ko lang ang koneksyon ng mga pamilya namin.

Dalawang taon na akong ulila. Namatay sa car accident ang Daddy at Mommy ko. Hindi iyon simpleng aksidente lang dahil mismong ama ni Ralph ang gumawa nun. Sinira nila ang makina ng kotse para mahulog sa bangin ang mga magulang ko at pinalabas na aksidente iyon. Ginawa nila iyon dahil sa kasakiman. Mag-business partners ang mga magulang namin ni Ralph at simple lang ang rason kung bakit nila iyon nagawa: para maangkin nila nang buong-buo ang Casa Del Sol, ang resort na ilang dekadang pinaglaanan ng mga magulang ko ng dugo't pawis nila para mabigyan ako, ang nag-iisang anak nila, ng maganda at eleganteng buhay. Pero ngayon, lahat iyon puwedeng mawala sa akin dahil sa kasakiman nila. Nawala na sa akin ang mahal kong mga magulang, hinding-hindi ako papayag na pati ang Casa Del Sol ay makuha nila sa akin.

Ilang buwan pagkatapos ng libing ng Mommy at Daddy ko naisip ko sanang kausapin si Ralph at Uncle John na wala na akong balak na ituloy pa ang kasal. Alam ko na ganoon din naman ang gusto ni Ralph. Oo alam ko na mahal nya ako pero bilang kaibigan lang at napilitan lang din sya sa kasal na to dahil yun ang napagkasunduan ng mga magulang namin. 

Balak ko na ding bayaran o bilihin nalang ang shares nila sa Casa Del Sol dahil mas gusto kong mag isa na itong patakbuhin. Ang iba pa naming business ay ibibigay ko na din sa kanilang Mag-ama, kabayaran sa abalang nagawa ko. 

May tatlo pa kaming resorts sa Manila at taos puso ko yung ibibigay sa kanila. Alam kong mas mayaman ang pamilya nila kesa sakin, mas madaming properties and businesses kaya hindi ko maintindihan kung bakit hindi sila makuntento. 

Kya naman nagpunta ako sa bahay nila Ralph para ipaalam sana ang mga plano ko. Bago pa man ako makarating sa bahay nila at Nakita ko sina Ralph at Uncle John na nakatayo sa tapat ng bahay nila mukhang kakauwi lang din nila. Nagtaka ako dahil dumirecho papasok ng bahay si Ralph at sinundan sya ni Uncle John, hindi nila pinark ang kotse sa garahe nila na tila ba may pinagtatalunan. 

Tumigil ako sa di kalayuan at pinark ang kotse ko, diretso akong lumakad papasok sa gate nila. Bago pa man ko makapasok sa p***o ay narinig ko ang boses ni Uncle John.

"Ralph tandaan mo ako ang nagpalaki sayo kaya malaki ang utang na loob mo sa akin, kung hindi dahil sakin ay wala ka sanang maayos na buhay ngayon. Iniwan ka ng Mommy mo at ako na lang ang pamilya mo. Wag na wag mong balakin na ipagkanulo ako dahil hindi kita mapapatawad." Pagalit na Sabi ni Uncle John. 

"Yes Dad, walang makakaalam ng lihim mo na ikaw ang nagutos na sirain ang makina ng sasakyan ng mga magulang ni Ysa para maghulog sila sa bangin. Napakadali lang sayo gawin yun at wala ni isang nag-isip na hindi yun aksidente." Sagot ni Ralph. 

"Sympre ako si John Borja at lahat ng gusto ko magagawa ko, walang pwedeng pumigil sakin na kahit na sino!! Ngayon ang dapat natin pagtuunan ng pansin at ang kasal nyo ni Ysa. Pagkasal na kayo mas madali na nating malilipat sa pangalan mo lahat ng ari-arian nila." Nakangising wika ni Uncle John.

Nanlaki ang mga mata ko sa narinig ko. "Tama ba ang narinig ko, ang best friend ng mga magulang ko sinadya nyang sirain ang makina ng kotse para maaksidente sila?" Tanong ko sa sarili ko.

Napahawak ako sa gilid ng p***o ng bahay nila, nanlalamig ang kamay ko at tila naninigas ang mga paa ko. Hindi ko pa naproproseso sa utak ko ang mga narinig ko pero alam Kong kailangan ko ng umalis sa kinatatayuan ko, hindi nila ko pwedeng makita at hindi nila pwedeng malaman na narinig ko ang usapan nila. Kahit halos hindi ako makalakad ay pinilit ko pa rin makarating sa kotse ko, agad kong pinaandar yun para makalayo agad.

Hindi ko alam kung paano ako nakapagdrive simula sa bahay nila Ralph papunta sa tapat ng bahay namin. Nanginginig pa din ako at hindi makapaniwala sa mga narinig ko, bigla na lang akong naiyak habang nakahawak sa manibela. “Ang sasama nila!!! napakayaman na nila pero hindi padin sila nakukontento sa dami ng pera nila. Bakit kailngan pa nilang wakasan ang buhay ng mga magulang ko para sa pera.!!!” malakas kong sigaw habang mag isa sa loob ng sasakyan.

Mga ilang minuto din akong umiiyak ng biglang mag ring ang cellphone ko, lumabas sa screen ang pangalan at number ni Ralph. "Bakit kaya sya tumatawag? Hindi kaya nalaman nila na narinig ko ang mga pinagusapan nila." Tanong ko sa sarili ko habang malakas ang pagkalabog ng dibdib ko.

 Kahit kabado ay kailangan kong sagutin ang tawag para malaman ko. Huminga muna ako ng malalim bago sagutin ang tawag. "He- hello" maikli kong sagot. 

"Hi Ysa, nasaan ka na?" Malambing na tanong ni Ralph. "Nasa bahay, bakit? Nalilitong sagot ko. "Bakit nandyan ka pa, hindi ba may appointment tayo sa makeup artist na balak mong ihire natin sa kasal natin." Sagot ni Ralph. 

"Naku oo nga pala sige papunta na ako." Napahinga ako ng malalim, mukhang wala namang alam si Ralph na nasa bahay nila ako kanina at narinig ko ang usapan nilang Mag-ama. Sa ngayon, magpanggap muna ko na walang alam kailangan kong makahanap ng ibedensyang magpapabagsak sa kanila. "Hindi ko hahayaang hindi kayo magbayad sa ginawa Nyo sa mga magulang ko, pananagutin ko kayo at babawiin ng dapat ng Sakin." Bulong ko sa aking sarili. 

Magpapanggap ako na abala para sa kasal Pero sisiguraduhing kong walang kasal na mangyayari sa pagitan namin ni Ralph, iiwan ko sya sa altar.

Pagdating ko sa meetup place namin ng makeup artist. Palinga-linga ako para hanapin si Ralph pero bigla akong natumba ng may bumanga sa akin mula sa likuran ko. "Sorry Miss nagmamadali kasi ako." Sambit ng lalake na nakabangga sa akin. "I'm really sorry namamadali lang talaga ko kailangan ko ng umalis, sorry talaga." Dagdag pa nya at bigla ng umalis. Hindi na ako nakasagot sa kanya. "Ang gwapo nya.......Sino ang lalakeng Yun." Sambit ko na lang sa sarili habang nakatingin sa kanya na papalayo.